இந்த பொதுத்தேர்தலில் தாம் எதிர்பார்த்த அளவு ஆசனங்களைப் பெற்றுள்ளதாக தெரிவித்த மகிந்த ராஜபக்ச, வெற்றிக்கான போராட்டத்தை கைவிடப்போவதில்லை எனவும் தெரிவித்துள்ளார்.

மேலும், தேசிய மக்கள் சக்தியின் வெற்றி ஒரு நேர்மையான வெற்றி என தெரிவித்துள்ள மகிந்த, இந்நாட்டு மக்களே புதியவர்களை பாராளுமன்றத்திற்கு அனுப்பியுள்ளனர், எனவே மக்களின் தீர்ப்பை நாம் மதிக்க வேண்டும் எனவும் தெரிவித்துள்ளார்.

The post அடங்காத அசுரன் மகிந்த! appeared first on Puthinam NEWS புதினம் - Sri Lanka Tamil NEWS.

கடந்த ஒரு மாத காலத்தில் கொழும்பு மற்றும் அதனை அண்டிய பகுதியில் 20பேருக்கும் மேற்பட்டோர் சுட்டுக் கொல்லப்பட்டுள்ளனர். சுட்டவர்களும், இறந்தவர்களும் போதைப்பொருள் கடத்தல் அல்லது வியாபாராம் தொடர்பான நபர்களே.

கடந்த 29ம் திகதி இடம்பெற்ற துப்பாக்கிச் சூட்டில் T-56 ரக துப்பாக்கி பாவிக்கப்பட்டுள்ளதாக காவல்துறையினர் தெரிவித்துள்ளனர். அரச ஆதரவு இல்லாமல், இராணுவத்தினர் உபயோகிக்கும் T-56 ரக துப்பாக்கியைப் பாவித்து, பட்டப்பகலில் கொலைகள் இடம்பெற வாய்ப்பே இல்லை. அத்துடன் துப்பாக்கிச் சூட்டுச் சம்பவங்கள் இடம்பெற்றபோது பதிவாகிய CCTV காணொளிகள் கிடைக்கப்பெற்றும், இதுவரையில் எவருமே கைது செய்யப்படவில்லை என்பதுதான் பலத்த சந்தேகங்களை ஏற்படுத்தியுள்ளது.

மகிந்த ஆட்சிக் காலத்தில் காதும் காதும் வைத்தாற்போல் நடைபெற்றுவந்த போதைப்பொருள் வர்த்தகத்தில் இடம்பெற்ற காட்டிக் கொடுப்புகளுக்கான பழிவாங்கல் நடவடிக்கைகளே தற்போது இடம்பெற்று வருவதாக உள்ளூர் ஆய்வாளர்கள் கருதுகிறார்கள்.

மகிந்த பதவியிலிருந்து அகற்றப்பட்டு ஒரு சில நாட்களில் ஆரம்பமான துப்பாக்கிச் சூட்டு சம்பவங்கள் இன்னும் தொடர்ந்த வண்ணம் உள்ளது. ஜனாதிபதியோ, பிரதமரோ எவ்வித நடவடிக்கைகளையும் இதுவரையில் மேற்கொள்ளவில்லை.

நாட்டில் தோன்றியுள்ள அரசியல் ஸ்திரத்தன்மை இன்மை நிலையைப் பயன்படுத்தி போதைப்பொருள் தொடர்பான கொலைகள் இடம்பெற்றுவருவது மட்டுமல்லாமல், போதைப் பொருள் பாவனைக்கு அடிமையானவர்களைப் பராமரிக்கும் கந்தக்காடு புனர்வாழ்வு நிலையத்தில் இருந்து 600பேர் வரையில் தப்பியோடிய சம்பவமும் இடம்பெற்றுள்ளமை மிகவும் பாரதூரமான மற்றும் ஆபத்தான நிகழ்வாகும்.

கந்தகாடு சம்பவம் ஒரு திட்டமிடப்பட்ட ஒரு சம்பவமாகவே பார்க்கப்படுகிறது. இங்கிருந்து தப்பிய 500பேருக்கு மேற்பட்டோரில், 250பேரை மீண்டும் கைது செய்துள்ளதாக காவல்துறையினர் தெரிவித்துள்ளனர். சிறையில் இருந்தோரை அல்லது புனர்வாழ்வு நிலையத்தில் இருப்போரை கலவரங்களை மேற்கொள்வதற்காகப் பயன்படுத்தும் வேலைகளை மகிந்த அரசு கடந்த காலங்களின் மேற்கொண்டிருந்தமையையும் நாம் இந்நேரத்தில் குறிப்பிட்டாகவேண்டும்.

தனது அரசியல் வாழ்வில் பாரிய தோல்வியைக் கண்டுள்ள மகிந்த ராஜபக்ச மற்றும் சகோதரர்கள், மே மாதம் 9ம் திகதி இடம்பெற்ற மக்கள் எதிர்ப்பு நடவடிக்கைகளை மறக்கவே மாட்டார்கள். அசையா சொத்துக்கள் அனைத்தும் இழந்துள்ள ராஜபக்ச சகோதரர்கள், பதிலுக்கு சிங்கள் மக்களை பழி வேண்டுவார்களோ என்ற அச்சமும் ஒரு பக்கம் இல்லாமலில்லை.

The post இலங்கையில் போதைப்பொருள் மாஃபியாக்களின் அட்டகாசம் appeared first on Puthinam NEWS புதினம் - Sri Lanka Tamil NEWS.

தொடர்ந்து தலைமறைவாக இருக்கும் ஜொன்ஸ்ரன் பெர்னாண்டோவை விரைவில் கைது செய்து, நீதிமன்றில் முன்னிலைப்படுத்துவோம் என இலங்கை காவல்துறையினர் தெரிவித்துள்ளனர்.

மேலும் மே 9ம் திகதி இடம்பெற்ற வன்முறைகள் தொடர்பாக இதுவரை 2,348பேர் கைது செய்யப்பட்டுள்ளார்கள். இவர்களில் 1,037பேர் விளக்கமறியலில் வைக்கப்பட்டுள்ளதாகவும் இலங்கை காவல்துறையினர் தெரிவித்துள்ளனர்.

The post முன்னாள் அமைச்சர் ஜொன்ஸ்ரன் பெர்ன்னாண்டோவை தேடும் காவல்துறை appeared first on Puthinam NEWS புதினம் - Sri Lanka Tamil NEWS.

இந்த துப்பாக்கிச் சூட்டு சமப்வங்களுக்கு அரசியல் ஆதரவு பின்புலத்தில் இருப்பதாகவே தோன்றுகின்றது.

கொழும்பு பஸ்ரியன் மாவத்தையில் பிரதி காவல்துறை மா அதிபரின் பணிமனைக்கு அருகில், துணிகரமாக மேற்கொள்ளப்பட்ட துப்பாக்கிச் சூட்டில் இறந்தவர் வழக்கு ஒன்றில் ஆஜரான பின்னர் வீடு திரும்பிக்கொண்டிருந்த ஒருவர் ஆவார்.

ஏற்கனவே புறக்கோட்டையை அண்மித்த பகுதிகளில், ஆர்ப்பாட்டக்காரர்களை கட்டுப்படுத்த பல வீதித் தடைகள் போடப்பட்டுள்ளதுடன், கொழும்பு நகரின் பாதுகாப்பும் பலப்படுத்தப்பட்டுள்ளது. இவ்வாறானதொரு சந்தர்ப்பத்தில் அரசியல் பக்கபலமின்றி துப்பாக்கிச் சூட்டு சம்பவங்கள் இடம்பெறுவது சாத்தியமாகாது.

அளுத்கமவில் கொல்லப்பட்டவர் போதைப்பொருள் தடுப்பு காவல்துறையினருக்கு எதிரான பிரதான சாட்சி ஆவார். இந்த கொலையின் மூலம், கைப்பற்றப்படும் போதைப் பொருட்களை மீண்டும் அதே வியாபாரிகளுக்கு விற்பனை செய்யும் ஒரு கீழ்த்தரமான காரியத்தை செய்து வரும் இலங்கை போதைப் பொருள் தடுப்பு காவல்துறையினரின் முகத்திரையை கிழிக்கும் ஒரு சந்தர்ப்பமும் இல்லாமல் ஆக்கப்பட்டுள்ளது.

போதைபொருள் தொடர்பானவர்களில் ஆரம்பிக்கும் துப்பாக்கிச் சூட்டு சம்பவங்கள், சற்று விரிவடைந்து தனிப்பட்ட பழிவாங்கல்களாக உருவெடுக்கும் அபாயமும் உள்ளது. மே 9 இடம்பெற்ற வன்முறைகள் மூலம் ஏற்பட்ட அவமானங்கள், இழப்புகளை இலகுவில் மறக்க மாட்டார்கள் ராஜபக்ச சகோதரர்கள்.

சந்தர்ப்பம் கிடைக்கும்போது பழி வேண்டுவார்கள் என்பதில் சந்தேகமில்லை. மறைவிடம் ஒன்றிலிருந்து, மகிந்த ராஜபக்ச தற்போது சுதந்திரமாக தனது அரசியல் நடவடிக்கைகளை மேற்கொண்டுவருகின்றார்.

அவருக்கு இராணுவம், காவல்துறை மற்றும் அரச மட்டங்களில் கணிசமானவர்கள் தமது ஆதரவை இன்னும் வழங்கி வருகின்றார்கள் (தனிப்பட்ட நன்றிக்கடனாக). அவர்களின் உதவியுடன் சிறு சிறு அசம்பாவிதங்களை தொடர்ச்சியாக மேற்கொண்டு, அதனைக் காரணம் காட்டி மீண்டும் உருவெடுக்கும் ஒரு திட்டத்துடனும் மகிந்த செயற்படலாம்.

ரணில் பிரதமராக இருக்கின்றபடியால், மகிந்த எவ்வகையான குற்றச் செயல்களை மேற்கொள்வாராயினும், அது ரணிலின் தலையிலேயே விழும். உள்விவகாரங்களில் பாதுகாப்பு தொடர்பான பிரச்சனைகளுக்கு ரணில்தான் பதில் சொல்லவேண்டிவரும்.

எனவே மகிந்தவின் நகர்வுகளை ரணில் மென்போக்குடன் கையாளுவாராயின், இன்னும் பல துப்பாக்கிச் சூட்டு சம்பவங்கள் இடம்பெறும் என்பதில் சந்தேகமில்லை.

The post அதிகரிக்கும் துப்பாக்கி சூட்டுச் சம்பவங்களின் பின்னணியில்.. appeared first on Puthinam NEWS புதினம் - Sri Lanka Tamil NEWS.

தனது வீடு தீக்கிரையாக்கப்பட்டபோது தனது ஆவணங்கள் அனைத்தும் முழுமையாக எரிந்து போயுள்ளதாகவும், குறிப்பாக தான் விமானியாக பணியாற்றிய ஆவணங்கள் அனைத்தும் அழிந்துள்ளதாகவும் பாராளுமன்றில் தெரிவித்திருந்தார்.

இந்த கருத்து தொடர்பாக இலங்கை விமானப்படை மறுப்பு அறிக்கை ஒன்றை விடுத்துள்ளது. இதில் அருந்திக்க பெர்னாண்டோ ஒருமுறை விமானிகளுக்கான பயிற்சியில் பங்குபற்றியிருந்ததாகவும், இருப்பினும் அதில் அவர் சித்தியடையவில்லை என்றும் குறிப்பிடப்பட்டுள்ளது.

மேலும், ஶ்ரீலங்கன் விமான சேவைக்கு விமானிகளை வழங்கும் நிறுவனமும் அருந்திக்க பெர்னாண்டோ தமது நிறுவனத்தில் விமானியாக பணியாற்றவில்லை என்று அறிக்கை வெளியிட்டுள்ளது.

2017ம் ஆண்டு அருந்திக்க பெர்னாண்டோவை பிரதி அமைச்சர் பதவியிலிருந்து அப்போதைய ஜனாதிபதி மைத்திரிபால சிறிசேனா நீக்கியிருந்தார் என்பதும் குறிப்பிடத்தக்கது.

The post பொய்யுரைத்த பாராளுமன்ற உறுப்பினர் appeared first on Puthinam NEWS புதினம் - Sri Lanka Tamil NEWS.

கடந்த 9ம் திகதி அலரி மாளிகையில் பிரதமருடன் இடம்பெற்ற சந்திப்புகளைத் தொடர்ந்து வெளியேறிய பொதுஜன பெரமுணவின் காடையர்களினால் ‘மைனா கோ கம’ மற்றும் ‘கோட்டா கோ கம‘ தாக்கப்பட்டமை தொடர்பாகவே விசாரணைகள் இடம்பெறுகின்றன.

விசாரணைகளுக்கு தாம் முழு ஒத்துழைப்பையும் வழங்குவோம் என நாமல் தெரிவித்துள்ளார்.

– ரணில் இருக்கப் பயமேன் –
2015 நல்லாட்சி அரசாங்க காலத்திலேயே தஜீதீனுடைய கொலை தொடர்பான வழக்கு விசாரணைகளில் இருந்து தப்பிய நாமலுக்கு, தற்போதைய நிலையில் மிக இலகுவாக எல்லா விசாரணைகளில் இருந்தும் தப்பிவிடுவார் என்பதில் சந்தேகமில்லை.

The post நாமலிடம் CID விசாரணை appeared first on Puthinam NEWS புதினம் - Sri Lanka Tamil NEWS.

மொஹமட் நஸீட் அவர்கள் தானாக வேண்டுகோள் விடுத்ததாகவும், பிரதமர் அதனை ஏற்று, அவரை இடர்கால நிவாரண ஒருங்கிணைப்பாளாரக நியமித்துள்ளார் எனவும் பிரதமரின் அலுவலகம் தெரிவித்துள்ளது. இது பலத்த சந்தேகங்களை மக்கள் மத்தியில் ஏற்படுத்தியுள்ளது.

ரணிலின் இந்த முடிவு, இலங்கையில் சிறந்த நிபுணர்கள் இல்லாத மாதிரியும், அதனால் வேறு நாட்டவர்களுக்கு நாட்டின் முக்கிய நிதி அல்லது நிர்வாக பதவிகளை வழங்குவது போன்று ஒரு தோற்றப்பாடையும் ஏற்படுத்தியுள்ளது.

ஏற்கனவே நல்லாட்சி அரசில், மத்திய வங்கியின் ஆளுநராக சிங்கப்பூரைச் சேர்ந்த அர்ஜூனா மகேந்திரன் என்பவரை ரணில் நியமித்திருந்தார். பின்னர் பிணைமுறி மோசடியில் அவர் தலை மறைவாக, அடுத்து வந்த தேர்தலில் ரணிலும் அவரது கட்சியும் வரலாறு காணாத பாரிய தோல்வியைச் சந்தித்திருந்தமையை உலகமே அறியும்.

தலைமறைவாகி சிங்கப்பூரிலேயே இருப்பதாகச் சந்தேகிக்கப்படும் அர்ஜூன மகேந்திரனை, சிங்கப்பூர் அரசாங்கம் இதுவரையில் கைது செய்யாமல் விட்டிருப்பது புரியாத புதிராகவே உள்ளது.

ரணிலின் இந்த நகர்வு ஏன் என்பது இதுவரை உத்தியோகபூர்வமாக தெரியவிக்கப்படவில்லை. பல கோணங்களில் பல சந்தேகங்களை மக்கள் மத்தியில் ஏற்படுத்தியிருப்பினும், முக்கிய சந்தேகமாக மகிந்தவின் கறுப்புப் பணமே கருதப்படுகிறது.

மகிந்தவினால் இலங்கைக்கு வெளியே பதுக்கி வைக்கப்பட்டுள்ள ஒரு தொகுதி கறுப்புப் பணத்தை இலங்கைக்குள் கொண்டுவரும் ரணிலின் ஒரு முயற்சியாகவும் இது இருக்கலாம் எனக் கருதப்படுகிறது.!

உறுதிப்படுத்தப்படாத தகவல்களின்படி, மகிந்த ராஜபக்ச மற்றும் அவரின் குடும்பத்தினரின் கட்டுப்பாட்டில், இலங்கைக்கு வெளியே 20 பில்லியன் அமெரிக்க டொலர்களுக்கும் அதிகமாக இருப்பதாக கருதப்படுகின்றது.

இலங்கையின் மொத்த கடன் தொகையோ 53 பில்லியன் டொலர்களாகும். இலங்கைக்கு தேவையான பணத்தில்,50 வீதம் ஒரு குடும்பத்திடம் மட்டும் உள்ளமை மிக அதிர்ச்சிகரமான விடயமாகும்.

இலங்கையின் முக்கிய பிரபலங்கள் உட்பட, ஆர்ப்பாட்டத்தில் ஈடுபட்ட பலர் ராஜபக்சவினரால் சூறையாடப்பட்ட பணத்தினை மீண்டும் இலங்கைக்குள் கொண்டுவர வேண்டுமென்பதை ஒரு முக்கிய வேண்டுகோளாக விடுத்திருந்தனர்.

ரணிலின் பல நகர்வுகள் அலப்பறை இல்லாமல், சிறிய புன்னகையுடன் இலாவகமாக மேற்கொள்ளப்படுவது வழமையாகும். மகிந்தவை கைது செய்யாவிடினும் பரவாயில்லை, அவரால் சூரையாடப்பட்ட பணத்தினை நாட்டிற்குள் கொண்டுவந்தால், ரணிலை சிங்கள மக்கள் ராஜாவாகப் பார்ப்பார்கள்.

(2009இல் மகிந்த ராஜபக்சவையும் சிங்கள மக்கள் ராஜாவாகத்தான் பார்த்தார்கள் என்பதும் யாவரும் அறிந்ததே)

The post அன்று அர்ஜூனா மகேந்திரன், இன்று மொஹமட் நஸீட் !! appeared first on Puthinam NEWS புதினம் - Sri Lanka Tamil NEWS.

இதில் பொதுஜன பெரமுனவின் பாராளுமன்ற உறுப்பினர்கள், முன்னாள் அமைச்சர்கள் மற்றும் மேல்மாகாண பிரதி காவல்துறைமா அதிபர் ஆகியோரும் உள்ளடங்குகின்றனர்.

மகிந்தவின் நெருங்கிய கைக்கூலிகளான பின்வரும் நபர்களே காடைத்தனத்தில் ஈடுபட்டவர்களை வழிநடத்தியவர்களாவர்.

முன்னாள் அமைச்சர் ஜோன்ஸ்ரன் பெர்னாண்டோ
முன்னாள் இராஜாங்க அமைச்சர் சனத் நிஷாந்த
சஞ்சீவி எதிரிமான (பா.உ)
மிலான் ஜெயதிலக (பா.உ)
சமன் லால் பெர்னாண்டோ (மொறட்டுவ மேயர்)
மகிந்த ஹகண்டகமகே
டான் பிரியசாட்
ஆகியோரையும் கைது செய்து நீதிமன்றில் முன்னிலைப்படுத்துமாறு சட்டமா அதிபர் பணித்துள்ளார்.

The post பாராளுமன்ற உறுப்பினர்கள் உட்பட 22 பேரைக் கைது செய்ய உத்தரவு! appeared first on Puthinam NEWS புதினம் - Sri Lanka Tamil NEWS.

‘மைனா கோ கம’ மற்றும் ‘கோட்டா கோ கம’ பகுதிகளில் அகிம்சை வழியில் ஆர்ப்பாட்டங்களை மேற்கொண்டிருந்த ஆர்ப்பாட்டக்காரர்களைத் தாக்கிய அரச சார்பு காடையர்களைக் கைது செய்யுமாறு வலியுறுத்தியே இந்த ஆர்ப்பாட்டம் இடம்பெற்றது.

பல நூற்றுக்கணக்கான இளைஞர் யுவதிகள் இந்த ஆர்ப்பாட்டத்தில் பங்குபற்றியிருந்தனர்.

மகிந்த ராஜபக்ச அரசில் அங்கம் வகித்த பாராளுமன்ற உறுப்பினர்கள் சிலர் உட்பட பல காடையர்கள் காலி முகத்திடலிலும், அலரி மாளிகையின் முன்னாலும் தாக்குதலை நடத்தியிருந்தார்கள். அவ்விடத்தில் இலங்கை காவல்துறையின் பிரதான அதிகாரி ஒருவரும் நின்றிருந்தார் என்பதும் குறிப்பிடத்தக்கது.

இதற்கான தகுந்த ஆதாரங்கள், தொலைக்காட்சிகளின் நேரலை ஒளிபரப்பில் தெளிவாகத் தெரிந்திருந்தும், இதுவரையில் முக்கிய குற்றவாளிகள் எவரும் கைது செய்யப்படவில்லை.

மாறாக காடையர்களைத் தாக்கிய மற்றும் அரசாங்க உறுப்பினர்களின் சொத்துக்களை சேதமாக்கியவர்கள் என பல நூற்றுக்கணக்கானவர்களை காவல்துறை கைது செய்து சிறையில் அடைத்துள்ளது.

மேற்படி நிலை தொடர்பாக எதிர்க்கட்சியினரோ, இலங்கை ஊடகங்களோ, சட்டத்தரணிகள் சங்கமோ உறுதியான நடவடிக்கைகள் எதையும் இதுவரையில் எடுக்காதது பலத்த ஏமாற்றத்தையே மக்கள் மத்தியில் ஏற்படுத்தியுள்ளது.

The post அரச சார்பு காடையர்களைக் கைது செய்யுமாறு வலியுறுத்தி ஆர்ப்பாட்டம் appeared first on Puthinam NEWS புதினம் - Sri Lanka Tamil NEWS.

கடந்த 9ம் திகதி மகிந்த ராஜபக்சவின் கட்சியான பொதுஜன பெரமுனவின் காடையர்களினால் கொழும்பில் வன்முறைகள் தொடங்கப்பட்டது.

இதனையடுத்து ஆத்திரமடைந்த மக்களினால் பிரதமர் உட்பட அரசாங்க பாராளுமன்ற உறுப்பினர்கள் மற்றும் அமைச்சர்கள் பலரின் வீடுகள், வாகனங்கள் என்பன சேதமாக்கப்பட்டன.

மொத்தமாக 707 வன்முறைச் சம்பவங்கள் பதிவாகியுள்ளதாக காவல்துறையினர் தெரிவித்துள்ளனர்.

இந்த சம்பவங்கள் தொடர்பாக காவல்துறையினர் விசாரணைகளை ஆரம்பித்து, கைது நடவடிக்கைகளை மேற்கொள்ளத் தொடங்கியுள்ளனர். அதனடிப்படையில் இதுவரை 230பேர் கைது செய்யப்பட்டுள்ளதாக இலங்கை காவல்துறை தெரிவித்துள்ளது.

மேல் மாகாணத்தில் 71 பேரும்,
தென் மாகாணத்தில் 43 பேரும்,
மத்திய மாகாணத்தில் 17 பேரும்,
வட-மேல் மாகாணத்தில் 36 பேரும்,
வட-மத்திய மாகாணத்தில் 47 பேரும்,
சப்ரகமுவ மாகாணத்தில் 13 பேரும்,
ஊவா மாகாணத்தில் 2 பேரும்,
வட மாகாணத்தில் ஒருவரும் கைது செய்யப்பட்டுள்ளனர்.

வன்முறைகளை அனுமதிக்க முடியாது. இருப்பினும் அரசியல்வாதிகளில் பெரும்பாலனவர்கள் சட்டரீதியற்ற முறையிலேயே சொத்துக்களைச் சேர்த்துள்ளனர் என்பது அனைவருக்கும் தெரியும்.

மேலும், ஆர்ப்பாட்டத்தில் ஈடுபட்டுள்ள பல்லாயிரக்கணக்கான மக்களின் பிரதான கோரிக்கைகளில் ஒன்று மகிந்தவும் அவரது குடும்பத்தினரும் கொள்ளையடித்த சொத்துக்களை மீள இலங்கைக்கு கொண்டு வரவேண்டுமென்பது. (உறுதிப்படுத்தப்படாத தகவல்களின்படி குறைந்தது 20 பில்லியன் அமெரிக்க டொலர்கள் வரையில் வெளிநாடுகளில் இருப்பதாக தகவல்கள் தெரிவிக்கின்றன.)

இலங்கை காவல்துறை அந்த குற்றச்சாட்டை ஏற்று விசாரணைகளை முன்னெடுப்பார்களா? அது தொடர்பாக சம்பந்தப்படவர்களைக் கைது செய்வார்களா?

அல்லது புதிய பிரதமர் ரணில் விக்கிரமசிங்க, அது தொடர்பாக ஏதும் நடவடிக்கைகளை மேற்கொள்வாரா?

நாட்டைக் கொள்ளையடித்த பெருங்கொள்ளையர்களை ஹெலிக்கொப்டரில் வழியனுப்பி வைத்துவிட்டு, சிறு வன்முறையாளர்களை சிறையில் அடைக்க முற்படுகிறது ரணில்-கோத்தபாய அரசு.

The post இதுவரையில் 230பேர் கைது. மகிந்தவையும் கைது செய்வார்களா❓ appeared first on Puthinam NEWS புதினம் - Sri Lanka Tamil NEWS.