Muslim Terrorists – Puthinam NEWS புதினம் – Sri Lanka Tamil NEWS

ஹம்பாந்தோட்டையில் ஏழு இஸ்லாமிய தற்கொலைதாரிகள் கைது

புதினம் — Wed, 08 May 2019 07:47:21 +0000

காத்தன்குடியைச் சேர்ந்த ஏழு இஸ்லாமிய தற்கொலைதாரிகள் ஹம்பாந்தோட்டையில் நேற்று முன்தினம் (06/05) கைதுசெய்யப்பட்டுள்ளனர்.

இவர்கள் தேசிய தௌஹீத் ஜமாத் அமைப்புடன் தொடர்புபட்டவர்கள் என தெரிவிக்கப்பட்டுள்ளது.

இவர்கள் நன்கு பயிற்றுவிக்கப்பட்ட தற்கொலை குண்டுதாரிகள் எனவும், நீண்டகாலம் ஹம்பாந்தோட்டையில் இரகசியமாக பயிற்சிகளை மேற்கொண்டுவந்துள்ளதாகவும் காவல்துறையினர் தெரிவித்துள்ளனர்.

– Daily Mirror

The post ஹம்பாந்தோட்டையில் ஏழு இஸ்லாமிய தற்கொலைதாரிகள் கைது appeared first on Puthinam NEWS புதினம் - Sri Lanka Tamil NEWS.

விசாரணைகளில் அக்கறை காட்டாத இலங்கை ஜனாதிபதி

புதினம் — Wed, 01 May 2019 23:43:12 +0000

இலங்கையில் இஸ்லாமிய பயங்கரவாதிகளினால் நடாத்தப்பட்ட தொடர் மனித வெடிகுண்டுத் தாக்குதல்கள் தொடர்பாக விசாரணை செய்ய தன்னால் அமைக்கப்பட்ட மூவர் கொண்ட குழு, தமது இடைக்கால அறிக்கையை நேற்று முன்தினம் (30/04) தன்னிடம் கையளித்துள்ளதாக ஜனாதிபதி நேற்று (01/04) தெரிவித்தார்.

இது தொடர்பாக ஜனைத்தபதி சட்டமா அதிபரை இன்று (02/04)சந்திக்கிறார். அதாவது இடைக்கால அறிக்கை கிடைத்து இரண்டு நாட்களின் பின் சந்திக்கிறார்.

உண்மையாக நாட்டில் அக்கறை உள்ள தலைவர் எனில் 30ம் திகதியே சட்டமா அதிபரை சந்தித்து ஆக்கபூர்வமான முடிவுகளை எடுத்திருக்கலாம். ஏனெனில் இந்த விடயம் மிக மிக அவசியமானது மட்டுமின்றி, இலங்கையின் எதிர்காலத்தையே நிர்ணயிக்கப்போகும் விடயமாகும்.

ஓர் இரவில் நாட்டின் பிரதமரையே சட்டத்திற்கு முரணாக பதவி விலக்கி அரசைக் கலைத்து, இன்னொரு பிரதமரை, அதுவும் தன்னுடைய அரசியல் எதிரியாக இருந்த ஒருவரை பிரதமராக்கிய ஜனாதிபதிக்கு, மனித வெடிகுண்டுத் தாக்குதல்கள் தொடர்பானா விசாரணை அறிக்கையை துரிதமாக ஆராய்வதில் என்ன தடை உள்ளது என்பதை யார் அறிவாரோ???

The post விசாரணைகளில் அக்கறை காட்டாத இலங்கை ஜனாதிபதி appeared first on Puthinam NEWS புதினம் - Sri Lanka Tamil NEWS.

இஸ்லாமிய மதவாத அமைப்புகளான NTJ மற்றும் JMI தடை செய்யப்பட்டது

புதினம் — Sun, 28 Apr 2019 08:59:58 +0000

இலங்கை ஜனாதிபதி தனக்குள்ள அதிகாரத்திற்கமைய இஸ்லாமிய மதவாத அமைப்புகளான NTJ மற்றும் JMIஐ இலங்கையில் தடை செய்துள்ளார்.

தேசிய தவ்ஹீத் ஜமாத் (NTJ) மற்றும் ஜமாத்தே மில்லது இப்ராஹிம் செய்லானி (JMI) ஆகிய இஸ்லாமிய மதவாத அமைப்புகளே தடை செய்யப்பட்டுள்ளதுடன், அவற்றின் சொத்துக்களையும் முடக்கும் நடவடிக்கைகள் மேற்கொள்ளப்பட்துள்ளது.

NTJ மற்றும் JMI ஆகிய அமைப்புக்கள் சர்வதேச இஸ்லாமிய பயங்கரவாத அமைப்பான IS உடனிணைந்து இலங்கையில் நடத்திய மனித வெடிகுண்டுத் தாக்குதலில் 259பேர் கொல்லப்பட்டதுடன், 520பேர் வரையில் காயமடைந்திருந்தமை குறிப்பிடத்தக்கது.

The post இஸ்லாமிய மதவாத அமைப்புகளான NTJ மற்றும் JMI தடை செய்யப்பட்டது appeared first on Puthinam NEWS புதினம் - Sri Lanka Tamil NEWS.

சாய்ந்தமருது முற்றுகையில் 6 சிறுவர்கள் உட்பட 15 பேர் உயிரிழப்பு, இருவர் தப்பியோட்டம்

புதினம் — Sat, 27 Apr 2019 06:03:11 +0000

கிழக்கு மாகாணம் சாய்ந்தமருது பிரதேசத்தில் இஸ்லாமிய பயங்கரவாதிகளின் மறைவிடமொன்றை விசேட அதிரடிப்படையினர் முற்றுகையிட்டபோது இருபகுதினருக்குமிடையில் துப்பாக்கி சமர் இடம்பெற்றதாகவும், அதனைத் தொடர்ந்து வீட்டினுள் இருந்தவர்கள் குண்டுகளை வெடிக்க வைத்ததாகவும் காவல்துறையினர் தெரிவிக்கின்றனர்.

இந்த சம்பவத்தில் 15 பேரின் உடல்கள் மீட்கப்பட்டுள்ளன. காவல்துறையினருக்கோ, விசேட அதிரடிப்படியினருக்கோ எவ்வித சேதங்களும் ஏற்படவில்லை என தெரிவிக்கப்பட்டுள்ளது.

குண்டு வெடிப்புகள் இடம்பெற்ற வீட்டினுள் மூன்று ஆண்கள் (தற்கொலைதாரிகள் என நம்பப்படுபவர்கள்), மூன்று பெண்கள் மற்றும் ஆறு சிறுவர்களின் சடலங்களையும், வீட்டின் வெளியே மூன்று ஆண்களின் சடலங்களையும் காவல்துறையினர் மீட்டு கல்முனை வைத்தியசாலையில் ஒப்படைத்துள்ளனர்.

The post சாய்ந்தமருது முற்றுகையில் 6 சிறுவர்கள் உட்பட 15 பேர் உயிரிழப்பு, இருவர் தப்பியோட்டம் appeared first on Puthinam NEWS புதினம் - Sri Lanka Tamil NEWS.