அதி உச்ச பாதுகாப்பு வலயமான காங்கேசன்துறைமுகத்திற்கு அண்மையான கடற்பரப்பிலேயே இராணுவத்தினர் கஞ்சாவை மீட்டுள்ளனர். பாதுகாப்பு வலய கடற்பரப்பில் கஞ்சா கடத்தும் துணிவை எவ்வாறு கடத்தல்காரர்கள் பெற்றார்கள் என்பது பலத்த சந்தேகங்களை ஏற்படுத்துகின்றது.

இந்தியாவிலிருந்து சிறிய படகுமூலம் கடத்தி வரப்பட்டதாக சந்தேகிக்கப்படும் இந்த கஞ்சா போதைப் பொருளை கடத்தியவர்கள் தொடர்பான எவ்வித தகவல்களும் இதுவரை வெளியாகவில்லை.

The post சேந்தாங்குளம் கடற்கரையில் கஞ்சா மீட்பு appeared first on Puthinam NEWS புதினம் - Sri Lanka Tamil NEWS.

உணவுப் பொருட்களை எடுத்துச் செல்லும் ஒரு ஆணும், பெண்ணும் வழி மறித்த இராணுவத்தினரிடம் தமது ஆதங்கங்களை வெளியிட்டிருக்கிறார்கள். வாகனத்தை திறந்து தாம் உணவுப் பொருட்கள்தான் எடுத்துச் செல்கிறோம் என இராணுவத்தினருக்குத் தெளிவாகக் காட்டுகிறார்கள்.

இருப்பினும் இராணுவத்தினர் அவர்களை தொடர்ந்து செல்ல அனுமதிக்கவில்லை. இந்நிலை தொடர்ந்தால் காலி முகத்திடலில் உள்ள இளையோரின் நிலை சிக்கலுக்குள்ளாகும். உணவில்லாவிடின் போராட்டக்காரர்கள் தாமாகவே காலிமுகத்திடலில் இருந்து வெளியேறுவார்கள் என்ற நோக்கத்தில், மேலிடத்து உத்தரவின் பேரில் உணவு கொண்டு செல்வதை தடை செய்திருக்க வாய்ப்புள்ளது. ஆயினும் சீருடைத் தரப்பின் இந்தச் செயலானது வன்மையாக கண்டிக்கத்தக்கது.

இதேவேளை, இலங்கையின் பல பாகங்களிலும் இராணுவத்தின் பிரசன்னம் பல மடங்காக அதிகரிக்கப்பட்டுள்ளது. கவச வாகனங்களில் இராணுவத்தினர் ரோந்து வருவதையும் காணக்கூடியதாக உள்ளது.

The post காலி முகத்திடலுக்கு உணவு எடுத்துச் செல்ல தடை விதிக்கும் இராணுவம் 🎥 appeared first on Puthinam NEWS புதினம் - Sri Lanka Tamil NEWS.

சவேந்திர சில்வா மீது சுமத்தப்பட்டுள்ள போர்குற்றச்சாட்டுகளுக்கு எவ்வித ஆதாரமும் இல்லை என குறிப்பிட்டுள்ள இலங்கை வெளிவிவகார அமைச்சு, இலங்கை இராணுவத்தளபதியின் நியமனம் மக்களால் தேர்ந்தெடுக்கப்பட்ட நாட்டின் தலைவரினால் மேற்கொள்ளப்பட்டதென்றும், இதனைக் கருத்திற்கொண்டு பயணத் தடை மீதான தீர்மானத்தை மீள் பரிசீலனை செய்யும்படியும் வேண்டுகோள் விடுத்துள்ளது.

அமெரிக்காவின் இந்த முடிவிற்கு இலங்கை வெளிவிவகார அமைச்சு வெளியிட்ட அறிக்கை இதோ.

The post சவேந்திர சில்வா அமெரிக்கா நுழைய தடை, இலங்கை அரசு கடும் கண்டனம் appeared first on Puthinam NEWS புதினம் - Sri Lanka Tamil NEWS.

அமெரிக்கா, கனடா மற்றும் ஐரோப்பிய ஒன்றியம் போன்ற மேற்கத்தேய நாடுகள் கண்டனம் தெரிவித்தும், கவலையை வெளிப்படுத்தியும் அறிக்கைகைகளை வெளியிட்டுக்கொண்டிருக்கும்போது, இலங்கை தனது செயலை நியாயப்படுத்தி அறிக்கை ஒன்றை வெளியிட்டுள்ளது.

இறுதிப்போரில் தமிழர்களை காக்கத்தவறிய இலங்கையின் அயல் நாடான இந்தியா, இராணுவத்தளபதியின் நியமனம் தொடர்பாகக் காத்துவரும் மௌனம், இலங்கைக்கு இன்னும் பலம் சேர்ப்பதாகவே உள்ளது.

The post இராணுவத்தளபதியின் நியமனம் இலங்கை இறையாண்மைக்கு உட்பட்ட விடயம் – வெளிவிவகார அமைச்சு appeared first on Puthinam NEWS புதினம் - Sri Lanka Tamil NEWS.

The post சவேந்திர சில்வாவின் நியமனம் தொடர்பாக ஐரோப்பிய ஒன்றியத்தின் அறிக்கை​ appeared first on Puthinam NEWS புதினம் - Sri Lanka Tamil NEWS.

சவேந்திர சில்வாவின் நியமனத்தை அமேரிக்கா நேரடியாகவே விமர்சித்துள்ளது.

இலங்கையிலுள்ள அமெரிக்க தூதரகம் வெளியிட்டுள்ள விசேட அறிக்கையில், கீழ்வருமாறு தெரிவிக்கப்பட்டுள்ளது.

லெப்டினன்ட் ஜெனரல் சவேந்திர சில்வா இராணுவத் தளபதியாக நியமிக்கப்பட்டமை தொடர்பில் அமெரிக்கா மிகுந்த கவலையடைந்துள்ளது.
ஐக்கிய நாடுகள் சபையினாலும், ஏனைய அமைப்புக்களாலும் சவேந்திர சில்வாவிற்கு எதிராக ஆவணப்படுத்தப்பட்ட மனித உரிமை மீறல் குற்றச்சாட்டுக்கள் பாராதூரமானதும், நம்பகத்தன்மை வாய்ந்தவையுமாகும்.
சவேந்திர சில்வாவின் நியமனமானது இலங்கையின் சர்வதேச நன்மதிப்பைப் பாதிக்கும் அதேவேளை, நீதி மற்றும் பொறுப்புக்கூறலை ஊக்குவிப்பதற்கான இலங்கையின் உறுதிப்பாடுகளையும் வலுவற்றதாக்கும் வகையில் அமைந்துள்ளது. என அந்த அறிக்கையில் தெரிவிக்கப்பட்டுள்ளது.

Statement from the U.S. Embassy on the Appointment of Lieutenant General Shavendra Silva as Army Commander. pic.twitter.com/63XUA4l0oR

— U.S. Embassy Colombo (@USEmbSL) August 19, 2019

The post போர்க்குற்றவாளியை இராணுவத் தளபதியாக்கிய ஜனாதிபதி. அமெரிக்கா கடும் அதிருப்தி appeared first on Puthinam NEWS புதினம் - Sri Lanka Tamil NEWS.

2013 முதல் இலங்கையிலுள்ள சில இளைஞர்கள் (பெரும்பாலானவர்கள் முஸ்லிம்கள்) IS பயங்கரவாதிகளின் செயற்பாடுகளில் பங்குபற்றிவருவதாக தெரிவித்துள்ள இலங்கை ஜனாதிபதி மைத்ரிபால சிறிசேனா, அவர்களை எப்படியும் காவல்துறையினர் கைது செய்துவிடுவார்கள் எனவும் நம்பிக்கை வெளியிட்டுள்ளார்.

மேலும் இலங்கை பூராகவும் 10,000 படையினர் பாதுகாப்பு கடமையில் ஈடுபடுத்தப்பட்டு கடும் சோதனை நடவடிக்கைகள் மேற்கொள்ளப்பட்டு வருவதாக இலங்கை இராணுவம் தெரிவித்துள்ளது.

The post IS பயங்கரவாதிகளுடன் தொடர்புடைய 140 பேருக்கு வலைவீச்சு appeared first on Puthinam NEWS புதினம் - Sri Lanka Tamil NEWS.

The post இலங்கை படையினர் மேற்கொண்ட போர்க்குற்றங்கள் விசாரிக்கப்பட வேண்டும் – ஆஸ்திரேலியா appeared first on Puthinam NEWS புதினம் - Sri Lanka Tamil NEWS.

இதேவேளை அமெரிக்காவிற்கு அனுப்பப்பட்ட இந்த மனித எச்சங்களின் மீதான காபன் பரிசோதனை அறிக்கை கிடைக்கப்பெற்றுள்ளதாகவும், இந்த அறிக்கை வரும் 20ம் திகதி (20/02) மன்னார் நீதிவான் நீதிமன்றில் சமர்ப்பிக்கப்படும் எனவும் சட்ட வைத்திய நிபுணர் சமிந்த ராஜபக்ச தெரிவித்துள்ளார்.

The post மன்னார் மனித புதைகுழியில் 146 நாட்களில் 323 மனித எச்சங்கள் appeared first on Puthinam NEWS புதினம் - Sri Lanka Tamil NEWS.

இந்த அமைப்பு, இறுதி யுத்தத்தில் சவேந்திரசில்வாவின் பணி குறித்தான முக்கிய விடயங்கள், புகைப்படங்கள், குறுஞ்செய்திகள் சாட்சியங்களின் வாக்குமூலங்கள் ஆகியவற்றை உள்ளடக்கியுள்ளது.

இது தொடர்பாக சர்வதேச உண்மை மற்றும் நீதிக்கான திட்டம் அமைப்பின் நிறைவேற்றுப்பணிப்பாளர் ஜஸ்மின் சூக்கா தெரிவிகையில், 

எனது குழுவினர் பல வருடங்களாக சேகரித்த பிரமிப்பை ஏற்படுத்தக்கூடிய அளவு ஆதாரங்கள் இந்த கோப்புதொகுப்பில் இடம்பெற்றுள்ளன. மேலும் இலங்கை இராணுவத்தின் இரண்டாவது முக்கிய அதிகாரியாக சவேந்திரசில்வா நீடிப்பதற்கான அவசியம் எதுவுமில்லை என்று குறிப்பிட்ட ஜஸ்மின் சூக்கா, சவேந்திரசில்வாவை உடனடியாக பதவியிலிருந்து இடைநிறுத்தி  அவரிற்கு எதிரான விசாரணைகளை ஆரம்பிக்கவேண்டும் எனவும் தெரிவித்துள்ளார்

மேஜர் ஜெனரல் சவேந்திர சில்வாவிற்கு  எதிராக முன்வைக்கப்பட்டுள்ள குற்றச்சாட்டுகள் பின்வருமாறு,

கிளிநொச்சி தாக்குதல்

கிளிநொச்சியை கைப்பற்றுவதற்கான தொடர்ச்சியான தாக்குதல்களை மேற்கொண்ட படைப்பிரிவின்  தளபதியாக சவேந்திரசில்வாவே செயற்பட்டார். அந்த தாக்குதல்களுக்கான உத்தரவையும் அவரே பிறப்பித்தார்.

மருத்துவமனைகள் ஐநா கட்டிடங்கள் போன்றவற்றின் மீது மேற்கொள்ளப்பட்ட தாக்குதல்களின் மூலம் பொதுமக்கள் இறப்பிற்கான காரணமாக அவர் விளங்கினார்.

புதுக்குடியிருப்பு தாக்குதல்கள்

புதுக்குடியிருப்பின் மீதான தாக்குதல்களை சவேந்திரசில்வா தொடர்பான 58வது படைப்பிரிவே முன்னெடுத்தது. 

ஆளில்லா வேவு விமானங்கள் மூலம் புதுக்குடியிருப்பு பிரதேசமும், வைத்தியசாலையும் கண்காணிக்கப்பட்டன. புதுக்குடியிருப்பு மருத்துவமனை தாக்குதலிற்கு உள்ளாகின்றது என ஐநா அதிகாரிகளும் தொடர்ச்சியாக இலங்கை இராணுவத்தினரிற்கு தெரிவித்திருந்தனர். 

எனவே சவேந்திரசில்வாவிற்கு மருத்துவமனை தாக்கப்படுகின்றது என்பது தெரிந்திருந்தது என கருத இடமுண்டு. அதிகளவு பொதுமக்கள் வாழும் பகுதிகளின் மீது தனது கட்டுப்பாட்டின் கீழ் உள்ள படைப்பிரிவினர் பாரதூரமான, சர்வதேச சட்ட மீறல்களை மேற்கொள்கின்றனர் என்பது சவேந்திர சில்வா அறிந்திருப்பார். இருப்பினும் அவர் தாக்குதல்களை நிறுத்த எந்த நடவடிக்கைகளையும் எடுக்கவில்லை.

பொக்கணை தாக்குதல்கள்

பொக்கணை மீதான தாக்குதல்களை சவேந்திர சில்வா தலைமையிலான படையினரே முன்னெடுத்தனர்.  

பால்மா பொதிகள் வழங்கப்படும் இடங்களில் பொதுமக்கள் மீது மேற்கொள்ளப்பட்ட கண்மூடித்தனமான எறிகணை தாக்குதல்கள் காரணமாக சிறுவர்கள், பெண்கள் உட்பட பலர் கொல்லப்பட்டனர்.

புதுமாத்தளன் தாக்குதல்கள்

புதுமாத்தளன் மருத்துவமனை மீதான இராணுவ நடவடிக்கையை சவேந்திரசில்வா தலைமையிலான படைப்பிரிவினரே முன்னெடுத்தனர் என்பதற்கான போதுமான ஆதாரங்கள் இந்த அறிக்கையில் அடங்கியுள்ளன.

புதுமாத்தளன் மருத்துவமனை உட்பட அப்பகுதியில் இராணுவநடவடிக்கையை சவேந்திரசில்வாவே திட்டமிட்டு முன்னெடுத்தார் என்பதற்கான ஆதாரங்கள் உள்ளன. இதன் காரணமாக பலத்த உயிரிழப்புகள் ஏற்பட்டன.

வலைஞ்சர்மடம் தாக்குதல்கள்

வஞைசர்மடம் மருத்துவமனை மற்றும் தேவாலயம் மீதான தாக்குதல்களில் சவேந்திரசில்வாவின் படையணிகள் ஈடுபட்டன என நம்புவதற்கான வலுவான காரணங்கள் உள்ளன.இதன் காரணமாக பொதுமக்களிற்கு உயிரிழப்புகள் ஏற்பட்டன.

முள்ளிவாய்க்கால் தாக்குதல்

சவேந்திரசில்வாவிற்கு தனக்கு கீழ் உள்ள படையினர் முள்ளிவாய்க்காலில் உள்ள பொதுமக்கள் மற்றும் பொதுமக்களின் நிலைகளின் மீது தாக்குதல்களை மேற்கொள்கின்றனர் என்பது  தெரிந்திருந்தது என கருதுவதற்கான வலுவான காரணங்கள் உள்ளன. மேலும் அவர் அப்பகுதியில் காணப்பட்டார் என்பதற்கான ஆதாரங்களும்  உள்ளன.

அவர் அப்பகுதியில் பிரசன்னமாகியிருந்து படையினரிற்கு உத்தரவுகளை வழங்கினார் என்பதற்கான ஆதாரங்கள் உள்ளன. இதன் காரணமாக அவர் பொதுமக்கள் தாக்கப்படுவதை பார்வையிட்டிருக்கவேண்டும்.

சரணடைந்தவர்கள் தொடர்பாக

வட்டுவாகல் பாலத்தில் 58 படைப்பிரிவினரிடமே சரணடைதல் இடம்பெற்றது என ஐநா அறிக்கை தெரிவித்துள்ளது. 

சவேந்திர சில்வா சரணடைந்த விடுதலைப்புலிகளுடன் கைகுலுக்கினார் என அதனை நேரில் பார்த்த ஒருவர் தெரிவித்தார். அவ்வாறு சரணடைந்தவர்கள் பின்னர் சடலங்களாக மீட்கப்பட்டனர்

சரணடைந்தவர்களை படுகொலை செய்ததன் மூலம் அவர்களை தனது படையினரே காணாமலாக்கினார் என்பது சவேந்திர சில்வாவிற்கு தெரிந்திருந்தது அல்லது அவர் அந்த தகவலை மறைத்தார் என கருதுவதற்கான இடமுள்ளது.

கற்பழிப்பு, பாலியல் துன்புறுத்தல்கள் மற்றும் சித்திரவதைகள்

தனது வலுவான கட்டுப்பாட்டின் கீழ் உள்ள படையினர் கற்பழிப்பு, பாலியல் துன்புறுத்தல்கள் மற்றும் சித்திரவதையில் ஈடுபட்டனர் என்பது சவேந்திரசில்வாவிற்கு தெரிந்திருந்தது என கருதுவதற்கான இடமுள்ளது. இருப்பினும் அவர் அதனைத் தடுப்பதற்கோ அல்லது குற்றங்களில் ஈடுபட்டவர்களைத் தண்டிக்கவோ தவறிவிட்டார்.

The post சவேந்திர சில்வாவிற்கு எதிராக போதுமான ஆதாரங்கள் உள்ளன – சர்வதேச உண்மை மற்றும் நீதிக்கான திட்டம் appeared first on Puthinam NEWS புதினம் - Sri Lanka Tamil NEWS.