Vanni – Puthinam NEWS புதினம் – Sri Lanka Tamil NEWS

தேசிய பட்டியல் ஆசனம் தோல்வியுற்ற சத்தியலிங்கத்திற்கு, மன்னார் புறக்கணிப்பு

புதினம் — Sun, 17 Nov 2024 23:26:37 +0000

தமிழரசுக் கட்சியின் தேசிய பட்டியல் ஆசனத்தை வவுனியாவில் போட்டியிட்டு தோல்வியுற்ற சத்தியலிங்கத்திற்கு வழங்க தமிழரசுக் கட்சி முடிவு செய்துள்ளதாக சுமந்திரன் தெரிவித்துள்ளார்.

இளையவர்களை உள்வாங்குவதாக தெரிவித்து போட்டியிட்ட தமிழரசுக் கட்சி, இறுதியில் தமக்கு விசுவாசமானவர்களை முன்னுரிமைப்படுத்தும் வகையில் நகர்வுகளை மேற்கொண்டு வருகின்றது. மன்னார் மாவட்டத்தில் போட்டியிட்ட இளம் சட்டத்தரணி செ.டினேசன் சத்தியலிங்கத்தை விட 2,500 இற்கும் அதிகமான வாக்குகளைப் பெற்றிருந்தும், தமிழரசுக் கட்சி அவரைப் புறக்கணித்துள்ளது.

கடந்த 2020 பொதுத் தேர்தலில் அம்பாறை மாவட்ட பிரதிநிதித்துவத்தை காப்பதற்காக தேசிய பட்டியல் ஆசனம் அந்த மாவட்டத்திற்கு வழங்கப்பட்டது. அதே போன்று இம்முறை மன்னார் மாவட்டத்திற்கு பிரதிநிதித்துவத்தை வழங்கியிருக்கலாம்.

தேசிய பட்டியல் விவகாரத்தில் தமிழ்க் கட்சிகள் மீண்டும் மீண்டும் பிழையான போக்கையே கையாண்டு வருகின்றன. 2020 தேர்தலில் தமிழ்த் தேசிய மக்கள் முன்னணி வேட்பாளர் செ.கஜேந்திரன் தேர்தலில் போட்டியிட்டு தோற்றிருந்தார். இருப்பினும் அவருக்கே தேசிய பட்டியல் ஆசனம் வழங்கப்பட்டிருந்தமையும் இங்கே குறிப்பிடத்தக்கது.

இவ்வாறான போக்கு அந்தந்த கட்சிகளுக்கு வாக்களித்த வாக்களர்களை ஏமாற்றும் அல்லது முட்டாள்கள் ஆக்கும் செயலாகவே பார்க்க வேண்டியுள்ளது.

The post தேசிய பட்டியல் ஆசனம் தோல்வியுற்ற சத்தியலிங்கத்திற்கு, மன்னார் புறக்கணிப்பு appeared first on Puthinam NEWS புதினம் - Sri Lanka Tamil NEWS.

தமிழரசுக் கட்சிக்கு 8 ஆசனங்கள்

புதினம் — Sat, 16 Nov 2024 09:52:55 +0000

வடக்கு கிழக்கின் பாரம்பரிய தமிழ் கட்சியான தமிழரசுக் கட்சிக்கு இம்முறை எட்டு ஆசனங்கள் கிடைக்கப் பெற்றுள்ளன. தனித்துப் போட்டியிட்ட தமிழரசுக் கட்சி எட்டு ஆசனங்களைப் பெற்றமை, அக்கட்சிக்கு ஒரு வகையில் வெற்றியே.

கட்சியின் முன்னாள் தலைவர் இரா.சம்பந்தனின் மறைவிற்குப் பின்னர் சந்திக்கும் முதலாவது பொதுத் தேர்தல் இதுவாகும்.

கடந்த காலங்களில் டெலோ, புளொட் மற்றும் சிறிய கட்சிகளுடன் கூட்டு சேர்ந்து தேர்தலில் போட்டியிட்ட தமிழரசுக் கட்சி, இம்முறை சுமந்திரனின் தலையீட்டினால் தனித்து களம் இறங்கியது. சுமந்திரன் மீதான உட்கட்சி மற்றும் இதர கூட்டணிக் கட்சிகளின் அதிருப்தி, தேசிய மக்கள் சக்தியின் பாரிய எழுச்சி மற்றும் வைத்தியர் அர்ச்சுனாவின் சுயேட்சைக் குழுவின் அதிரடியான பிரச்சாரங்கள் என பல பக்கத்தாலும் பல சவால்களை யாழ் தேர்தல் களத்தில் எதிர்கொண்டது தமிழரசுக் கட்சி.

இம்முறை தேர்தலில், யாழ் தேர்தல் மாவட்டத்தில் தமிழரசுக் கட்சி முதன் முறையாக இரண்டாம் இடத்திற்கு தள்ளப்பட்டுள்ளதுடன், வன்னி தேர்தல் மாவட்டத்தில் மூன்றாம் நிலைக்கு தள்ளப்பட்டிருந்தமையும் குறிப்பிடத்தக்கது. யாழ் தேர்தல் மாவட்டத்தில் தேசியக் கட்சி ஒன்று மூன்று ஆசனங்களைப் பெற்றமையும் இதுவே முதல்முறையாகும்.

கடந்த ஜனாதிபதி தேர்தலில் தமிழரசுக் கட்சி ஆதரவளித்த சஜித் பிரேமதாசாவின் ஐக்கிய மக்கள் சக்தி யாழ்ப்பாணம் மற்றும் வன்னி மாவட்டங்களில் போட்டியிடாமல் விட்டிருந்தால் தமிழரசுக் கட்சிக்கு மேலும் ஒன்று அல்லது இரண்டு ஆசனங்கள் கிடைத்திருக்கலாம்!! ஐக்கிய மக்கள் சக்தி யாழ் மாவட்டத்தில் 15,276 வாக்குகளைப் பெற்றிருந்தமையும் இங்கே சுட்டிக்காட்டப்படவேண்டும்.

தேர்தல் மாவட்டம்	வாக்குகள்	ஆசனம்
யாழ்ப்பாணம்	63,327	1
வன்னி	29,711	1
திருகோணமலை	34,168	1
மட்டக்களப்பு	96,975	3
அம்பாறை	33,632	1
தேசிய பட்டியல்		1
	257,813	08

The post தமிழரசுக் கட்சிக்கு 8 ஆசனங்கள் appeared first on Puthinam NEWS புதினம் - Sri Lanka Tamil NEWS.

வடக்கிலும் மாபெரும் வெற்றி பெற்றது தேசிய மக்கள் சக்தி

புதினம் — Fri, 15 Nov 2024 23:53:41 +0000

நடந்து முடிந்த பொதுத் தேர்தலில் வடக்கு மாகாணத்திலும் மாபெரும் வெற்றி பெற்றுள்ளது தேசிய மக்கள் சக்தி. யாழ்ப்பாணம் மற்றும் வன்னி தேர்தல் மாவட்டங்களில் தேசிய மக்கள் சக்தி மொத்தமாக 5 ஆசனங்களைப் பெற்று, வடக்கு அரசியல் கட்சிகளுக்கு பாரிய அதிர்ச்சியைக் கொடுத்துள்ளது.

குறிப்பாக யாழ்ப்பாணம் தேர்தல் மாவட்டத்தில் காலம் காலமாக கோலூச்சி வந்த தமிழரசுக் கட்சியை வீழ்த்தி மூன்று ஆசனங்களை வென்ற தேசிய மக்கள் சக்தி, வன்னி தேர்தல் மாவட்டத்திலும் இரண்டு ஆசனங்களை வென்றுள்ளது.

யாழ்ப்பாணம் தேர்தல் மாவட்டம்

யாழ்ப்பாணம் மற்றும் கிளிநொச்சி மாவட்டங்களை உள்ளடக்கிய யாழ்ப்பாணம் தேர்தல் மாவட்டத்தில் மொத்தமாக 80,830 வாக்குகளைப் பெற்று மூன்று ஆசனங்களைப் பெற்றுள்ளது தேசிய மக்கள் சக்தி. முதன்மை வேட்பாளர் க.இளங்குமரன் 32,102 வாக்குகளைப் பெற்றிருந்தார்.

க.இளங்குமரன் – 32,102
Dr.ஶ்ரீ பவானந்தராஜா – 20,430
ஜெ.ரஜீவன் – 17,579

வன்னி தேர்தல் மாவட்டம்

முல்லைத்தீவு, வவுனியா மற்றும் மன்னார் மாவட்டங்களை உள்ளடக்கிய வன்னி தேர்தல் மாவட்டத்தில் 39,894 வாக்குகளைப் பெற்று இரண்டு ஆசனங்களைப் பெற்றுள்ளது தேசிய மக்கள் சக்தி.

Dr.செ.திலகநாதன் – 10,652
ஆ.ஜெகதீஸ்வரன் – 9,280

The post வடக்கிலும் மாபெரும் வெற்றி பெற்றது தேசிய மக்கள் சக்தி appeared first on Puthinam NEWS புதினம் - Sri Lanka Tamil NEWS.

உண்மையான தமிழ்த்தேசியவாதி நானே – அங்கஜன் இராமநாதன்

புதினம் — Wed, 23 Oct 2024 00:46:49 +0000

வரும் பொதுத்தேர்தலில் யாழ் தேர்தல் மாவட்டத்தில் தபால்பெட்டி சின்னத்தில் போட்டியிடும் அங்கஜன் இராமநாதன், “நானே உண்மையான தமிழ்த்தேசியவாதி” என தனது முகநூல் பக்கத்தில் குறிப்பிட்டுள்ளார்.

தங்களுக்குள் உட்பூசல்கள் செய்து நமது வாய்ப்புக்களை தாரை வார்த்துக்கொடுத்து, தமிழ் மக்களை கல்வியில் நலிவுறச் செய்து பொருளாதாரத்தில் வீழ்ச்சியடையச் செய்து தமிழர்களை புலம்பெயர் தமிழராக்கி விட்டு, மக்களுக்கென்று எதுவும் செய்யாமல் இனியும் எதுவும் செய்வதற்கு எந்த திட்டமும் இல்லாமல் சக தமிழர்களை உணர்வுரீதியாகவே தாக்கி தம் சுயலாபத்திற்கு பயன்படுத்துபவர்களா உண்மையான தமிழ்த்தேசியவாதிகள்?

தமிழ் மக்களின் இருப்பைத் தக்கவைத்து, மக்களின் நலன்களைக் காக்கும், அவர்களை பொருளாதாரத்தில் வலுப்படுத்தும், கல்வியில் முன்னேற்றம் பெறச் செய்யும் முயற்சியில் ஒருங்கிணைந்து செயற்பட்டு, தமிழ் மக்களின் வாழ்க்கையை மேம்மடுத்துபவரா உண்மையான தமிழ்த்தேசியவாதி?

நான் என் தமிழ் மக்களின் இருப்பை தக்கவைத்து, அவர்கள் தேவைகளை நிறைவேற்றி, அவர்கள் வாழ்வாதாரத்தை உயர்த்துவதை என் முழுநோக்காய் கொண்டு செயற்படுகிறேன். வெற்றுக்கூச்சலிடவில்லை. அதனால்தான் சொல்கிறேன், நான் தான் உண்மையான தமிழ்த்தேசியவாதி. என அங்கஜன் இராமநாதன் குறிப்பிட்டுள்ளார்.

The post உண்மையான தமிழ்த்தேசியவாதி நானே – அங்கஜன் இராமநாதன் appeared first on Puthinam NEWS புதினம் - Sri Lanka Tamil NEWS.

வடக்கு கிழக்கு மாகாணத்தில் கட்சிகள் பெற்ற வாக்குகள்

புதினம் — Sat, 08 Aug 2020 05:44:06 +0000

தமிழரசுக் கட்சி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	112,967	3
வன்னி	69,916	3
மட்டக்களப்பு	79,460	2
திருகோணமலை	39,570	1
அம்பாறை	25,220	–

அகில இலங்கை தமிழ்க் காங்கிரஸ்

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	55,303	1
வன்னி	8,232	–
மட்டக்களப்பு	1,203	–
திருகோணமலை	2,745	–
அம்பாறை	–	–

ஈழ மக்கள் ஜனநாயகக் கட்சி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	45,797	1
வன்னி	11,310	1
மட்டக்களப்பு	–	–
திருகோணமலை	3,775	–
அம்பாறை	–	–

தமிழ் மக்கள் தேசியக் கூட்டணி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	35,927	1
வன்னி	8,789	–
மட்டக்களப்பு	4,960	–
திருகோணமலை	1,625	–
அம்பாறை	–	–

The post வடக்கு கிழக்கு மாகாணத்தில் கட்சிகள் பெற்ற வாக்குகள் appeared first on Puthinam NEWS புதினம் - Sri Lanka Tamil NEWS.

நாடாளுமன்ற தேர்தல் முடிவுகள் 2020 – வன்னி மாவட்டம்

புதினம் — Thu, 06 Aug 2020 12:02:18 +0000

நாடாளுமன்ற தேர்தல் 2020 – வன்னி மாவட்டம்

கட்சிகள் பெற்ற மொத்த வாக்குகள்

இலங்கை தமிழரசுக் கட்சி – 69,916 33.6% பொதுஜன பெரமுன – 45,524 20.46% ஐக்கிய மக்கள் சக்தி – 37,883 18.23% ஈழ மக்கள் ஜனநாயக் கட்சி – 11,310 5.54% இலங்கை சமூக ஜனநாயகக் கட்சி – 10,064 4.8% தமிழ் மக்கள் தேசியக் கூட்டணி – 8,789 4.2% இலங்கை தமிழ்க் காங்கிரஸ் – 8,232 3.9%

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
இலங்கை தழிழரசுக் கட்சி	3
பொதுஜன பெரமுன	1
ஐக்கிய மக்கள் சக்தி	1
ஈழ மக்கள் ஜனநாயகக் கட்சி	1
தமிழ் மக்கள் தேசியக் கூட்டணி	–
இலங்கை தமிழ் காங்கிரஸ்	–
ஐக்கிய தேசியக் கட்சி	–

வவுனியா

கட்சி	வாக்குகள்	ஆசனங்கள்
தமிழரசுக் கட்சி	22,849
பொதுஜன பெரமுன	18,696
ஐக்கிய மக்கள் சக்தி	11,170
இலங்கை சமூக ஜனநாயகக் கட்சி	6,758
ஈழ மக்கள் ஜனநாயகக் கட்சி	4,926
தமிழ் மக்கள் தேசியக் கூட்டணி	4,610
இலங்கை தமிழ் காங்கிரஸ்	3,993
சுயாதீன குழு (03)	1,696
சுயாதீன குழு (05)	858

மன்னார்

கட்சி	வாக்குகள்	ஆசனங்கள்
தமிழரசுக் கட்சி	20,266
ஐக்கிய மக்கள் சக்தி	14,632
பொதுஜன பெரமுன	12,050
சுயாதீன குழு (01)	2,565
ஈழ மக்கள் ஜனநாயகக் கட்சி	2,086
இலங்கை சமூக ஜனநாயகக் கட்சி	1,304
தமிழ் மக்கள் தேசியக் கூட்டணி	1.288
இலங்கை தமிழ் காங்கிரஸ்	1,198
ஐக்கிய தேசியக் கட்சி	495

முல்லைதீவு

கட்சி	வாக்குகள்	ஆசனங்கள்
தமிழரசுக் கட்சி	22,492
பொதுஜன பெரமுன	8,307
ஐக்கிய மக்கள் சக்தி	6,087
ஈழ மக்கள் ஜனநாயகக்	3,694
இலங்கை தமிழ் காங்கிரஸ்	2,472
தமிழ் மக்கள் தேசியக் கூட்டணி	2,155
இலங்கை சமூக ஜனநாயகக் கட்சி	1,690
சுயாதீன குழு (09)	601
சுயாதீன குழு (03)	439

வன்னி – தபால் மூல வாக்குகள்

கட்சி	வாக்குகள்	ஆசனங்கள்
தமிழரசுக் கட்சி	4,308
பொதுஜன பெரமுன	2,771
ஐக்கிய மக்கள் சக்தி	1,811
தமிழ் மக்கள் தேசியக் கூட்டணி	736
ஈழ மக்கள் ஜனநாயகக் கட்சி	602

நாடாளுமன்ற தேர்தல் முடிவுகள் 2020 – மட்டக்களப்பு மாவட்டம்

நாடாளுமன்ற தேர்தல் முடிவுகள் 2020 – வன்னி மாவட்டம்

நாடாளுமன்ற தேர்தல் முடிவுகள் 2020 – யாழ் மாவட்டம்

நாடாளுமன்ற தேர்தல் முடிவுகள் 2020

The post நாடாளுமன்ற தேர்தல் முடிவுகள் 2020 – வன்னி மாவட்டம் appeared first on Puthinam NEWS புதினம் - Sri Lanka Tamil NEWS.

காயமடைந்த கண்ணிவெடி அகற்றும் உறுப்பினர் மரணம்

புதினம் — Thu, 06 Sep 2018 07:41:13 +0000

கடந்த திங்கட்கிழமை (03/09) மாங்குளம் பிரதேசத்தில் கண்ணிவெடி அகற்றும் நடவடிக்கைகளில் ஈடுபட்டிருந்தவேளை மிதிவெடி வெடித்ததில் பி.திலீபன் (24) என்ற உறுப்பினர் உயிரிழந்திருந்ததுடன் இன்னொருவர் காயமடைந்திருந்தார்.

காயமடைந்து சிகிச்சை பெற்று வந்த எஸ்.நிதர்சன் (25) என்ற உறுப்பினரும் சிகிச்சை பலனின்றி நேற்று (05/09) உயிரிழந்துள்ளார்.

The post காயமடைந்த கண்ணிவெடி அகற்றும் உறுப்பினர் மரணம் appeared first on Puthinam NEWS புதினம் - Sri Lanka Tamil NEWS.

வடபகுதி உள்ளூராட்சி சபைத் தேர்தலில் இந்தியாவின் ஆதிக்கம்

புதினம் — Fri, 08 Dec 2017 03:10:28 +0000

நடைபெறவுள்ள உள்ளூராட்சி தேர்தலில், வட மாகாணத்தில் தமிழ் அரசியல் கட்சிகளின் நிலை ஒற்றுமையின்றி மிகவும் குழப்பகரமாகவும், இழுபறி நிலையிலும் உள்ளது.

ஒழுங்கான தலைமைத்துவம் இல்லாதது ஒரு பிரதான காரணமாக இருந்தாலும், வெளியுலக, குறிப்பாக இந்தியாவின் அழுத்தங்கள் அல்லது தலையீடுகள் வடபகுதி அரசியலில் பெரும் பங்கு வகிக்கின்றது.

தமிழீழ விடுதலைப்புலிகளின் காலத்தில் அவர்களின் அறிவுறுத்தல்கள்/வழிநடத்தலில் ஒற்றுமையாக விரும்பியோ, விரும்பாமலோ செயற்பட்ட தமிழ் கட்சிகள் (முன்னால் ஆயுதக் குழுக்கள் உட்பட), இன்று திக்குத்திக்காகப் பிரிந்து, மேய்ப்பான் இல்லாத மந்தைகள் போல செயற்படுகிறார்கள். இதில் இந்தியாவின் பங்கு அளப்பரியது.

2015ல் நடந்த ஜனாதிபதி தேர்தலில், வட-கிழக்கு தமிழ் மக்களின் வாக்குகளே நாட்டின் விதியைத் தீர்மானித்தது. சர்வாதிகார ஆட்சியை மாற்றி இலங்கைக்கு ஒளி கொடுத்த புண்ணியம் வட-கிழக்கு தமிழ் மக்களுக்கே சேரும். இப்படியான ஒரு நிலை, அதாவது தமிழரின் வாக்குப்பலம் முழு நாட்டிற்குமான விதியைத் தீர்மானிப்பதென்பது தென்னிலங்கை அரசியல்வாதிகளுக்கு மட்டுமின்றி, இந்திய கொள்கைவகுப்பாளர்களுக்கும் ஏற்றுக்கொள்ளமுடியாத ஒரு விடையமாகவே இருந்தது. இன்னும் இருக்கிறது.

இந்திய துணைத்தூதரகம் யாழ்ப்பாணத்தில் நிறுவப்பட்ட நாள் முதல் வடபகுதி தமிழரின் ஒற்றுமையை சீர்குலைக்கும் வகையில் பலவிதமான நடவடிக்கைகள் மிகவும் நுட்பான முறையில் முன்னெடுக்கப்பட்டு வருகின்றது. இதனை தென்னிலங்கை கண்டும் காணாமலும் இருக்கிறது. ஏனெனில் அவர்களுக்கும் இது ஆதாயம் தரக்கூடிய ஒரு விடயம்தானே.

இப்போது உள்ளூராட்சி தேர்தல் அறிவிக்கப்பட்ட நிலையில் சுமந்திரன், சுரேஷ் பிரேமச்சந்திரன், வித்தியாதரன் மற்றும் சில முன்னாள் போராளிக் குழுக்கள் ஊடாக, தான் நினைத்ததைச் செய்ய இந்தியா முற்படுகிறது.

தமிழ் தேசிய கூட்டமைப்பிலிருந்து பிரிந்து சென்று தமிழ் மக்கள் பேரவையுடன் சேர்ந்து போட்டியிட ஆயத்தமான சுரேஷ் பிரேமச்சந்திரன் (EPRLF அணி), இந்தியா சென்று வந்த பின்னர் தனது முடிவை மாற்றி, தமிழர் விடுதலைக் கூட்டணியுடன் சேர்ந்து போட்டியிடப்போவதாக அறிவித்தார். இக்கால கட்டத்தில்தான் ரணில் விக்கிரமசிங்காவும் இந்தியா சென்று வந்தார் என்பதும் குறிப்பிடத்தக்கது.

இந்நிலையில் டெலோ (TELO) அமைப்பும் தமிழ் தேசிய கூட்டமைப்பிலிருந்து பிரிந்து சென்று தனியாகவோ அல்லது வேறு கட்சிகளுடன் சேர்ந்தோ போட்டியிடப்போவதாக அறிவித்துள்ளது. செல்வம் அடைக்கலநாதன் சுமந்திரனுடன் சந்தித்து பேச்சுவார்த்தைகள் நடத்திய போதும், சுமூகமான முடிவுகள் எதுவும் இக்கட்டுரை எழுதும் வரையில் எட்டப்படவில்லை.

இவ்வாறானதொரு இக்கட்டான சூழ்நிலையில், யாழ்ப்பாணத்தில் ஊடகவியலாளர்களிடம் பேசிய சுமந்திரன், டெலோ, ஈ.பி.ஆர்.எல்.எப்(f). அணிகளை ‘முன்னாள் ஆயுதம் தாங்கிய கட்சிகள்’ எனக் குறிப்பிட்டிருந்தார்.
ஒற்றுமைதான் அவசியம் என அவர் நினைத்திருந்தால், அப்படியொரு சொற்பதத்தைப் பயன்படுத்தியிருக்கமாட்டார். சுமந்திரனை இவ்வாறு கதைக்க யார் தூண்டுகிறார்கள் என்று இப்பவேனும் விளங்குகிறதா மக்களே?

உதய சூரியன் + தமிழர் விடுதலைக் கூட்டணி

மிக நீண்ட காலமாக உறங்கு நிலையிலிருந்த உதய சூரியன் கட்சி, அதாவது தமிழர் தேசத்தின் ஆரம்பகாலக் கட்சியான தமிழர் விடுதலைக் கூட்டணி மீண்டும் பிரகாசிக்கத் தொடங்கியுள்ளது.

இதுவரை இந்தியாவின் நிகழ்ச்சி நிரலுக்கு ஏற்றவகையில் ஈ.பி.ஆர்.எல்.எப்(f) – சுரேஷ் பிரேமச்சந்திரன் அணி, ஈரோஸ் மற்றும் ஜனநாயக தமிழரசுக் கட்சி என்பவற்றுடன் முன்னாள் போராளிகளின் ஒரு அணி என்பன தமிழர் விடுதலைக் கூட்டணியுடன் சேர்ந்து போட்டியிடப்போவதாக அறிவித்துள்ளன. அத்துடன் டெலோ மற்றும் புளொட் அமைப்புகளுக்கும் அழைப்பு விடுத்துள்ளனர்.

இங்கே கவனிக்கப்படவேண்டிய முக்கிய விடையம் என்னவெனில், ‘உதய சூரியன்’ சின்னம் தமிழ் மக்களிடையே சற்று பிரபலமான ஒரு சின்னமாகும். இதைப் பயன்படுத்தி தமிழ் தேசிய கூட்டமைப்பிலிருந்து சில கட்சிகளைப் பிரித்து உதய சூரியன் சின்னத்தில் போட்டியிட வைப்பதன் மூலம் வடபகுதி மக்களை பிளவுபடுத்தி, வாக்கு வங்கியினை நலிவடையச் செய்து, தமிழரைப் பலவீனப்படுத்துவதே பிரதான நோக்கமாகும்.

இதற்கு மேலும் வலுச்சேர்க்கும்வகையில், மிக முக்கிய உள்ளூராட்சி சபையான யாழ் மாநகர சபையின் பிரதான வேட்பாளரைத் தேர்வு செய்வதில் தமிழரசு கட்சியிடையே இழுபறி தொடங்கிவிட்டது. மாவை சேனாதிராஜாவின் தெரிவாக ஜெயசேகரம் உள்ளபோது, சுமந்திரனின் தெரிவாக வடமாகாண சபை உறுப்பினர் ஆர்னோல்ட் உள்ளார். இவர்களிற்கு அப்பாற்பட்டு வித்தியாதரனை பிரதான வேட்பாளராக நியமிக்குமாறு இந்தியா அழுத்தம் கொடுப்பதாக அறிய முடிகிறது !!

The post வடபகுதி உள்ளூராட்சி சபைத் தேர்தலில் இந்தியாவின் ஆதிக்கம் appeared first on Puthinam NEWS புதினம் - Sri Lanka Tamil NEWS.