Petrol – Puthinam NEWS புதினம் – Sri Lanka Tamil NEWS

எரிபொருட்களைப் பதுக்கிய 675பேர் கைது

புதினம் — Sun, 26 Jun 2022 00:18:52 +0000

இலங்கையில் ஏற்பட்டிருக்கும் எரிபொருள் தட்டுப்பாட்டினால், பலர் சட்டவிரோதமாக பதுக்கல் நடவடிக்கைகளை ஆரம்பித்திருந்தார்கள்.

நாடு முழுவதும் மேற்கொள்ளப்பட்ட தேடுதல் நடவடிக்கையின்போது, எரிபொருள் பதுக்கலில் ஈடுபட்ட 675பேரை காவல்துறையினர் கைது செய்துள்ளதாகத் தெரிவித்துள்ளனர்.

மேற்படி நபர்களிடமிருந்து,
டீசல் – 33,400 லீற்றர்
பெற்றோல் – 21,600 லீற்றர்
மண்ணெண்ணை – 11,000 லீற்றர் எரிபொருட்களை காவல்துறையினர் கைப்பற்றியுள்ளனர்.

The post எரிபொருட்களைப் பதுக்கிய 675பேர் கைது appeared first on Puthinam NEWS புதினம் - Sri Lanka Tamil NEWS.

எரிபொருள் விநியோகம் தற்காலிகமாக இடைநிறுத்தம்

புதினம் — Wed, 11 May 2022 06:32:48 +0000

பிந்திய இணைப்பு : எரிபொருள் விநியோகம் மீண்டும் ஆரம்பிக்கப்பட்டுள்ளது. பாதுகாப்பு உறுதிப்படுத்தப்பட்ட பின்னர் விநியோகம் ஆரம்பமாகியுள்ளது. நாட்டின் பல பகுதிகளில் இராணுவத்தின் பல பிரிவுகள் பாதுகாப்புக் கடமையில் ஈடுபட்டிருப்பதால், எவ்வித அசம்பாவிதங்களும் இடம்பெற மாட்டாது என நம்பப்படுகிறது.

இலங்கை பெற்றோலியக் கூட்டுத்தாபனம் நாடுதழுவியரீதியில் தற்காலிகமாக எரிபொருள் விநியோகத்தை இடைநிறுத்தியுள்ளது.

நாட்டில் வன்முறைச் சம்பவங்கள் இன்னும் இடம்பெற்றுவருகின்றமையால், பாதுகாப்புக் கருதி எரிபொருள் விநியோகத்தை தற்காலிகமாக நிறுத்தி வைப்பதாக இலங்கை பெற்றோலியக் கூட்டுத்தாபனம் தெரிவித்துள்ளது.

ஊரடங்குச் சட்டம் அமுலில் இருப்பினும், வன்முறைச் சம்பவங்கள் சிறிய அளவில் இன்னும் இடம்பெற்றுக்கொண்டிருக்கின்றன. குறிப்பாக ஆர்ப்பாட்டக்காரர்களின் தீ வைப்புச் சம்பவங்களுக்கு எவ்வாறு எரிபொருள் கிடைக்கின்றது என்ற ஒரு கேள்வி மக்கள் மத்தியில் இன்னும் உள்ளது என்பதும் குறிப்பிடத்தக்கது.

The post எரிபொருள் விநியோகம் தற்காலிகமாக இடைநிறுத்தம் appeared first on Puthinam NEWS புதினம் - Sri Lanka Tamil NEWS.

எரிபொருள் வழங்கலில் கட்டுப்பாடு – CPC

புதினம் — Fri, 15 Apr 2022 09:45:50 +0000

இன்று முதல் (15/04) எதிர்வரும் இரண்டு வாரங்களுக்கு எரிபொருள் வழங்கலில் கட்டுப்பாடு அமுல்படுத்தப்படுவதாக இலங்கை பெற்றோலியக் கூட்டுத்தாபனம் (CPC) தெரிவித்துள்ளது.

இதற்கமைய அதிகபட்சமாக,
மோட்டார் சைக்கிள்கள் 1,000 ரூபாய்க்கும்,
முச்சக்கர வண்டிகள் 1,500 ரூபாய்க்கும்,
கார் வான் ஜீப் போன்ற வாகனங்கள் 5,000 ரூபாய்க்கும் எரிபொருளை நிரப்ப முடியும்.

பேருந்துகள், பாரவூர்திகள், உழவு இயந்திரங்கள் மற்றும் வணிகம் சம்பந்தப்பட்ட வாகனங்களுக்கு கட்டுப்பாடு இல்லை எனவும் பெற்றோலியக் கூட்டுத்தாபனம் (CPC) தெரிவித்துள்ளது.

இதேவேளை நேற்று 41,000 மெற்றிக்தொன் டீசல் நாட்டை வந்தடைந்துள்ளதாகவும், இன்று 37,500 மெற்றிக்தொன் பெற்றோல் வர உள்ளதாகவும் பெற்றோலியக் கூட்டுத்தாபன தலைவர் தெரிவித்துள்ளார்.

The post எரிபொருள் வழங்கலில் கட்டுப்பாடு – CPC appeared first on Puthinam NEWS புதினம் - Sri Lanka Tamil NEWS.

பதுக்கி வைக்கப்பட்டிருந்த எரிபொருட்கள் மீட்பு

புதினம் — Wed, 13 Apr 2022 21:56:46 +0000

இலங்கையில் நாடளாவியரீதியில் மேற்கொள்ளப்பட்ட தேடுதலில், பதுக்கி வைக்கப்பட்டிருந்த பெருமளவான எரிபொருட்கள் மீட்கப்பட்டுள்ளன.

தற்போது நாட்டில் ஏற்பட்டிருக்கும் எரிபொருள் தட்டுப்பாடின் காரணமாக பொதுமக்களால் கிடைக்கப்பெற்ற முறைப்பாடுகளுக்கமைய, காவல்துறையினர் மற்றும் விசேட அதிரடிப்படையினரால் நாடு பூராகவும் 67 சுற்றிவளைப்புகள் மேற்கொள்ளப்பட்டன.

இதில் 10,115 லீற்றர் டீசல், 5,690 லீற்றர் பெற்றோல், 5,620 லீற்றர் மண்ணெண்ணெய் போன்றன மீட்கப்பட்டுள்ளதுடன், பதுக்கலில் ஈடுபட்ட பலரும் கைது செய்யப்பட்டுள்ளனர்.

The post பதுக்கி வைக்கப்பட்டிருந்த எரிபொருட்கள் மீட்பு appeared first on Puthinam NEWS புதினம் - Sri Lanka Tamil NEWS.

பெற்றோலியக் கூட்டுத்தாபனமும் எரிபொருள் விலையை உயர்த்தியது

புதினம் — Sat, 12 Mar 2022 02:56:19 +0000

இலங்கை பெற்றோலியக் கூட்டுத்தாபனமும் எரிபொருள் விலையை உயர்த்தியுள்ளது.

ஒரு லீற்றர் பெற்றோல் 92 ஒக்டேன் 77 ரூபாவினாலும், 95 ஒக்டேன் 75 ரூபாவினாலும் உயர்த்தப்பட்டுள்ளது. இதேவேளை ஒரு லீற்றர் டீசல் 55 ரூபாவினாலும், சூப்பர் டீசல் 95 ரூபாவினாலும் உயர்த்தப்பட்டுள்ளது.

பெற்றோலின் புதிய விலை
92 ஒக்டேன் 254/=
95 ஒக்டேன் 283/=

கடந்த இரு நாட்களுக்கு முன்னர், இலங்கை இந்திய எரிபொருள் கூட்டுத்தாபனம் (LIOC) பெற்றோல், டீசல் விலையை உயர்த்தி இருந்தமை குறிப்பிடத்தக்கது.

The post பெற்றோலியக் கூட்டுத்தாபனமும் எரிபொருள் விலையை உயர்த்தியது appeared first on Puthinam NEWS புதினம் - Sri Lanka Tamil NEWS.

டீசல், பெற்றோல் விலை அதிகரிப்பு

புதினம் — Thu, 10 Mar 2022 22:20:24 +0000

இலங்கையில் ஏற்பட்டுள்ள டொலருக்கு எதிரான ரூபாயின் வீழ்ச்சியால், பெற்றோல் மற்றும் டீசலின் விலைகள் அதிகரிக்கப்படுவதாக இலங்கை இந்திய எரிபொருள் கூட்டுஸ்தாபனத்தின் (LIOC) நிர்வாக இயக்குனர் மனோஜ் குப்தா தெரிவித்துள்ளார்.

இதன்படி ஒரு லீட்டர் டீசலின் விலை 75 ரூபாயினாலும், ஒரு லீட்டர் பெற்றோலின் விலை 50 ரூபாயினாலும் அதிகரிக்கப்படுவதாக அவர் தெரிவித்தார்.

டீசலின் புதிய விலை 214/=
பெற்றோலின் புதிய விலை 254/=

ரஷ்ய உக்ரைன் போர் தொடர்ந்து இடம்பெறுவதால் உலகளாவியரீதியில் எரிபொருள் விநியோகம் கடுமையாக பாதிக்கப்பட்டுள்ளது என்பதும் இங்கே குறிப்பிடத்தக்கது.

The post டீசல், பெற்றோல் விலை அதிகரிப்பு appeared first on Puthinam NEWS புதினம் - Sri Lanka Tamil NEWS.

மசகு எண்ணெய் விலை பெருமளவில் அதிகரிப்பு

புதினம் — Wed, 02 Mar 2022 07:16:01 +0000

உக்ரைன் – ரஷ்யா போரினால் எரிபொருள் சந்தையில் மசகு எண்ணெய் விலை பெருமளவில் அதிகரித்துள்ளது.

ஒரு பரல் மசகு எண்ணெய்யின் விலை 110 அமெரிக்க டொலர்களாக அதிகரித்துள்ளது. இது கடந்த ஏழு வருடங்களில் காணப்படும் அதிகபட்ச விலையாகும்.

இதேவேளை இலங்கையில் எரிபொருள் தட்டுப்பாடு மேலும் மோசமடைந்து வருகின்றது. 37,000 மெற்றிக் தொன் டீசலுடன் இலங்கை வரும் கப்பலுக்கு அரசாங்கம் இன்னும் பணம் செலுத்தவில்லை. எரிபொருள் நிரப்பு நிலையங்களில் வாகனங்கள் மிக நீண்ட வரிசையில் காத்து நிக்கின்றமையை நாடு பூராகவும் அவதானிக்கக் கூடியதாக உள்ளது.

The post மசகு எண்ணெய் விலை பெருமளவில் அதிகரிப்பு appeared first on Puthinam NEWS புதினம் - Sri Lanka Tamil NEWS.

இன்றுமுதல் பெற்றோல், டீசலின் விலையை அதிகரிக்கிறது LIOC

புதினம் — Sat, 26 Feb 2022 00:14:16 +0000

இலங்கையில் இன்றுமுதல் பெற்றோல் மற்றும் டீசலின் விலையை அதிகரிக்கிறது லங்கா இந்தியன் எரிபொருள் நிறுவனம் (LIOC).

ஒரு லீட்டர் டீசலின் விலை 15 ரூபாவினாலும், ஒரு லீட்டர் பெற்றோலின் விலை 20 ரூபாவினாலும் அதிகரிக்கப்படுகிறது. LIOC இந்த மாதத்தில் இரண்டாவது தடவையாக எரிபொருள் விலையை அதிகரிக்கின்றது என்பது இங்கே குறிப்பிடத்தக்கது.

இருப்பினும், இலங்கை பெற்றோலியக் கூட்டுத்தாபனம் (CPC) எரிபொருள் விலை அதிகரிப்புத் தொடர்பாக இதுவரை எவ்வித அறித்தலையும் விடுக்கவில்லை.

The post இன்றுமுதல் பெற்றோல், டீசலின் விலையை அதிகரிக்கிறது LIOC appeared first on Puthinam NEWS புதினம் - Sri Lanka Tamil NEWS.