Cricket – Puthinam NEWS புதினம் – Sri Lanka Tamil NEWS

T20 போட்டியில் சிம்பாவே அணி உலக சாதனை

புதினம் — Thu, 24 Oct 2024 01:08:19 +0000

சிம்பாவே கிரிக்கெட் அணி சர்வதேச இருபதுக்கு இருபது (T20) கிரிக்கெட் போட்டியில் உலக சாதனை படைத்துள்ளது.

கம்பியாவிற்கு எதிராக இடம்பெற்ற தகுதிகான் போட்டியில் சிம்பாவே அணி 344 ஓட்டங்களைக் குவித்து இந்த சாதனையை நிலைநாட்டியுள்ளது.

4 விக்கெட்டுக்களை இழந்து 344 ஓட்டங்களைப் பெற்ற சிம்பாவே அணியில் சிக்கந்தர் ரஸா 133 ஓட்டங்களைப் பெற்றார். இதுவே சிம்பாவே அணியில் T20 போட்டியில் ஒரு வீரர் பெற்ற முதலாவது சதமாகும்.

கடந்த வருடம் நேபாளம் அணி மொங்கோலியாவிற்கெதிராக பெற்ற 314 ஓட்டங்களே இதுவரை உலக சாதனையாக இருந்தது.

The post T20 போட்டியில் சிம்பாவே அணி உலக சாதனை appeared first on Puthinam NEWS புதினம் - Sri Lanka Tamil NEWS.

தமிழ், முஸ்லிம் வீரர்களுக்கு இடமளியுங்கள் – மனோ கணேசன்

புதினம் — Sun, 27 Nov 2022 22:57:00 +0000

இலங்கை தேசிய விளையாட்டு அணிகளில் தமிழ், முஸ்லிம் வீரர்களுக்கு இடமளிக்க வேண்டுமென மனோ கணேசன் விளையாட்டுத் துறை அமைச்சர் ரொஷான் ரணசிங்கவிடம் வேண்டுகோள் விடுத்தார்.

பாராளுமன்றில் இடம்பெற்றுவரும் பட்ஜெட் விதாதங்களில், விளையாட்டுத் துறை நிதி ஒதுக்கீட்டு பிரேரணையின்போது மனோ கணேசன் மேற்குறிப்பிட்டவாறு வேண்டுகோள் விடுத்தார்.

தேசிய விளையாட்டு அணிகளில் தமிழ், முஸ்லிம் வீரர்களுக்கு விழும் “வெட்டுகளை” நிறுத்தும்படியும், கிரிக்கட் இந்நாட்டின் ஐந்தாம் மதம் எனவும் தெரிவித்த மனோ கணேசன், அரசியல்வாதிகள் நிலைநாட்டத் தவறிய இன ஒற்றுமைய, விளையாட்டுத் துறையின் மூலம் நிலைநாட்டும்படியும் விளையாட்டுத் துறை அமைச்சரிடம் வேண்டுகோள் விடுத்தார்.

மேலும், யாழ் புனித சம்பத்திரிசியார் கல்லூரி மற்றும் மன்னார் புனித சேவியர் கல்லூரி அணிகள் கொழும்பில் வந்து கால்பந்து இறுதிப் போட்டியில் விளையாடியமை ஒரு மகிழ்ச்சியான தருணம் எனவும் மனோ கணேசன் குறிப்பிட்டிருந்தார்.

The post தமிழ், முஸ்லிம் வீரர்களுக்கு இடமளியுங்கள் – மனோ கணேசன் appeared first on Puthinam NEWS புதினம் - Sri Lanka Tamil NEWS.

பிணையில் எடுக்க இரண்டு இலட்சம் டொலர்கள்

புதினம் — Sat, 12 Nov 2022 08:45:03 +0000

பாலியல் வன்கொடுமை குற்றச்சாட்டில் ஆஸ்திரேலிய சிறையில் உள்ள இலங்கை துடுப்பாட்ட அணியின் தனுஷ்க குணத்திலகவின் இரண்டாவது பிணை விண்ணப்பத்திற்காக இரண்டு இலட்சம் ஆஸ்திரேலிய டொலர்களைத் திரட்டுவதில் இலங்கை துடுப்பாட்ட நிறுவனம் (Sri Lanka Cricket) கடும் நெருக்கடியில் உள்ளது.

இலங்கை துடுப்பாட்ட நிறுவனம் ஏற்கனவே தனிப்பட்ட பலரிடம் நன்கொடை வழங்குமாறு வேண்டுகோள் விடுத்திருப்பதாகவும், இலங்கை துடுப்பாட்ட அணியின் மற்றுமொரு வீரரான வணிந்து ஹஸரங்க ஏற்கனவே பெருந்தொகை பணத்தினை வழங்கியுள்ளதாகவும் தென்னிலங்கை ஊடகங்கள் தெரிவிக்கின்றன.

ஆஸ்திரேலிய நீதிமன்றால் ஏற்கனவே பிணை மறுக்கப்பட்டிருந்த நிலையில் தனுஷ்க குணத்திலக சிறையில் உள்ளார். இவரின் வழக்கு அடுத்த வருடம் ஜனவரி 12இல் இடம்பெறவுள்ளது. இந்நிலையிலேயே தனுஷ்க குணத்திலகவினை பிணையில் எடுக்கும் பணிகள் மும்மரமாக இடம்பெறுவதாக தகவல்கள் தெரிவிக்கின்றன.

The post பிணையில் எடுக்க இரண்டு இலட்சம் டொலர்கள் appeared first on Puthinam NEWS புதினம் - Sri Lanka Tamil NEWS.

ஆஸ்திரேலியாவில் இலங்கை துடுப்பாட்ட வீரர் கைது

புதினம் — Sun, 06 Nov 2022 10:14:12 +0000

ஆஸ்திரேலியாவின் சிட்னி நகரில் இலங்கை துடுப்பாட்ட அணி வீரர் தனுஷ்க குணதிலக மாகாண காவல்துறையினரால் கைது செய்யப்பட்டுள்ளார்.

31 வயதான தனுஷ்க குணதிலக சிட்னி நகரில் 29வயதான பெண்ணை பாலியல் வன்கொடுமை செய்தமை உட்பட நான்கு குற்றச்சாட்டுக்களின் அடிப்படையிலேயே கைது செய்யப்பட்டு நீதிமன்றில் முன்னிலைப்படுத்தப்பட்டார்.

முறைப்பாடுகளை பரிசீலித்த நீதிபதி தனுஷ்க குணதிலகவிற்கு பிணை வழங்குவதற்கான கோரிக்கையை நிராகரித்தார். இதனால் நாளை திங்கட்கிழமை மீண்டும் நீதிமன்றில் முன்னிலைப்படுத்தப்படும்வரை தடுப்புக் காவலில் வைக்கப்படுவார்.

The post ஆஸ்திரேலியாவில் இலங்கை துடுப்பாட்ட வீரர் கைது appeared first on Puthinam NEWS புதினம் - Sri Lanka Tamil NEWS.

ஷேன் வோர்ன் மாரடைப்பால் மரணம்

புதினம் — Sat, 05 Mar 2022 00:06:28 +0000

உலகப் புகழ் பெற்ற சுழல் பந்துவீச்சாளரும், ஆஸ்திரேலிய கிரிக்கெட் அணியின் முன்னாள் வீரருமான ஷேன் வோர்ன் (52) திடீர் மாரடைப்பால் தாய்லாந்தில் மரணமானார்.

கிரிக்கெட் வரலாற்றில் சிறந்த பந்து வீச்சாளர்களில் ஒருவர் என்று கருதப்படும் ஷேன் வோர்ன், 2007ல் முழுமையாக கிரிக்கெட்டிலிருந்து ஓய்வு பெற்றார். ஆஸ்திரேலிய அணிக்காக 15 வருடகாலம் விளையாடிய ஷேன் வோர்ன், டெஸ்ட் போட்டிகளில் 708 விக்கெட்டுக்களையும், ஒரு நாள் போட்டிகளில் 293 விக்கெட்டுக்களையும் கைப்பற்றி, கிரிக்கெட் உலகின் ஜாம்பவானாகத் திகழ்ந்தார்.

The post ஷேன் வோர்ன் மாரடைப்பால் மரணம் appeared first on Puthinam NEWS புதினம் - Sri Lanka Tamil NEWS.

ஸ்மித் மற்றும் வார்னருக்கு ஓராண்டு தடை

புதினம் — Wed, 28 Mar 2018 19:56:04 +0000

தென்னாப்பிரிக்காவிற்கு எதிரான டெஸ்ட் போட்டியில் பந்தை சேதப்படுத்திய விவகாரத்தில் ஆஸ்திரேலிய வீரர்கள் ஸ்மித் மற்றும் வார்னருக்கு ஓராண்டு தடை விதித்து ஆஸ்திரேலிய கிரிக்கெட் வாரியம் உத்தரவிட்டுள்ளது.

தென் ஆப்பிரிக்காவிற்கு எதிரான 3 வது டெஸ்ட் போட்டியில், ஆஸ்திரேலிய அணியின் தொடக்க வீரர் பேன்கிராப்ட் பீல்டிங் செய்த போது ஸ்மித்தின் உதவியுடன் பந்தை பொருள் ஒன்றால் சேதப்படுத்தி உள்ளார். ஆஸ்திரேலியா கேப்டன் ஸ்டீவன் ஸ்மித்தும் இந்த விவகாரத்தை ஒப்புக் கொண்டார்.

இதனையடுத்து பந்தை வேண்டுமென்றே சேதப்படுத்தியதால் ஸ்மித்திற்கு ஒரு நாள் மற்றும் டெஸ்ட் போட்டியில் விளையாட தடையும், போட்டி கட்டணத்தில் 100% அபராதமும், பான்கிராப்டிற்கு போட்டி கட்டணத்தில் 75% அபராதமும் ஐசிசி விதித்தது.

இது தொடர்பாக விசாரணை நடத்த ஆஸ்திரேலியா கிரிக்கெட் வாரியம் உடனடியாக ஸ்மித், வார்னர், பான்கிராப்ட் ஆகியோரை நாடு திரும்புமாறு உத்தரவிட்டது.

இந்நிலையில்,பந்தை சேதப்படுத்திய விவகாரத்தில் ஆஸ்திரேலிய கிரிக்கெட் வாரியம் ஸ்மித் மற்றும் வார்னருக்கு ஓராண்டு விளையாட தடை, கேப்டன் பதவி ஏற்க இரண்டு ஆண்டுகள் தடை விதித்துள்ளது. மேலும், பான்கிராப்ட்டிற்கு 9 மாதம் விளையாட தடை விதித்துள்ளது.

The post ஸ்மித் மற்றும் வார்னருக்கு ஓராண்டு தடை appeared first on Puthinam NEWS புதினம் - Sri Lanka Tamil NEWS.

இலங்கை அணி 10 விக்கெட்டுக்களால் வெற்றி

புதினம் — Thu, 25 Jan 2018 11:13:34 +0000

பங்களாதேஷ் டாக்காவில் நடைபெறும் மும்முனை கிரிக்கெட் போட்டித் தொடரில், இன்று நடைபெற்ற இலங்கை – பங்களாதேஷ் அணிகளுக்கான போட்டியில், இலங்கை அணி 10 விக்கெட்டுக்களால் வெற்றிபெற்றது.

நாணய சுழற்சியில் வெற்றிபெற்ற பங்களாதேஷ் முதலில் துடுப்பெடுத்தாடியது. இலங்கை அணியின் அபாரமான பந்துவீச்சிற்கு முகம் கொடுக்க முடியாமல் சகல விக்கெட்டுக்களையும் இழந்து 82 ஓட்டங்களை மட்டுமே பெற்றது. பந்துவீச்சில் லக்மால் மூன்று விக்கெட்டுக்களையும், சமீர, பெரேரா,சந்தகன் ஆகியோர் தலா இரண்டு விக்கெட்டுக்களையும் கைப்பற்றியிருந்தனர்.

Embed from Getty Images

பதிலுக்கு துடுப்பெடுத்தாடிய இலங்கை அணி எவ்வித விக்கெட்டுகளையும் இழக்காமல் 83 ஓட்டங்களைப் பெற்று வெற்றி பெற்றது.

ஆட்ட நாயகனாக லக்மால் தெரிவு செய்யப்பட்டார்.

மும்முனை தொடரில் 15 புள்ளிகளுடன் பங்களாதேஷ் அணி முதலிடத்திலும், 9 புள்ளிகளுடன் இலங்கை அணி இரண்டாம் இடத்திலும், 4 புள்ளிகளுடன் சிம்பாவே அணி மூன்றாம் இடத்திலும் உள்ளன.

The post இலங்கை அணி 10 விக்கெட்டுக்களால் வெற்றி appeared first on Puthinam NEWS புதினம் - Sri Lanka Tamil NEWS.

இரண்டாவது ஒருநாள் போட்டியிலும் இங்கிலாந்து அணி வெற்றி

புதினம் — Sat, 20 Jan 2018 01:20:38 +0000

ஆஸ்திரேலிய பிறிஸ்பேன் நகரில் இடம்பெற்ற இரண்டாவது ஒரு நாள் போட்டியில் இங்கிலாந்து அணி 4 விக்கெட்டுக்கள் வித்தியாசத்தில் வெற்றிபெற்றுள்ளது.

நாணய சுழற்சியில் ஆஸ்திரேலிய அணி வெற்றிபெற்று முதலில் துடுப்பாட தீர்மானித்தது.

துடுப்பாட்டம் – ஆஸ்திரேலியா

(f)பின்ச் – 106
S.மார்ஷ் – 36

பந்து வீச்சு – இங்கிலாந்து

ரூட் – 2 விக்கெட்டுக்கள்
ரஷீட் – 2 விக்கெட்டுக்கள்

துடுப்பாட்டம் – இங்கிலாந்து

பயர்ஸ்டோ – 60
ஹேல்ஸ் – 57
ரூட் – 46

பந்து வீச்சு – ஆஸ்திரேலியா

ஸ்டார்க் – 4 விக்கெட்டுக்கள்
ரிச்சர்ட்சன் – 2 விக்கெட்டுக்கள்

ஆட்ட நாயகன் : ரூட் (46 ஓட்டங்கள், 2 விக்கெட்டுக்கள்)

Embed from Getty Images

ஐந்து போட்டிகள் கொண்ட தொடரில் இங்கிலாந்து அணி 2-0 என்றரீதியில் முன்னிலை வகிக்கின்றது.

முழுமையான ஆட்ட விபரங்களைப் பார்வையிட இங்கே அழுத்தவும்.

The post இரண்டாவது ஒருநாள் போட்டியிலும் இங்கிலாந்து அணி வெற்றி appeared first on Puthinam NEWS புதினம் - Sri Lanka Tamil NEWS.

இலங்கை அணியின் ஒருநாள் மற்றும் T 20 தலைவராக அஞ்சேலோ மத்தியூஸ்

புதினம் — Tue, 09 Jan 2018 08:17:14 +0000

சகலதுறை ஆட்டக்காரரான அஞ்சேலோ மத்தியூஸ் இலங்கை கிரிக்கட் அணியின் ஒருநாள் மற்றும் T 20 தலைவராக தெரிவு செய்யப்பட்டுள்ளார். இதனை ‘இலங்கை கிரிக்கட்’ பிரதம அதிகாரி திலங்க சுமதிபால உத்யோகரீதியாக அறிவித்துள்ளார்.

புதிதாக தெரிவுசெய்யப்பட்டுள்ள அணியின் பயிற்சியாளரான சந்திக்க ஹதுருசிங்கவுடனான கலந்துரையாடலின் பின்னரே, இலங்கை கிரிக்கட் தெரிவுக்குழு ஏகமனதாக அஞ்சேலோ மத்தியூசை அணித் தலைவராக தெரிவு செய்துள்ளது.

The post இலங்கை அணியின் ஒருநாள் மற்றும் T 20 தலைவராக அஞ்சேலோ மத்தியூஸ் appeared first on Puthinam NEWS புதினம் - Sri Lanka Tamil NEWS.

ஆஷஸ் தொடர், மீண்டும் ஆஸ்திரேலியா வெற்றி

புதினம் — Mon, 08 Jan 2018 07:15:16 +0000

ஆஸ்திரேலியாவின் சிட்னி நகரில் நடைபெற்ற ஆஷஸ் டெஸ்ட் தொடரின் ஐந்தாவதும் இறுதியுமான போட்டியில், ஆஸ்திரேலிய அணி இன்னிங்ஸ் மற்றும் 123 ஓட்டங்களால் வெற்றி பெற்று, ஐந்து போட்டிகள் கொண்ட தொடரை 4:0 என்றரீதியில் கைப்பற்றியுள்ளது.
Embed from Getty Images

நாணய சுழற்சியில் வெற்றி பெற்ற இங்கிலாந்து அணி முதலில் துடுப்பெடுத்தாடி சகல விக்கட்டுக்களையும் இழந்து 346 ஓட்டங்களைப் பெற்றது. இதில் ரூட் 83 ஓட்டங்களையும், மாலன் 62 ஓட்டங்களையும் பெற்றனர்.

ஆஸ்திரேலிய பந்து வீச்சில், P.J.கம்மின்ஸ் 4 விக்கட்டுக்களைக் கைப்பற்றியிருந்தார்.
Embed from Getty Images

பதிலுக்கு துடுப்பெடுத்தாடிய ஆஸ்திரேலிய அணி ஏழு விக்கட்டுக்களை இழந்து 649 ஓட்டங்களைக் குவித்து ஆட்டத்தை இடைநிறுத்திக்கொண்டதது. இதில் க்வாஜா 171 ஓட்டங்களையும், சகோதரர்களான M.மார்ஷ் மற்றும் S.E மார்ஷ் சிறப்பாக துடுப்பெடுத்தாடி முறையே 101 மற்றும் 156 ஓட்டங்களைப் பெற்றனர்.

இரண்டாவது இன்னிங்சில் துடுப்பெடுத்தாடிய இங்கிலாந்து அணி, ஆஸ்திரேலிய அணியின் சிறப்பான பந்து வீச்சிற்கு முகம் குடுக்க முடியாமல் அனைத்து விக்கட்டுகளையும் இழந்து வெறும் 180 ஓட்டங்களை மட்டுமே பெற்றது. ஆஸ்திரேலிய அணியின் பந்து வீச்சில் P.J.கம்மின்ஸ் மீண்டும் நான்கு விக்கட்டுக்களை வீழ்த்தினார்.

போட்டியின் ஆட்ட நாயகனாக இரண்டு இன்னிங்சிலும் தலா நான்கு விக்கட்டுகளை வீழ்த்திய P.J.கம்மின்ஸ் தெரிவு செய்யப்பட்டார்.

The post ஆஷஸ் தொடர், மீண்டும் ஆஸ்திரேலியா வெற்றி appeared first on Puthinam NEWS புதினம் - Sri Lanka Tamil NEWS.