The post பள்ளிவாசல்களில் வாள்களை எடுப்பவர்களால் ஏன் ஆவா குழுவிடம் எடுக்க முடியாமாலுள்ளது? appeared first on Puthinam NEWS புதினம் - Sri Lanka Tamil NEWS.

இரண்டு மோட்டார் சைக்கிள்களில் வந்த நான்குபேர், வீட்டின் மீது பெற்றோல் குண்டு வீசியத்துடன், வீட்டில் நின்ற இரண்டு மோட்டார் சைக்கிள்களையும் தீக்கிரையாக்கிவிட்டு தப்பி சென்றுள்ளனர்.

யாழில் வாள்வெட்டுக் குழுக்களை கட்டுப்பாட்டிற்குள் கொண்டுவந்துவிட்டதாக வடமாகாண காவல்துறை மா அதிபர் ஊடகங்களுக்கு அறிவித்த 48 மணி நேரத்தில், இந்த சம்பவம் இடம்பெற்றுள்ளமை குறிப்பிடத்தக்கது.

The post உடுவிலில் வாள்வெட்டு கும்பல் அட்டகாசம், இரண்டு மோட்டார் சைக்கிள்கள் தீக்கிரை appeared first on Puthinam NEWS புதினம் - Sri Lanka Tamil NEWS.

சுமார் 30 மோட்டார் சைக்கிள்களில் வந்த 90 வரையிலான இளைஞர்களையே பொதுமக்கள் பிடிக்க முயன்றனர். இருப்பினும் 4 பேர் மட்டுமே பிடிபட்டுள்ளதுடன், 7 மோட்டார் சைக்கிள்களையும் பொது மக்கள் கைப்பற்றியுள்ளனர்.

பிடிபட்டவர்களையும், மோட்டார் சைக்கிள்களையும் மக்கள் யாழ் காவல்துறையினரிடம் ஒப்படைத்துள்ளனர்.

இங்கே கவனிக்கப்படவேண்டிய முக்கிய விடயம், 30 மோட்டார் சைக்கிள்களில்  90 பேர் வரையில், அதுவும் பட்டப்பகலில் ஒன்றாக வருகிறார்கள் என்றால், வாள்வெட்டுக் குழுவினர் அசாதாரண வளர்ச்சியடைந்துள்ளனர் என்றே புலப்படுகிறது.

இது தொடர்பாக காவல்துறையின் பாதுகாப்புடன் வலம் வரும் யாழ் பாராளுமன்ற உறுப்பினர்கள் என்ன செய்கிறார்கள் என்றே தெரியவில்லை!! 

சாதாரண பொதுமக்களால் எதுவும் செய்யமுடியாது என்ற அதீத நம்பிக்கையிலேயே, சில நூறு காவலிகளை இலங்கை புலனாய்வுப் பிரிவு யாழில் வளர்த்து வருகிறது.

The post கொக்குவிலில் 90 பேர் கொண்ட வாள்வெட்டுக்குழுவை சுற்றிவளைத்த பொதுமக்கள் appeared first on Puthinam NEWS புதினம் - Sri Lanka Tamil NEWS.

இதேவேளை மானிப்பாய் பிரதேச காவல்துறையினர், தென்மராட்சிப்பகுதியில் நடத்திய இரகசிய நடவடிக்கையில் எட்டுப்பேர் கைது செய்யப்பட்டிருந்தனர்.

இவர்களுக்கும், தென்மராட்சி காவல் நிலையத்தில் பணிபுரியும் மற்றும் பணிபுரிந்த சில காவல்துறை உறுப்பினர்களுக்கும் தொடர்பு இருப்பதாக மானிப்பாய் பிரதேச காவல்துறையினர் சந்தேகம் வெளியிட்டுள்ளனர்.

The post 22 வாள்வெட்டுக்குழு சந்தேக நபர்கள் கைது, காவல்துறையினருக்கும் தொடர்பாம் !! appeared first on Puthinam NEWS புதினம் - Sri Lanka Tamil NEWS.

மல்லாகம் பகுதியைச் சேர்ந்த பா.சுதர்சன் என்பவரே உயிரிழந்துள்ளார். மல்லாகம் நீதிமன்ற நீதிவான் ஜூட்சன் துப்பாக்கி சூடு நடத்திய காவல்துறை அதிகாரியை கைதுசெய்யுமாறு உத்தரவிட்டுள்ளார்.

இலங்கை காவல்துறையினரின் தகவல்படி, இரு குழுக்களுக்கிடையில் ஏற்பட்ட வாள்வெட்டு மோதல்களைத் தடுக்க முற்பட்டபோது, ஒருவர் காவல்துறையினரின் துப்பாக்கியை பறிக்க முயன்றதாகவும், அதன் பின்னரே துப்பாக்கி சூடு நடத்தப்பட்டதாகவும் தெரிவித்துள்ளனர்.

ஆனால் உள்ளூர் மக்களின் தகவலின்படி, போதையில் இருந்த காவல்துறை அதிகாரி ஒருவரே துப்பாக்கி சூடு மேற்கொண்டுள்ளார் எனவும், உயிரிழந்த இளைஞருக்கும் அந்த காவல்துறை அதிகாரிக்கும் முன்பகை இருந்ததாகவும் தெரிவிக்கின்றனர்.

இருப்பினும் சம்பவ இடத்தில் பதற்றம் நிலவியதால், மல்லாகம் நீதிமன்ற நீதிவான் ஜூட்சன் சம்பவ இடத்த்திற்குச் சென்று விசாரணைகளை மேற்கொண்டு, பதற்றத்தைத் தணித்தார்.

சம்பவம் தொடர்பாக முன்னுக்குப்பின் முரணான தகவல்கள் வந்துகொண்டிருக்கின்றது. கடந்த காலங்களில் மல்லாகம் பகுதியில் இரு குழுக்களுக்கிடையில் மோதல்கள் இடம்பெற்றுள்ளது. இருப்பினும் இலங்கை காவல்துறையினர் நடந்த சம்பவத்தை ஆவா குழுவுடன் தொடர்புபடுத்த முயற்சிப்பதாக அறியமுடிகிறது.

The post மல்லாகம் பகுதியில் காவல்துறையினர் துப்பாக்கி சூடு, ஒருவர் பலி appeared first on Puthinam NEWS புதினம் - Sri Lanka Tamil NEWS.

கடும் காயங்களிற்குள்ளான இருவரும் யாழ் போதனா வைத்தியசாலையில் அவ­சர சிகிச்­சைப் பிரி­வில் சேர்க்­கப்­பட்­டுள்­ள­னர்.

காவல்துறையினரின் தகவலின்படி, நான்கு ஈரு­ருளிகளில் (மோட்டார் சைக்கிளில்) வந்த எட்டு பேரே இந்த தாக்குதலை மேட்கொண்டுள்ளனர். ஆவா குழு உறுப்பினர் ஒருவருடன் வாய்த்தர்க்கத்தில் ஈடுபட்ட ஒருவரே தாக்குதலின் இலக்காக இருந்துள்ளார். இருப்பினும் கோயில் அருகே மாடு மேய்த்துக்கொண்டிருந்த ஒருவரும் வாள் வெட்டிற்கு இலக்காகியுள்ளார்.

யாழ் மாவட்டத்தில் இடம்பெறும் வாள் வெட்டு சம்பவங்களை காவல்துறையினர் தடுக்க முடியாமல் இருப்பது இன்னும் மர்மமாகவே உள்ளது.

The post நீர்­வேலியில் கோவி­ல் மண்­ட­பத்­தில் இருவர் மீது வாள்­வெட்டு appeared first on Puthinam NEWS புதினம் - Sri Lanka Tamil NEWS.

யாழ் குடாநாட்டில் இரவுவேளைகளில் பரவலாக இடம்பெறும் வாள்வெட்டுக்கள், வீதியால் செல்லும் பொதுமக்களை அச்சுறுத்தல், உடமைகளுக்கு சேதம் விளைவித்தல் போன்ற செயற்பாடுகள் மக்களை பெரும் அச்சத்திற்கு உள்ளாக்கியுள்ளது.

இங்கே அவதானிக்க வேண்டிய இரு முக்கிய விடயங்கள் என்னவெனில், ஓன்று, வாள் வெட்டுக்களில் ஈடுபடும் குழுவினர் கொள்ளைச் சம்பவங்களில் ஈடுபடுவதில்லை. இரண்டாவது, வாள் வெட்டுக்களால் உயிரிழப்பை ஏற்படுத்துவதில்லை. எனவே இவர்களின் நோக்கம் பணமோ, பொருளோ இல்லை என்பது தெளிவாகிறது. (கொள்ளைச் சம்பவங்களில்/களவுத் தொழில் ஈடுபடுபவர்கள் உடமைகளுக்கு சேதம் விளைவிப்பதில்லை)

குறித்த ஒரு பகுதியில் இவ்வாறான நிகழ்வுகள் நடைபெறுமாயின், அது அவ்வூர்க் காவாலிகளின் வேலை என்னும் முடிவிற்கு வரமுடியும். ஆனால் யாழ் குடாநாட்டில் வடமராட்சி, தென்மராட்சி, வலிகாமம் என பரவலாக எல்லாப் பகுதிகளிலும் இது நடைபெறுகின்றது. இவ்வாறு இளைஞர்கள் ஓன்று சேர்ந்து, அதுவும் இரவு வேளைகளில் நான்கு, ஐந்து மோட்டார் சைக்கிள்களில் நீண்ட வாள்களுடன் துணிவாக சென்று மோசமான செயல்களில் ஈடுபட அவர்களுக்கு எவ்வாறு துணிவு வந்தது? யார் அந்த துணிவைக்கொடுத்தது?

நீதித் துறையைச் சேர்ந்தவர்கள் காவல்துறைக்கு வழங்கிய உத்தரவுகளுக்கமைய, காவல்துறையினர் தாம் நடவடிக்கை எடுக்கிறோம், ரோந்து போகிறோம் எனக் கூறியும், வாள் வெட்டுக் குழுவின் அட்டகாசம் குறையவில்லை. ஆகவே சாதாரண பொது மக்களாக இருந்து யோசிக்கும்போது, காவல்துறையினரிலும் பார்க்க அதிகாரம் கூடிய ஒரு தரப்பினர் வாள் வெட்டுக் குழுவின் பின்னால் இருப்பது தெளிவாகப் புரிகின்றது.

அந்த அதிகாரம் கூடிய தரப்பினர் யார்? இராணுவப் புலனாய்வாளர்களா? அல்லது அரசியல்வாதிகளா? அல்லது இராணுவப் புலனாய்வாளர்களால் வழிநடத்தப்படும் அரசியல்வாதிகளா? சம்பந்தப்பட்டவர்களுக்கே வெளிச்சம். இந்த அதிகாரம் கூடிய தரப்பினரை கட்டுப்படுத்தும் அதிகாரம் நீதித்துறைக்கு இருக்கின்றதா என்பது கடவுளுக்கே வெளிச்சம்.

இவ்வாறான மோசமான செயல்களில் ஈடுபடும் இளைஞர்கள் பலர், எவ்வித பயமுமின்றி தாம் வாள்களுடன் நிற்கும் படங்களை முகநூலில் (Facebook) போட்டு வீர வசனம் (தூஷண வார்த்தைகளுடன்) கதைக்கின்றனர். இவற்றையெல்லாம் காவல்துறை கண்டுகொண்டதா எனத்தெரியவில்லை !

அண்மையில் காவல்துறையினர் வாள் வெட்டுக்களுடன் தொடர்புடையவர்கள் என பலரைக் கைது செய்திருந்தனர். இவர்களெல்லாம் யார்? எந்த குழுவைச் சேர்த்தவர்கள்? இவர்கள்தான் முக்கிய சூத்திரதாரிகளா? என்ற கேள்விகளுக்கு ஒழுங்கான பதில்கள் எதுவும் இல்லை.

இந்த கைது நடவடிக்கைளின்போது, காவல்துறையினர் வெளியிட்டிருந்த புகைப்படங்களில் காணப்பட்ட வாள்கள் துருப்பிடித்தவையாக இருந்தன. மேலும் வாள்வெட்டுச் சம்பவங்களுடன் முன்னாள் புலிகளுக்கும் தொடர்பு இருப்பதாகவும், வெளிநாடுகளில் இருந்து பணம் வருவதாகவும் செய்திகள் வெளியிடப்பட்டிருந்தன. இதிலிருந்து எப்படியான நாடகங்கள் பின்புலத்தில் போய்க்கொண்டிருக்கின்றது எனத் தெளிவாகப் புரிந்துகொள்ள முடிகிறது.

துரதிஷ்டவசமாக ஊடகங்களில் வாள்வெட்டுச் சம்பவங்கள் இடம்பெறும்போது முதலில் செய்திகள் வரும். பின்னர் காவல்துறையினர் வெளியிடும் அறிக்கை/கள், புகைப்படங்கள் தொடர்பான செய்திகள் வரும். இப்படியே செய்திகள் மட்டும் மாறி மாறி வருமேயொழிய, வாள்வெட்டுகளை கட்டுப்படுத்த எந்தவொரு ஒழுங்கான முடிவும் வராது என்பதே தற்போதைய நிஜமாகவுள்ளது.

• யாழ் குடாநாட்டில் 41பேர் கைது

jaffna sword attacks

The post யாழ் குடாநாடும், வாள் வெட்டுக்குழுக்களும் appeared first on Puthinam NEWS புதினம் - Sri Lanka Tamil NEWS.

நேற்று (16/12/17), மக்களை அச்சுறுத்தும் பாணியில் நான்கு மோட்டார் சைக்கிள்களில் வாள்களுடன் வந்த குழுவினரை, கோண்டாவில் பகுதி மக்கள் சுற்றி வளைத்து தாக்கியுள்ளனர். இதனை சற்றும் எதிர்பாராத வாள் வெட்டுக் குழுவினர் வாள்கள், ஒரு மோட்டார் சைக்கிள் என்பவற்றை போட்டுவிட்டு தப்பியோடியுள்ளனர்.

மீட்கப்பட்ட வாள்கள், மோட்டார் சைக்கிள் என்பவற்றை மக்கள் கோப்பாய் காவல் நிலையத்தில் கையளித்துள்ளனர்.jaffna sword gang kondavil

The post ​கோண்டாவிலில் வாள் வெட்டுக்குழுவைத் துரத்தியடித்த மக்கள் appeared first on Puthinam NEWS புதினம் - Sri Lanka Tamil NEWS.