Muslims – Puthinam NEWS புதினம் – Sri Lanka Tamil NEWS

கம்மன்பிலவின் கடந்த காலம் குறித்து மக்கள் ஆராய வேண்டும் – ரஞ்சன்

புதினம் — Thu, 24 Oct 2024 21:20:56 +0000

கடந்த காலங்களில் சுய அரசியல் இலாபங்களிற்காக இனவாத முரண்பாடுகளை தோற்றுவித்த உதய கம்மன்பிலவின் கடந்த கால செயற்பாடுகள் பற்றி மக்கள் ஆராய வேண்டும் என ரஞ்சன் ராமநாயக்கா தெரிவித்துள்ளார்.

உயிர்த்த ஞாயிறு தாக்குதலை முன்னிலைப்படுத்தி, முஸ்லிம் தமிழ் மக்களிடையே இனவாத முரண்பாடுகளை தோற்றுவித்து, 2019 இல் ஆட்சி மாற்றம் ஏற்பட மிக முன்னிற்று செயற்பட்டவர் உதய கம்மன்பில.

தற்போது ரவி செனவிரத்ன மற்றும் ஷாணி அபயசேகரா ஆகியோர் மீது தனது தனிப்பட்ட பகையை தீர்த்துக் கொள்ளவே உதய கம்மன்பில புதிய நாடகத்தை அரங்கேற்றியுள்ளார் எனவும் ரஞ்சன் ராமநாயக்கா தெரிவித்துள்ளார்.

உயிர்த்த ஞாயிறு தாக்குதலை தடுக்க தவறியமைக்கு ரவி செனவிரத்னதான் காரணம் என உதய கம்மன்பில அண்மையில் தெரிவித்திருந்தார். இவரின் இந்த நாடகத்தின் பின்னணியில் யார் இருக்கிறார்கள் என்பதை அநுர அரசாங்கம் மக்களுக்குத் தெரியப்படுத்த வேண்டும்.

The post கம்மன்பிலவின் கடந்த காலம் குறித்து மக்கள் ஆராய வேண்டும் – ரஞ்சன் appeared first on Puthinam NEWS புதினம் - Sri Lanka Tamil NEWS.

மக்களின் தீர்ப்பே…

புதினம் — Mon, 18 Nov 2019 01:44:32 +0000

இலங்கையில் இடம்பெற்ற ஜனாதிபதி தேர்தலில், கோத்தபாய ராஜபக்சவை சிங்கள மக்கள் ஒன்றுபட்ட மனதுடன் செயற்பட்டு அமோக வெற்றி பெறச் செய்துள்ளனர்.

பெரும்பான்மையின மக்களின் பெரும் ஆதரவு / ஆணை கோத்தபாய ராஜபக்சவிற்கு கிடைக்கப்பெற்றுள்ளது.

திட்டமிட்டு நடத்தப்பட்ட ஈஸ்டர் தின குண்டுத் தாக்குதல்கள், இலங்கையின் சரிவை நோக்கிய பொருளாதாரம் என்பன மக்களை கோத்தபாய ராஜபக்சவிற்கு ஆதரவாக வாக்களிக்கத் தூண்டியுள்ளது.

காலி, ஹம்பாந்தோட்டை, மாத்தறை போன்ற தென்இலங்கை மாவட்டங்களில் கோத்தபாய ராஜபக்ச இலகுவாக வெல்வார் என்று தெரிந்திருந்தபோதிலும், மிகப்பெரும் வாக்கு வித்தியாசத்தில் வென்றிருப்பது சற்று யோசிக்க வேண்டிய விடயம்.

மேலும் ஐக்கிய தேசியக் கட்சியின் கோட்டைகளாக விளங்கிய கொழும்பு, கண்டி, மலையக (நுவரெலியா மாவட்டம் தவிர) மாவட்டங்களில்கூட கோத்தபாயவிற்கு மிகச் சிறப்பான வெற்றி.

வடக்கு கிழக்கு தமிழ் மக்கள் மற்றும் இஸ்லாமிய மக்கள் என சிறுபான்மையின மக்கள் மட்டுமின்றி, கண்டி – காலி என பேதமின்றி பெரும்பான்மையின சிங்கள மக்களும் “ஒற்றுமையே பலம்” என்பதை நிரூபித்துக் காட்டியுள்ளனர்.

பெரும்பான்மை, சிறுபான்மை என இருசார் மக்களும் தனித்தனியே “ஒற்றுமையே பலம்” என செயற்படும்போது, சிறுபான்மை இன மக்களின் ஒற்றுமைத்தன்மை பலனற்றுப்போகின்றது. இது ஒரு துர்ப்பாக்கிய நிலையாகும்.

தமிழில் “மக்களின் தீர்ப்பே மகேசன் தீர்ப்பு”, “ஒற்றுமையே உயர்வு”, “ஒற்றுமையே பலம்” என அருமையான பொன்மொழிகளுண்டு. துரதிஷ்டவசமாக தமிழர்களுக்கு அல்லது சிறுபான்மையினருக்கு அந்த அருமையான பொன் மொழிகளில் சொல்லப்பட்ட கருத்துக்கள் எந்தவிதத்திலும் பயனற்று போயுள்ளது என்பதே நிதர்சனமாகும்.

The post மக்களின் தீர்ப்பே… appeared first on Puthinam NEWS புதினம் - Sri Lanka Tamil NEWS.

வடமேல் மாகாணத்தில் சிங்கள காடையர்களின் அட்டகாசம், வேடிக்கை பார்க்கும் காவல்துறை

புதினம் — Mon, 13 May 2019 21:00:53 +0000

இலங்கையின் வடமேல் மாகாணத்தில் சிங்கள கடையர்களினால் மேற்கொள்ளப்படும் வன்முறையால் முஸ்லிம்களின் சொத்துக்கள், உடமைகள் சேதமாக்கப்பட்டுள்ளது.

ஊரடங்கு சட்டம் அமுலில் உள்ளதால் உண்மையான சேதவிபரங்கள் கிடைக்கப்பெறவில்லை.

துப்பாக்கிகளுடன் காவல்துறையினர் உள்ளபோதும், வன்முறையில் ஈடுபடுபடம் சிங்கள காடையர்கள், எதுவித பயமுமின்றி காடைத்தனத்தில் ஈடுபடுவதைக் காணக்கூடியதாக உள்ளது.

இதுவரை இருவர் உயிரிழந்துள்ளதாக தகவல்கள் தெரிவிக்கின்றபோதும், உறுதிப்படுத்த முடியவில்லை.

The post வடமேல் மாகாணத்தில் சிங்கள காடையர்களின் அட்டகாசம், வேடிக்கை பார்க்கும் காவல்துறை appeared first on Puthinam NEWS புதினம் - Sri Lanka Tamil NEWS.

200 இஸ்லாமிய மதபோதகர்கள் உட்பட 600 வெளிநாட்டவர்கள் இலங்கையை விட்டு வெளியேற்றப்பட்டனர்

புதினம் — Sun, 05 May 2019 10:36:18 +0000

இலங்கையிலிருந்து 600 வெளிநாட்டவர்கள் வெளியேற்றப்பட்டுள்ளனர் என அமைச்சர் வஜிர அபேவர்தனா தெரிவித்துள்ளார். இவர்களில் 200 பேர் இஸ்லாமிய மதபோதகர்கள் ஆவர்.

இவர்களது விசா முடிவடைந்ததும் அவர்கள் நாட்டைவிட்டு வெளியேறி இருக்கவில்லை. எனவே இவர்கள் மீது தண்டப்பணம் அறவிடப்பட்டு, நாட்டை விட்டு வெளியேற்றப்பட்டனர் என அமைச்சர் குறிப்பிட்டுள்ளார்.

மத போதனை சம்பந்தமாக நாட்டுக்குள் வருபவர்களின் விசா நடைமுறையில் இனி பெரும் கட்டுப்பாடுகள் விதிக்கப்டும் எனவும் அமைச்சர் தெரிவித்தார்.

The post 200 இஸ்லாமிய மதபோதகர்கள் உட்பட 600 வெளிநாட்டவர்கள் இலங்கையை விட்டு வெளியேற்றப்பட்டனர் appeared first on Puthinam NEWS புதினம் - Sri Lanka Tamil NEWS.

இஸ்லாமிய பெண்கள் இன்றிலிருந்து முகத்தை மறைக்கத் தடை

புதினம் — Mon, 29 Apr 2019 00:18:48 +0000

இலங்கையில் இன்றிலிருந்து (29/04) இஸ்லாமிய பெண்கள் முகங்களை மறைக்க தடை விதிக்கப்பட்டுள்ளது. பாதுகாப்பு காரணங்களை முன்னிலைப்படுத்தி இந்த தடை அமுலுக்கு வருகிறது.

நாட்டில் அமுல்படுத்தப்பட்டுள்ள அவசரகால சட்டத்திற்கமைய ஜனாதிபதி இந்த உத்தரவை பிறப்பித்துள்ளார்.

The post இஸ்லாமிய பெண்கள் இன்றிலிருந்து முகத்தை மறைக்கத் தடை appeared first on Puthinam NEWS புதினம் - Sri Lanka Tamil NEWS.

மஸ்கெலியா பள்ளிவாசலில் 47 கத்திகள் மீட்பு. வைத்தது யார் ???

புதினம் — Sat, 27 Apr 2019 13:40:14 +0000

நுவரெலியா மாவட்டம் மஸ்கெலியா பிரதேசத்திலுள்ள பள்ளிவாசல் ஒன்றில் 47 கத்திகள் மற்றும் கோடரிகள் மீட்கப்பட்டுள்ளதாக இலங்கை காவல்துறையினர் தெரிவித்துள்ளனர்.

இதனுடன் தொடர்புபட்டதாக ஒருவரை கைது செய்துள்ளதாகவும், அவரை நாளை (28/04) நீதிமன்றில் முன்னிலைப்படுத்தவுள்ளதாகவும் காவல்துறையினர் தெரிவித்துள்ளனர்.

இலங்கையில் தற்போது ஏற்பட்டுள்ள அசாதாரண சூழ்நிலையில், நாடாளாவியரீதியில் இடம்பெற்றுவரும் தேடுதல் நடவடிக்கைகளின் போது, வெடி பொருட்கள், கத்திகள், வாள்கள், கோடரிகள் என்பன மீட்கப்படுகின்றன.

அத்துடன் முஸ்லிம் இளைஞர்களை கைது செய்யும் நடவடிக்கைகளும் இடம்பெறுகின்றன.

கைதுகள் தொடர்பாக காவல்துறை அறிவிக்கின்றது, ஊடகங்களும் அப்படியே பிரசுரிக்கின்றன. வெள்ளைவான் பயமில்லாதபோதும், ஊடகங்கள் எதுவும் எதிர்க்கேள்விகள் கேட்கின்றமாதிரி தெரியவில்லை.

கொழும்பு கொம்பனித் தெருவிலுள்ள பள்ளிவாசல் ஒன்றிலிருந்து 46 வாள்களும், 15 கத்திகளும் மீட்கப்பட்டதாக காவல்துறையினர் அறிவித்து 24 மணி நேரத்தினுள் மஸ்கெலியாவிலுள்ள பள்ளிவாசல் ஒன்றில் 47 கத்திகள் மற்றும் கோடரிகளை மீட்டுள்ளதாக காவல்துறையினர் அறிவித்துள்ளனர்.

நடக்கும் நிகழ்வுகள் யாவும் உண்மையானவையா என்பதில் பல சந்தேகங்கள் உள்ளன.

கொழும்பிலும், மஸ்கெலியாவிலும் அண்ணளவாக ஒரே எண்ணிக்கையிலான (முறையே 47, 46) கத்திகள், வாள்கள் மீட்கப்பட்டுள்ளன. காவல்துறையினரும் சொல்லிவைத்ததுபோல் பள்ளிவாசலுக்குச் சென்று வாள், கத்திகளை மீட்கின்றனர்.

கத்திகள், வாள்கள் சகிதம் வன்முறை செய்யவேண்டுமெனில் மனிதவலு அதிகம் தேவை. அப்படியாயின் இலங்கையில் பயங்கரவாத செயல்களில் ஈடுபட நூற்றுக்கணக்கில் முஸ்லிம் இளைஞர்கள் தயாராக இருக்கிறார்களா? அதுவும் ஒரு பள்ளிவாசலில் இருந்து 40 – 50 பேர் வாள், கத்திகளுடன் வந்து வன்முறையில் ஈடுபடுவார்களா?

அல்லது முஸ்லிம்கள் வன்முறைக்கு தயாராக இருக்கிறார்கள் என இலங்கை அரசு காட்ட முற்படுகிறதா????

முப்பது வருட போராட்டத்த்தில் தமிழர்களை நசுக்க என்னென்ன சூழ்ச்சிகள் இடம்பெற்றன என உலகமறியும். இப்போ முஸ்லிம்களா ????

The post மஸ்கெலியா பள்ளிவாசலில் 47 கத்திகள் மீட்பு. வைத்தது யார் ??? appeared first on Puthinam NEWS புதினம் - Sri Lanka Tamil NEWS.

நுட்பமாக திட்டமிடப்பட்ட தொடர் தாக்குதல்கள்

புதினம் — Wed, 24 Apr 2019 05:20:34 +0000

கிறிஸ்தவ தேவாலயங்களைக் குறிவைத்து கிறிஸ்தவர்களைக் கொன்றதின் பின்னணியை நோக்கும்போது, இது உலகளாவியரீதியில், இஸ்லாமிய பயங்கரவாதிகளால் கிறிஸ்தவர்களுக்கு எதிராக நடந்துவரும் தாக்குதல்களின் ஒரு பகுதியே என்று தோன்றுகிறது. (இந்தோனேசியா, பிலிப்பைன்ஸ் மற்றும் சில ஆபிரிக்க நாடுகளில் நடந்தவைபோன்று) .

அதேபோல், ஐந்து நட்சத்திர விடுதிகளில் தாக்குதல்களை மேற்கொள்வதன் மூலம் மேற்கத்தைய நாட்டினரை இயன்றளவு கொலை செய்வதே பயங்கரவாதிகளின் அடுத்த நோக்கம்.

குறைந்த மனித வலுவுடன், பாரிய அழிவுகளை ஏற்படுத்தும் வகையில் இந்த மனித வெடி குண்டுத் தாக்குதல்கள் திட்டமிடப்பட்டுள்ள. அதுமட்டுமின்றி இலங்கைவாழ் முஸ்லிம்களுக்கு எந்தவையிலும் பாதிப்பு வந்துவிடக்கூடாதென்பதில் பெரும் கவனமெடுத்து இந்த தாக்குதல்கள் மேற்கொள்ளப்பட்டுள்ளன.

இலங்கை ஒரு பௌத்த நாடு. பேருவளை, கண்டி போன்ற நகரங்களில் முஸ்லிம்களுக்கு எதிராக பல வன்முறை சம்பவங்கள் இடம்பெற்றதை உலகமே அறியும்.

இருப்பினும் கிறிஸ்தவர்களை குறிவைத்து, அதுவும் தமிழர்கள் அதிகம் வாழும் கொட்டஹேனா, நீர்கொழும்பு மற்றும் மட்டக்களப்பில் தாக்குதல்களை நடாத்தியத்தின் நோக்கம் என்ன ???

IS பயங்கரவாத அமைப்பின் நிகழ்ச்சி நிரலுக்கு ஏற்ப இலங்கையிலும் கிறிஸ்தவர்களைக் கொல்வது என்பது பிரதான நோக்கமாகும்.
அதேநேரம் தாக்குதல்களினால் சிங்கள பௌத்தர்களுக்கு எந்த பாதிப்பவும் வரக்கூடாது என்பதில் பயங்கரவாதிகள் கவனமாக இருந்துள்ளனர் என்பதும் இங்கு கவனிக்கப்பட வேண்டியுள்ளது.

ஏனெனில் சிங்கள பௌத்தர்கள் கொல்லப்பட்டால் இலங்கையிலுள்ள அப்பாவி முஸ்லிம்களுக்கு என்ன நடந்திருக்குமென அவர்களுக்கு நன்றாக தெரிந்துள்ளது.

உண்மையைச் சொல்வதென்றால், இந்த தொடர் குண்டுத் தாக்குதலிலும் அப்பாவி தமிழ் மக்கள் பலிக்கடா ஆக்கப்பட்டுள்ளார்கள் என்பதே நிதர்சனம்.

The post நுட்பமாக திட்டமிடப்பட்ட தொடர் தாக்குதல்கள் appeared first on Puthinam NEWS புதினம் - Sri Lanka Tamil NEWS.

வடமாகாண சபை உறுப்பினர் அஸ்மினிற்கு எதிராக போராட்டம்

புதினம் — Sat, 08 Sep 2018 04:33:01 +0000

வடமாகாண சபை உறுப்பினர் அயூப் அஸ்மினிற்கு எதிராக யாழ்ப்பாணத்தில் உள்ள சில முஸ்லிம்கள் நேற்று (07/09) போராட்டத்தில் ஈடுபட்டனர்.

நேற்று (07/09) யாழ்ப்பாணம் பெரிய முஹுதீன் ஜும்மா பள்ளிவாசலில் தொழுகை முடிவடைந்த பின்னர், சில முஸ்லிம்கள் அஸ்மினிற்கு எதிரான பதாகைகளுடன் போராட்டத்தில் ஈடுபட்டனர்.

வடபகுதி முஸ்லிம்கள் குறித்து அஸ்மின் முன்னுக்குப் பின் முரணான கருத்துகளைத் தெரிவித்து வருவதாக போராட்டத்தில் ஈடுபட்டவர்கள் தெரிவித்துள்ளார்கள்.

The post வடமாகாண சபை உறுப்பினர் அஸ்மினிற்கு எதிராக போராட்டம் appeared first on Puthinam NEWS புதினம் - Sri Lanka Tamil NEWS.

10 லட்சம் உய்கூர் முஸ்லிம்களை சீனா கைதுசெய்துள்ளதாக ஐ.நா குற்றசாட்டு

புதினம் — Wed, 05 Sep 2018 03:00:54 +0000

சீனாவிலுள்ள சின்ஜியாங்கில் நிலவுகின்ற அமைதியின்மைக்கு இஸ்லாமிய தீவிரவாதிகள் / பிரிவினைவாதிகள் காரணம் எனக்கூறி, இதுவரையில் பத்து லட்சம் உய்கூர் முஸ்லிம்களை சீனா கைதுசெய்துள்ளதாக ஐக்கிய நாடுகள் சபை குற்றசாட்டியுள்ளது.

ஒரு கோடி சிறுபான்மையின மக்கள் வாழுகின்ற சின்ஜியாங் மாநிலத்தில் காரணங்களின்றி, சட்டபூர்வமற்ற குற்றச்சாட்டுகள் இல்லாமல் மக்கள் கைது செய்யப்படுவதை சீன நிறுத்த வேண்டுமென ஐக்கிய நாடுகள் சபை வேண்டுகோள் விடுத்துள்ளது.

தடுத்துவைக்கப்பட்டுள்ள பல இஸ்லாமியர்களை, வலுக்கட்டாயமாக பன்றி இறைச்சி உண்ண வைக்கப்படுவதாகவும் தகவல்கள் தெரிவிக்கின்றன.

The post 10 லட்சம் உய்கூர் முஸ்லிம்களை சீனா கைதுசெய்துள்ளதாக ஐ.நா குற்றசாட்டு appeared first on Puthinam NEWS புதினம் - Sri Lanka Tamil NEWS.

கண்டி கலவரம் சொத்து இழப்புக்கள் விபரம்

புதினம் — Wed, 07 Mar 2018 01:11:54 +0000

கண்டி திகண மற்றும் தெல்தெனிய பகுதிகளில் இடம்பெற்றுவரும் கலவரங்களினால் முஸ்லிம் மக்களின் சொத்துக்களுக்கு பலத்த சேதம் ஏற்பட்டுள்ளது.

உயிரிழப்புகள் சம்பந்தமாக எவ்வித தகவல்களும் வெளியாகாத போதிலும், முஸ்லிம் மக்களின் பல சொத்துக்கள் உடைத்தும், எரித்தும் நாசமாக்கப்பட்டுள்ளன.

உறுதிப்படுத்தப்படாத தகவல்களின்படி, இதுவரையில் (6ம் திகதிவரை) 4 பள்ளிவாசல்கள், 35 வாகனங்கள், 37 வீடுகள், 46 கடைகள் சேதமாக்கப்பட்டுள்ளன என அறியமுடிகிறது.

இராணுவவீரர்கள் பாதுகாப்பு பணியில் ஈடுபட்டுள்ளபோதும், கண்டி-கேகாலை மாவட்ட எல்லையில் அமைந்துள்ள, முஸ்லிம் மக்கள் அதிகமாக வாழும் மெனிக்கிண்ண என்னும் பகுதியில் நேற்றிரவு (06/03) சிலர் கலவரங்களில் ஈடுபட முயற்சித்ததால் பதற்ற நிலமை உருவானது.

The post கண்டி கலவரம் சொத்து இழப்புக்கள் விபரம் appeared first on Puthinam NEWS புதினம் - Sri Lanka Tamil NEWS.