அனைத்துப் பல்கலைக்கழக மாணவர் ஒன்றியத்தினால் முன்னெடுக்கப்பட்டுள்ள ஆர்ப்பாட்டங்களுக்கு, தொழிற்சங்கங்கள், மற்றும் பல சமூக அமைப்புகள் ஆதரவு தெரிவித்துள்ளன.

காலிமுகத்திடலை நோக்கிச் செல்லும் ஆர்ப்பாட்டக்காரர்களைத் தடுக்க நீதிமன்றம் உத்தரவு வழங்கியுள்ளதையடுத்து, ஆர்ப்பாட்டக்காரர்கள் மீது கண்ணீர்ப்புகை மற்றும் நீர்த்தாரை தாக்குதல்களை இலங்கை காவல்துறையினர் மேற்கொண்டுள்ளனர்.

The post இலங்கையில் மீண்டும் ஆரம்பிக்கப்பட்டுள்ள மக்கள் ஆர்ப்பாட்டங்கள் 🎥 appeared first on Puthinam NEWS புதினம் - Sri Lanka Tamil NEWS.

சீன ஜனாதிபதி ஷி ஜின்பிங்கின் “zero-Covid” திட்டதின் மூலம், கொரோனாவைக் கட்டுப்படுத்த மிகக் கடுமையான கட்டுப்பாடுகள் சீனாவில் அமுல்படுத்தப்பட்டுள்ளன. இதனை எதிர்த்தே மக்கள் ஆர்ப்பாட்டத்தில் ஈடுபட்டு வருகின்றனர்.

கடந்த இரு நாட்களாக இடம்பெற்றுவரும் ஆர்ப்பாட்டங்கள் சீனாவின் பெரும் நகரங்களுக்கும் பரவியுள்ளது. தலைநகர் பீஜிங் மற்றும் வர்த்தக தலைநகரான ஷங்காயில் ஆர்ப்பாட்டத்தில் ஈடுபட்ட மக்கள், சீன அதிபர் ஷி ஜின்பிங்கை பதவி விலகும்படி கோஷம் எழுப்பினர்.

The post சீனாவின் பல நகரங்களில் கோவிட் ஆர்ப்பாட்டங்கள் appeared first on Puthinam NEWS புதினம் - Sri Lanka Tamil NEWS.

நேற்று (23/11) பாராளுமன்றில் உரையாற்றும்போதே ஜனாதிபதி மேற்குறிப்பிட்டவாறு தெரிவித்தார்.

இலங்கை காவல்துறையினரிடம் அனுமதி வாங்கி, பொது மக்களுக்கு இடையூறு இன்றி எவரும் ஆர்ப்பாட்டத்தில் ஈடுபடலாம் என தெரிவித்த ஜனாதிபதி, பொதுமக்களுக்கு இடையூறு ஏற்படுத்தும் எந்தவொரு ஆர்ப்பாட்டத்தையும் அனுமதிக்கப்போவதில்லை எனவும் தெரிவித்தார்.

மேலும் ஆர்ப்பாட்டங்களை அடக்க இராணுவத்தினரைப் பயன்படுத்த தயங்கப்போவதில்லை எனவும், தேவைப்படின் அவசரகாலச் சட்டத்தையும் அமுல்படுத்துவேன் எனவும் ஜனாதிபதி ரணில் விக்கிரமசிங்க தெரிவித்தார்.

The post ஆர்ப்பாட்டத்தில் ஈடுபட்டால், படைப்பலம் பிரயோகிக்கப்படும் – ரணில் appeared first on Puthinam NEWS புதினம் - Sri Lanka Tamil NEWS.

பெண்களுக்கு எதிரான வன்முறைகள் நிறுத்தப்படவேண்டும் என்ற கோரிக்கையை வைத்து ஐக்கிய மக்கள் சக்தியின் தேசிய மகளிர் ஒருங்கிணைப்பாளர் ஹிருணிகா தலைமையில் ஆர்ப்பாட்டம் ஒன்று இடம்பெறவிருந்தது.

கொழும்பு ஐக்கிய நாடுகள் சபையின் அலுவலகம் முன்பு இடம்பெறவிருந்த ஆர்ப்பாட்டம், காவல்துறையினரின் ஏற்படுத்திய தடையினால் சுதந்திர சதுக்கம் அருகே ஆரம்பமானது. இருப்பினும் காவல்துறையினர் ஆர்ப்பாட்டத்தை முற்றாக தடுத்தனர்.

இதன் பின்னர் ஆர்ப்பாட்டக்காரர்கள் கறுவா தோட்ட (கொழும்பு 7) காவல்துறை நிலையத்திற்கு முன்னால் காவல்துறையினரை எதிர்ப்பு ஆர்ப்பாட்டத்தில் ஈடுபட்டனர். இதன்போதே ஹிருணிகா உட்பட 15 பேரும் கைது செய்யப்பட்டனர்.

The post ஹிருணிகா உட்பட 14 பேர் கைது appeared first on Puthinam NEWS புதினம் - Sri Lanka Tamil NEWS.

நாடுதழுவியரீதியில் 22 மாகாணங்களில் இடம்பெற்றுவரும் அரசிற்கெதிரான ஆர்ப்பாட்டங்களில் 43 சிறுவர்கள் மற்றும் 25 பெண்கள் உட்பட 326பேரை ஈரான் அரச படைகள் கொன்றுள்ளதாக IHRNGO அமைப்பு தெரிவித்துள்ளது.

The post ஈரானில் இரண்டு மாதத்தில் 43 சிறுவர்கள் உட்பட 326பேர் கொல்லப்பட்டுள்ளனர் appeared first on Puthinam NEWS புதினம் - Sri Lanka Tamil NEWS.

பல தொழிலாளர் சங்கங்கள், 150 இற்கும் மேற்பட்ட அமைப்புகள் மற்றும் அரசியல் கட்சிகள் சார்பாக எதிர்க் கட்சி உட்பட பல அரசியல் கட்சி உறுப்பினர்கள் இந்த ஆர்ப்பாட்டப் பேரணியில் கலந்துகொண்டிருந்தனர்.

“அடக்குமுறையை நிறுத்து, பயங்கரவாத தடைச் சட்டத்தை நீக்கு” என்ற கோரிக்கையே ஆர்பாட்டத்தில் முக்கிய கோரிக்கையாக இடம்பெற்றிருந்தது. மருதானையில் ஆரம்பித்து புறக்கோட்டைவரை செல்ல முற்பட்ட ஆர்ப்பாட்டப் பேரணியை காவல்துறையினர் புறக்கோட்டை சந்தைக்கருகே தடுத்து நிறுத்தினர்.

இதனால் மக்களுக்கும் காவல்துறையினருக்கும் இடையே முறுகல் நிலை ஏற்பட்டது. தொடர்ந்து ஆர்ப்பாட்ட பேரணியை முன்னெடுக்க முடியாது என உணர்ந்த எதிக்கட்சித் தலைவர் மற்றும் பல அரசியல் பிரமுகர்கள் ஆர்ப்பாட்டத்தை விட்டு வெளியேறினர். இருப்பினும் ஹிருணிகா பிரேமசந்திரா மக்களுடன் இறுதிவரை நின்று ஆர்ப்பாட்டத்தில் பங்கெடுத்திருந்தார் என்பது குறிப்பிடத்தக்கது.

The post கொழும்பில் அரசிற்கு எதிராக பாரிய ஆர்ப்பாட்டப் பேரணி appeared first on Puthinam NEWS புதினம் - Sri Lanka Tamil NEWS.

நிறைவேற்று அதிகாரமுடைய ஜனாதிபதியாக ரணில் செய்த முதல் வேலை, மக்களின் பொது பாதுகாப்பை மேற்கொள்ள முப்படையினரை அழைக்கும் விதத்தில் அதி விஷேட வர்த்தமானியை வெளியிட்டதுதான்.

ஆர்ப்பாட்டக்காரர்களை அகற்றுவதாகத் தெரிவித்து, சொந்த இன மக்கள் மீதே கொடூரமாகத் தாக்குதல்களை நடத்தி பத்திற்கும் மேற்பட்ட மக்களை காயப்படுத்தியது மட்டுமன்றி, பல ஊடவியலாளர்கள்(உள்ளூர் மற்றும் வெளிநாட்டு) மீதும் தாக்குதல் நடத்தப்பட்டுள்ளது.

ஏற்கனவே நாட்டில் அவசரகாலச் சட்டம் நடைமுறையில் இருப்பதால், படையினர் மேற்கொள்ளும் எவ்வித நடவடிக்கைகளையும் கேள்விக்குட்படுத்த முடியாது. எனவே ஜனாதிபதி ரணில் விக்கிரமசிங்க இன்னும் மூர்கமாகச் செயற்படவும் வாய்ப்புள்ளது.

ஆர்ப்பாட்டத்தைக் கலைக்க இந்தளவு பலத்தைப் பிரயோகிக்க வேண்டிய அவசியமில்லை. அதுவும் இவ்வளவு அவசரமாக இந்த நடவடிக்கைகளை மேற்கொள்ளவேண்டிய அவசியமும் இல்லை. இன்று(22/07) மதியம் தாம் கைப்பற்றிய அரச கட்டடங்களை மீள ஓப்படைபோம் என ஆர்ப்பாட்டக்காரர்கள் தெரிவித்திருந்தும், ஏன் ரணில் விக்கிரமசிங்க அவசரப்பட்டார் என்பது புரியாத புதிராகவே உள்ளது.

மகிந்த ஆட்சியில் இடம்பெற்றதைப்போல, ரணிலும் ஊடகவியலாளர்களை குறிவைக்கத் தொடங்கியுள்ளாரோ என்ற அச்சமும் எழுகின்றது. ஆர்ப்பாட்டக்காரர்களைக் கலைக்கும் சாட்டில் பல ஊடகவியலாளர்கள் மீது வேண்டுமென்றே தாக்குதல்கள் நடத்தப்பட்டுள்ளது.

பல தென்னிலங்கை ஊடகங்கள் ஏற்கனவே அடக்கி வாசிக்கத் தொடங்கியுள்ளன. சில ஊடகங்கள் ஒரு படி மேலே போய், ஆர்ப்பாட்டக்காரர்களை அந்நியர்களாகப் பார்க்கும் நிலையை தோற்றுவிக்க முயற்சித்துக்கொண்டிருக்கின்றன.

ஆர்ப்பாட்டக்காரர்களுக்கும், அரசியல்வாதிகளுக்கும் இடையே செயற்பட்ட இலங்கை சட்டத்தரணிகள் சங்கமும் ரணிலில் கட்டுப்பாட்டில் வந்துள்ளதுபோல் தோன்றுகின்றது!!! வரும் நாட்களில் இவர்களின் உண்மை முகமும் தெரியவரும்.

ஆர்ப்பாட்டக்காரர்களை கலைக்கும் விடயத்தில் இவ்வளவு ஆர்வம் காட்டும் ரணில்,
மகிந்த ராஜபக்ச ஆட்சியில் நாட்டில் கொள்ளையிடப்பட்ட பணத்தை, மீள நாட்டிற்குள் கொண்டுவருவதில் ஆர்வம் காட்டுவாரா?
அல்லது ஈஸ்டர்தின மனித வெடிகுண்டுத் தாக்குதல் சூத்திரதாரிகளை கைது செய்வதில் ஆர்வம் காட்டுவாரா?

The post கோத்தாவாக மாறிய ரணில் 📷 🎥 appeared first on Puthinam NEWS புதினம் - Sri Lanka Tamil NEWS.

ஆர்ப்பாட்டக்காரர்களை அகற்ற, ஜனாதிபதி ரணில் விக்கிரமசிங்க பல நூற்றுக்கணக்கான இராணுவம் மற்றும் விஷேட அதிரடிப்படையினரை ஏவி விட்டுள்ளார். படையினரும் கடும் பலத்தைப் பிரயோகித்து ஆர்ப்பாட்டக்காரர்களின் கூடாரங்களை அழித்து, ஆர்ப்பாட்டக்காரர்கள் மற்றும் ஊடகவியலாளர்களை கடுமையாகத் தாக்கியுள்ளனர்.

பிரித்தானிய ஒளிபரப்புக் கூட்டுத்தாபனம் (BBC) ஊடவியலாளர் ஒருவரைத் தாக்கிய படையினர், அவரது அலைபேசியைப் பறித்து அதிலிருந்த வீடியோக்களையும் அழித்துள்ளனர்.

கொழும்பு ஊடகங்கள், குறிப்பாக ஆங்கில ஊடகங்கள் தாக்குதல் தொடர்பான உண்மையான செய்திகளை வெளியிடுவதைத் தவிர்த்து வருகின்றன.

அமெரிக்க மற்றும் மேற்குலக நாடுகளின் ஆதரவு பெற்ற ரணில் விக்கிரமசிங்க, ஆர்ப்பாட்டக்காரர்களுக்கு எதிராக மேற்கொள்ளும் எவ்வித நடவடிக்கைகளுக்கும் உலக நாடுகள் எதிர்ப்புத் தெரிவிக்காது என்பதுடன் கண்துடைப்பு கண்டன அறிக்கைகளை மட்டும் வெளியிடும் என்பதுதான் நிதர்சனம்.

The post காலிமுகத்திடல் ஆர்ப்பாட்டக்காரர்கள் மீது படையினர் தாக்குதல் 🎥 appeared first on Puthinam NEWS புதினம் - Sri Lanka Tamil NEWS.

மக்களின் எதிர்ப்பு அதிகரித்துள்ள நிலையில், நிலைமையைக் கட்டுப்படுத்த முடியாமல் இருப்பதால், அமைதி நிலையை உருவாக்கும் பொறுப்பை முப்படையினரிடம் ஒப்படைத்துள்ளார் பதில் ஜனாதிபதி ரணில் விக்ரமசிங்க.

இதுவரையில் இடம்பெற்ற ஆர்ப்பாட்டங்களின்போது வெளிக்காட்டப்படாத எதிர்ப்பு படையினரிடமிருந்து நேற்று(13/07) வெளிப்பட்டது. படையினரின் எதிர் தாக்குதலால் ஆர்ப்பாட்டத்தில் ஈடுபட்ட ஒரு இளைஞன் உயிரிழந்துள்ளதுடன், 75 இற்கும் மேற்பட்ட இளைஞர், யுவதிகள் காயமடைந்து வைத்தியசாலையில் அனுமதிக்கப்பட்டுள்ளனர்.

மிக புத்திசாலித்தனமாக ஆர்ப்பாட்டக்காரர்களுக்கு எதிரான நடவடிக்கைகளை ரணில் ஆரம்பித்துவிட்டார் என்பது தெளிவாகின்றது. இராணுவ வீரரிடமிருந்து T-56 ரக துப்பாக்கி ஒன்றும், 60 துப்பாக்கி குண்டுகளும் ஆர்ப்பாட்டத்தில் ஈடுபட்டவர்களால் எடுத்துச் செல்லப்பட்டுள்ளதாக வெளியான செய்தி மிகவும் பாரதூரமானதொன்றாகும்.

ஆர்ப்பாட்டக்காரர்களை நசுக்க இவ்வாறான வதந்திகளைப் பரப்பி, மக்கள் போராட்டத்தை முழுமையாக மழுங்கடிக்க ரணில் முயற்சி செய்கின்றார் போலும். ரணிலுக்கு ஆதரவாக கோத்தபாய ராஜபக்சவின் விசேட இராணுவ அணி செயற்பட வாய்ப்புள்ளது. இராணுவத்தளபதி, பாதுகாப்புச் செயலாளர் உட்பட பெரும்பாலான உயர் இராணுவ அதிகாரிகள் கோத்தபாயவின் விசுவாசிகளாவர்.

அரசியல் யாப்பின்படி, பிரதமராக இருந்த ரணில் பதில் ஜனாதிபதியாக நியமிக்கப்பட்டார். இருப்பினும் 69 இலட்சம் வாக்குகள் பெற்று ஜனாதிபதியாக ஆட்சிபுரிந்த கோத்தபாய ராஜபக்சவையே மக்கள் முழுமையாக நிராகரிக்கும்போது, அரசியல் யாப்பு கதையெல்லாம் மக்கள் மத்தியில் எடுபடாது என்பதுதான் தற்போதைய யதார்த்தம்.

73 வயதாகும் ரணிலுக்கு 45 வருட அரசியல் அனுபவமுள்ளது. ரணிலின் கனவே ஒரு முறையேனும் ஜனாதிபதியாக இருந்துவிட வேண்டும் என்பதுதான். இவ்வளவு அரசியல் அனுபவமிருந்தும், மக்கள் போராட்டத்தை மதிக்காமல் ரணில் தொடர்ந்தும் அடம் பிடிப்பாரேயானால், 2022ல் இன்னொரு கறுப்பு ஜூலை ஏற்படுவதை எவராலும் தடுக்க முடியாது.

The post படையினரை நம்பும் ரணில் appeared first on Puthinam NEWS புதினம் - Sri Lanka Tamil NEWS.

எந்த நாட்டிற்கு தப்பிச் சென்றுள்ளார் என எவ்வித தகவல்களும் இதுவரை வெளியாகவில்லை.

மேலும் முன்னாள் பிரதமர் மகிந்த ராஜபக்ச மற்றும் நாமல் ராஜபக்ச ஆகியோரும் இன்னும் தலைமறைவாகவே உள்ளனர். இவர்கள் இன்னும் இலங்கையில் உள்ளார்களா இல்லை இலங்கையை விட்டு வெளியேறியுள்ளார்களா என்ற எவ்வித தகவல்களும் இதுவரை கிடைக்கப்பெறவில்லை.

மக்கள் புரட்சியை அடுத்து தலைமறைவாக இருந்த கோத்தபாய ராஜபக்ச இன்று(13/07) உத்தியோகபூர்வமாக பதவி விலகுவார் என சபாநாயகர் தெரிவித்திருந்தமை குறிப்பிடத்தக்கது.

இதேவேளை பசில் ராஜபக்சவும் நாட்டை விட்டு வெளியேறியுள்ளதாகவும் BBC செய்திச்சேவை தெரிவித்துள்ளது. பசில் ராஜபக்ச அமெரிக்க குடியுரிமை கொண்டிருப்பதால், அமெரிக்காவிற்கு சென்றிருக்கலாம் என நம்பப்படுகிறது.

The post கோத்தபாய நாட்டைவிட்டு வெளியேறினார்! appeared first on Puthinam NEWS புதினம் - Sri Lanka Tamil NEWS.