இந்த பொதுத்தேர்தலில் தாம் எதிர்பார்த்த அளவு ஆசனங்களைப் பெற்றுள்ளதாக தெரிவித்த மகிந்த ராஜபக்ச, வெற்றிக்கான போராட்டத்தை கைவிடப்போவதில்லை எனவும் தெரிவித்துள்ளார்.

மேலும், தேசிய மக்கள் சக்தியின் வெற்றி ஒரு நேர்மையான வெற்றி என தெரிவித்துள்ள மகிந்த, இந்நாட்டு மக்களே புதியவர்களை பாராளுமன்றத்திற்கு அனுப்பியுள்ளனர், எனவே மக்களின் தீர்ப்பை நாம் மதிக்க வேண்டும் எனவும் தெரிவித்துள்ளார்.

The post அடங்காத அசுரன் மகிந்த! appeared first on Puthinam NEWS புதினம் - Sri Lanka Tamil NEWS.

பாராளுமன்ற உறுப்பினர்களான,
– அனுர பிரியதர்ஷன யாப்பா
– சுதர்ஷனி பெர்னாண்டோபுள்ளே
– சமிந்த வீரக்கொடி
– ஜெயரட்ன ஹேரத் ஆகியோரே ஐக்கிய மக்கள் சக்தியில் இணைந்துள்ளனர்.

மேற்படி உறுப்பினர்கள் ஆளும் கட்சியில் இருந்து விலகி சுயாதீனமாக பாராளுமன்றில் செயற்பட்டவர்கள் என்பதும் குறிப்பிடத்தக்கது.

The post நான்கு பொதுஜன பெரமுன உறுப்பினர்கள் எதிர்க்கட்சியில் இணைவு appeared first on Puthinam NEWS புதினம் - Sri Lanka Tamil NEWS.

அண்மையில் புதிதாக உருவாக்கப்பட்ட முதலீட்டு ஊக்குவிப்பு அமைச்சிற்கு தம்மிக்க பெரேராவை நியமிப்பதன் மூலம், பல மேற்குலக நாட்டு முதலீட்டாளர்களை இலங்கையில் முதலீடு செய்ய ஊக்குவிக்க முடியுமென இலங்கை அரசாங்கம் நம்புகின்றது.

இருப்பினும் இந்திய-சீன அரசாங்கங்களின் தலையீடு இலங்கையில் அதிகமாக இருப்பதால், மேற்குலக நாட்டு முதலீட்டாளர்கள் இலங்கையில் முதலீடு செய்ய தயக்கம் காட்டி வருகிறார்கள்.

தம்மிக்க பெரேராவினால் சில ஆசிய நாடுகளின் உதவியுடன் இலங்கை கலாச்சாரத்திற்கு ஒத்துவராத சூதாட்டம், இரவு நேர களியாட்டம் போன்ற துறைகளில் முதலீடுகளை அதிகரிக்க சாத்தியம் அதிகமுண்டு!

The post தம்மிக்க பெரேரா அமைச்சராக பதவியேற்றார் appeared first on Puthinam NEWS புதினம் - Sri Lanka Tamil NEWS.

தனது வீடு தீக்கிரையாக்கப்பட்டபோது தனது ஆவணங்கள் அனைத்தும் முழுமையாக எரிந்து போயுள்ளதாகவும், குறிப்பாக தான் விமானியாக பணியாற்றிய ஆவணங்கள் அனைத்தும் அழிந்துள்ளதாகவும் பாராளுமன்றில் தெரிவித்திருந்தார்.

இந்த கருத்து தொடர்பாக இலங்கை விமானப்படை மறுப்பு அறிக்கை ஒன்றை விடுத்துள்ளது. இதில் அருந்திக்க பெர்னாண்டோ ஒருமுறை விமானிகளுக்கான பயிற்சியில் பங்குபற்றியிருந்ததாகவும், இருப்பினும் அதில் அவர் சித்தியடையவில்லை என்றும் குறிப்பிடப்பட்டுள்ளது.

மேலும், ஶ்ரீலங்கன் விமான சேவைக்கு விமானிகளை வழங்கும் நிறுவனமும் அருந்திக்க பெர்னாண்டோ தமது நிறுவனத்தில் விமானியாக பணியாற்றவில்லை என்று அறிக்கை வெளியிட்டுள்ளது.

2017ம் ஆண்டு அருந்திக்க பெர்னாண்டோவை பிரதி அமைச்சர் பதவியிலிருந்து அப்போதைய ஜனாதிபதி மைத்திரிபால சிறிசேனா நீக்கியிருந்தார் என்பதும் குறிப்பிடத்தக்கது.

The post பொய்யுரைத்த பாராளுமன்ற உறுப்பினர் appeared first on Puthinam NEWS புதினம் - Sri Lanka Tamil NEWS.

கடந்த 9ம் திகதி அலரி மாளிகையில் பிரதமருடன் இடம்பெற்ற சந்திப்புகளைத் தொடர்ந்து வெளியேறிய பொதுஜன பெரமுணவின் காடையர்களினால் ‘மைனா கோ கம’ மற்றும் ‘கோட்டா கோ கம‘ தாக்கப்பட்டமை தொடர்பாகவே விசாரணைகள் இடம்பெறுகின்றன.

விசாரணைகளுக்கு தாம் முழு ஒத்துழைப்பையும் வழங்குவோம் என நாமல் தெரிவித்துள்ளார்.

– ரணில் இருக்கப் பயமேன் –
2015 நல்லாட்சி அரசாங்க காலத்திலேயே தஜீதீனுடைய கொலை தொடர்பான வழக்கு விசாரணைகளில் இருந்து தப்பிய நாமலுக்கு, தற்போதைய நிலையில் மிக இலகுவாக எல்லா விசாரணைகளில் இருந்தும் தப்பிவிடுவார் என்பதில் சந்தேகமில்லை.

The post நாமலிடம் CID விசாரணை appeared first on Puthinam NEWS புதினம் - Sri Lanka Tamil NEWS.

கடந்த 9ம் திகதி மகிந்த ராஜபக்சவின் கட்சியான பொதுஜன பெரமுனவின் காடையர்களினால் கொழும்பில் வன்முறைகள் தொடங்கப்பட்டது.

இதனையடுத்து ஆத்திரமடைந்த மக்களினால் பிரதமர் உட்பட அரசாங்க பாராளுமன்ற உறுப்பினர்கள் மற்றும் அமைச்சர்கள் பலரின் வீடுகள், வாகனங்கள் என்பன சேதமாக்கப்பட்டன.

மொத்தமாக 707 வன்முறைச் சம்பவங்கள் பதிவாகியுள்ளதாக காவல்துறையினர் தெரிவித்துள்ளனர்.

இந்த சம்பவங்கள் தொடர்பாக காவல்துறையினர் விசாரணைகளை ஆரம்பித்து, கைது நடவடிக்கைகளை மேற்கொள்ளத் தொடங்கியுள்ளனர். அதனடிப்படையில் இதுவரை 230பேர் கைது செய்யப்பட்டுள்ளதாக இலங்கை காவல்துறை தெரிவித்துள்ளது.

மேல் மாகாணத்தில் 71 பேரும்,
தென் மாகாணத்தில் 43 பேரும்,
மத்திய மாகாணத்தில் 17 பேரும்,
வட-மேல் மாகாணத்தில் 36 பேரும்,
வட-மத்திய மாகாணத்தில் 47 பேரும்,
சப்ரகமுவ மாகாணத்தில் 13 பேரும்,
ஊவா மாகாணத்தில் 2 பேரும்,
வட மாகாணத்தில் ஒருவரும் கைது செய்யப்பட்டுள்ளனர்.

வன்முறைகளை அனுமதிக்க முடியாது. இருப்பினும் அரசியல்வாதிகளில் பெரும்பாலனவர்கள் சட்டரீதியற்ற முறையிலேயே சொத்துக்களைச் சேர்த்துள்ளனர் என்பது அனைவருக்கும் தெரியும்.

மேலும், ஆர்ப்பாட்டத்தில் ஈடுபட்டுள்ள பல்லாயிரக்கணக்கான மக்களின் பிரதான கோரிக்கைகளில் ஒன்று மகிந்தவும் அவரது குடும்பத்தினரும் கொள்ளையடித்த சொத்துக்களை மீள இலங்கைக்கு கொண்டு வரவேண்டுமென்பது. (உறுதிப்படுத்தப்படாத தகவல்களின்படி குறைந்தது 20 பில்லியன் அமெரிக்க டொலர்கள் வரையில் வெளிநாடுகளில் இருப்பதாக தகவல்கள் தெரிவிக்கின்றன.)

இலங்கை காவல்துறை அந்த குற்றச்சாட்டை ஏற்று விசாரணைகளை முன்னெடுப்பார்களா? அது தொடர்பாக சம்பந்தப்படவர்களைக் கைது செய்வார்களா?

அல்லது புதிய பிரதமர் ரணில் விக்கிரமசிங்க, அது தொடர்பாக ஏதும் நடவடிக்கைகளை மேற்கொள்வாரா?

நாட்டைக் கொள்ளையடித்த பெருங்கொள்ளையர்களை ஹெலிக்கொப்டரில் வழியனுப்பி வைத்துவிட்டு, சிறு வன்முறையாளர்களை சிறையில் அடைக்க முற்படுகிறது ரணில்-கோத்தபாய அரசு.

The post இதுவரையில் 230பேர் கைது. மகிந்தவையும் கைது செய்வார்களா❓ appeared first on Puthinam NEWS புதினம் - Sri Lanka Tamil NEWS.

ஆர்ப்பாட்டக்காரர்கள் பாராளுமன்ற உறுப்பினரின் வாகனத்தை மறித்துள்ளனர். அப்போது அங்கு ஏற்பட்ட பதற்றத்தினால் மெய்ப்பாதுகாவலரான காவல்துறை சார்ஜண்ட் மக்களை நோக்கி துப்பாக்கியால் சுட்டுள்ளார். இதன்போது பலர் காயமடையந்தனர்.

இதனால் ஆத்திரமுற்ற மக்கள் அமரகீர்த்தி மற்றும் அவரது மெய்ப்பாதுகாவலரையும் துரத்திச் சென்று தாக்கியுள்ளனர். மக்களின் தாக்குதலால் உள் எலும்புகள் முறிவடைந்து இரத்தக்கசிவு ஏற்பட்டதாலேயே உயிரிழப்பு இடம்பெற்றுள்ளதாக பிரேத பரிசோதனையில் தெரியவந்துள்ளது.

மெய்ப்பாதுகாவலர் மக்கள் மீது மேற்கொண்ட துப்பாக்கிச் சூட்டில் காயமடைந்த மக்களில் ஒருவர் வைத்தியசாலையில் உயிரிழந்தமையும் இங்கே குறிப்பிடத்தக்கது.

கடந்த 9ம் திகதி இடம்பெற்ற மக்கள் ஆர்ப்பாட்டத்தினால் அமரகீர்த்தி அத்துக்கொரள தற்கொலை செய்துகொண்டார் என்றே செய்திகள் வெளியாகி இருந்தன.

The post பாராளுமன்ற உறுப்பினர் அமரகீர்த்தி அடித்தே கொல்லப்பட்டுள்ளார் appeared first on Puthinam NEWS புதினம் - Sri Lanka Tamil NEWS.

மேற்குறித்த விசேட உரை ஒளிபரப்பாக முன்னர், ஐக்கிய தேசியக் கட்சியின் ஒரே ஒரு பாராளுமன்ற உறுப்பினரான ரணில் விக்ரமசிங்கவிற்கும் ஜனாதிபதிக்குமிடையே அவசர சந்திப்பு ஒன்று இடம்பெற்றது. இந்த சந்திப்பில் பேசப்பட்ட விடயங்கள் தொடர்பாக எவ்வித உத்தியோகபூர்வ தகவல்களும் இதுவரை வெளியாகவில்லை.

இருப்பினும் உறுதிப்படுத்தப்படாத தகவல்களின்படி, ஜனாதிபதி நேரடியாகவே ரணில் விக்ரமசிங்கவிடம் பிரதமர் பதவியை ஏற்கும்படி வேண்டுகோள் விடுத்ததாகவும், அதனை ரணில் பின்வரும் நிபந்தனைகளுடன் ஏற்றுக்கொண்டதாகவும் தெரிவருகிறது.
அரசியலமைப்பில் 19A
பாராளுமன்ற செயற்பாடுகளில் தலையீடு செய்யாமல் இருத்தல்

ஜனாதிபதியை பதவி விலகக்கோரி “GoHomeGota” என மக்கள் ஆர்ப்பாட்டத்தில் ஈடுபடும்போது, ஜனாதிபதியே பிரதமர் பதவிக்கு ரணில் விக்ரமசிங்கவை முன்மொழிந்திருப்பாராயின் அதனை மக்கள் ஏற்பார்களா என்பது கேள்விக்குறியே.

ஏனெனில் பொதுஜன பெரமுனவின் ஆதரவின்றி ரணில் விக்ரமசிங்க பாராளுமன்றில் பெரும்பான்மையைப் பெற முடியாது. பொதுஜன பெரமுன எனும் நாமத்தை சிங்கள மக்கள் வாழ்நாளில் இனி ஒருபோதும் உச்சரிக்க மாட்டார்கள். அந்தளவிற்கு அந்தக் கட்சியிலும், கட்சி உறுப்பினர்களிலும் கடும் கோபத்தில் உள்ளனர்.

ரணிலின் தெரிவிற்கு, ஐக்கிய மக்கள் சக்தி எவ்வித எதிர்ப்பும் தெரிவிக்காவிட்டால், அமையவுள்ள இடைக்கால அரசாங்கத்திற்கு பாராளுமன்றத்திற்குள் எவ்வித எதிர்ப்புகளும் இருக்காது.

ஆனால் மக்கள் மத்தியில் எதிர்ப்பு இல்லாமல் இடைக்கால அரசாங்கம் ஒன்றை அமைக்க ஜனாதிபதி உட்பட 225 பாராளுமன்ற உறுப்பினர்களும் தவறியுள்ளனர் என்பதே உண்மை.

இப்படியான ஒரு சூழலில், வரும் நாட்களிலும் மக்கள் எதிர்ப்பு ஆர்ப்பாட்டங்கள் தொடர்வதற்கான சாத்தியங்களே அதிகமுள்ளன. அந்த மக்கள் எதிர்ப்பை எவ்வாறு கையாளப்போகிறார்கள் என்பதில்தான் இலங்கையின் எதிர்காலம் உள்ளது.

The post ரணிலின் தெரிவை மக்கள் ஏற்பார்களா? appeared first on Puthinam NEWS புதினம் - Sri Lanka Tamil NEWS.

பொதுஜன பெரமுனவின் புத்தளம் மாவட்ட பாராளுமன்ற உறுப்பினரான சனத் நிஷாந்த எனப்படும் பல குற்றவியல் பின்னணியுள்ளவரின் வீடே முற்றாக தீக்கிரையாக்கப்பட்டுள்ளது.

கோட்டா கோ கம இளைஞர்கள் தாக்கப்படும்போது, பல இளைஞர்கள் சனத் நிஷாந்த அங்கு இருப்பதாகவும், அவரே கலவரத்தை வழி நடத்துவதாகவும் நேரலையில் தெரிவித்திருந்தனர் என்பதும் இங்கே குறிப்பிடத்தக்கது.

The post காலிமுகத்திடல் கலவரத்தை வழிநடத்தியவரின் வீடு தீக்கிரை appeared first on Puthinam NEWS புதினம் - Sri Lanka Tamil NEWS.

ஶ்ரீலங்கா பொதுஜன பெரமுனவின் பொலனறுவை மாவட்ட பாராளுமன்ற உறுப்பினர் அமரகீர்த்தி அத்துக்கொரள தன்னைத்தானே துப்பாக்கியால் சுட்டுத் தற்கொலை செய்துகொண்டுள்ளார்.

நிட்டம்புவ பகுதியில் அவரின் வாகனத்தை ஆர்ப்பாட்டக்காரர்கள் வழிமறித்துள்ளனர். பீதியடைந்த பாராளுமன்ற உறுப்பினர் தனது கைத்துப்பாக்கியால் ஆர்ப்பாட்டக்காரர்களை நோக்கிச் சுட்டுவிட்டு அருகிலுள்ள கட்டடம் ஒன்றை நோக்கி ஓடியுள்ளார்.

சிறிது நேரம் கழித்து அந்தக் கட்டத்தில் அவர் இறந்து இருந்ததை காவல்துறையினர் கண்டுள்ளனர். அவரின் பாதுகாப்பு அதிகாரியும் இறந்துள்ளதாக தெரிவிக்கப்படுகின்றபோதும் இன்னும் உறுதிப்படுத்தப்படவில்லை.

பாராளுமன்ற உறுப்பினரின் துப்பாக்கிச் சூட்டில் ஆறு அப்பாவி மக்கள் காயமடைந்துள்ளதுடன், அதில் ஒருவர் ஆபத்தான நிலையில் உள்ளார்.

பொதுஜன பெரமுனவின் பாராளுமன்ற உறுப்பினர்கள் மற்றும் அமைச்சர்கள் பெரும்பாலானோர் பயபீதியில் தலைமறைவாகியுள்ளனர்.

அவசரகாலச் சட்டம் அமுல்படுத்தப்பட்டுள்ள இலங்கையில் பிரதமரோ, நீதி அமைச்சரோ இல்லை. நிலமை மேலும் மோசமடைந்தால், ஜனாதிபதி இராணுவத்தின் உதவியை நாடவேண்டிய நிலை ஏற்படக்கூடிய ஆபத்தான சூழ்நிலை உள்ளதும் இங்கே குறிப்பிடத்தக்கது.

The post பொதுஜன பெரமுனவின் பாராளுமன்ற உறுப்பினர் ஒருவர் தற்கொலை! appeared first on Puthinam NEWS புதினம் - Sri Lanka Tamil NEWS.