Earthquake – Puthinam NEWS புதினம் – Sri Lanka Tamil NEWS

சொலமன் தீவுகள் அருகே பாரிய நிலநடுக்கம்

புதினம் — Tue, 22 Nov 2022 03:39:07 +0000

சொலமன் தீவுகள் அருகே 7.0 மெக்னிடியூட் அளவிலான பாரிய பூகம்பம் ஏற்பட்டுள்ளதாக அமெரிக்காவின் புவியியல் ஆய்வு மையம் தெரிவித்துள்ளது.

10km ஆழத்தில் ஏற்பட்ட இந்த பூகம்பத்தால், சொலமன் தீவுகளில் 30cm தொடக்கம் ஒரு மீட்டர் வரையிலான சுனாமி அலைகள் உருவாகும் என எச்சரிக்கை விடுக்கப்பட்டுள்ளது.

மேலும் வனத்து மற்றும் பப்புவா நியுகினியா நாடுகளிலும் 30cm வரையிலான சுனாமி அலைகள் உருவாகலாம் எனவும் தெரிவிக்கப்பட்டுள்ளது.

The post சொலமன் தீவுகள் அருகே பாரிய நிலநடுக்கம் appeared first on Puthinam NEWS புதினம் - Sri Lanka Tamil NEWS.

இந்தோனேசியா பூகம்பம், 162 பேர் உயிரிழப்பு

புதினம் — Mon, 21 Nov 2022 23:11:32 +0000

இந்தோனேசியாவில் இடம்பெற்ற பூகம்பத்தில் இதுவரையில் 162பேர் உயிரிழந்துள்ளனர். 700 இற்கும் அதிகமானோர் காயமடைந்துள்ளனர்.

10km ஆழத்தில் 5.6 மெக்னிடியூட் எனும் அளவில் மேற்கு ஜாவா மாகாணத்தில் ஏற்பட்ட பூகம்பம், தலைநகர் ஜகார்த்தாவரை உணர முடிந்துள்ளது. பூகம்பத்தின் பின்னர் 25 இற்கும் மேற்பட்ட சிறிய நில அதிர்ச்சிகள் (aftershocks) உணரப்பட்டுள்ளன.

பூகம்பதினால் 13,000 இற்கும் மேற்பட்டோர் இடம்பெயர்ந்து பாதுகாப்பான பிரதேசங்களுக்கு நகர்ந்துள்ளதாக உள்ளூர் செய்திகள் தெரிவிக்கின்றன.

The post இந்தோனேசியா பூகம்பம், 162 பேர் உயிரிழப்பு appeared first on Puthinam NEWS புதினம் - Sri Lanka Tamil NEWS.

ஹெய்டி பூகம்பத்தால் உயிரிழந்தவர்களின் எண்ணிக்கை அதிகரிப்பு

புதினம் — Mon, 16 Aug 2021 22:44:26 +0000

கடந்த சனிக்கிழமை ஹெய்ட்டியில் இடம்பெற்ற பூகம்பத்தால் உயிரிழந்தவர்களின் எண்ணிக்கை 1,419 ஆக உயர்ந்துள்ளது. மேலும் பலர் கானாமல் போயுள்ளாதாக அஞ்சப்படுகின்றபோதிலும், சரியான எண்ணிக்கை இன்னும் தெரியாமலேயே உள்ளது.

7.2 மெக்னிடியூட் அளவில் பதிவான இந்த பாரிய பூகம்பத்தால் பல கட்டடங்கள் தரைமட்டமாகியுள்ளன. கட்டட இடிபாடுகளுக்குள் சிக்கியிருக்கும் மக்களை தேடும் பணிகள் தொடந்த வண்ணம் உள்ளன.

இதேவேளை வரும் திங்கட்கிழமை பருவகால புயல் ஒன்று ஹெய்ட்டியின் பூகம்பம் இடம்பெற்ற பகுதியைக் கடக்கவுள்ளது. இந்த புயல் ஏற்படுத்தும் வெள்ளத்தால், மீட்புப் பணிகள் பாரிய அளவில் பாதிக்கப்படுமென அஞ்சப்படுகிறது.

The post ஹெய்டி பூகம்பத்தால் உயிரிழந்தவர்களின் எண்ணிக்கை அதிகரிப்பு appeared first on Puthinam NEWS புதினம் - Sri Lanka Tamil NEWS.

ஹெய்ட்டியில் பாரிய பூகம்பம், 304பேர் உயிரிழப்பு

புதினம் — Sun, 15 Aug 2021 05:51:56 +0000

கரீபிய நாடான ஹெய்ட்டியில் இடம்பெற்ற பாரிய பூகம்பத்தில் இதுவரை 304பேர் உயிரிழந்துள்ளனர். மேலும் 1,800 பேருக்கும் அதிகமானோர் காயமடைந்துள்ளனர். உயிரிழந்தவர்களின் எண்ணிக்கை மேலும் அதிகரிக்குமென அஞ்சப்படுகிறது.

7.2 மக்னிடியூட் அளவில் பதிவான பூகம்பத்தால் பல பாரிய கட்டடங்கள் தரை மட்டமாகியுள்ளன. ஹெய்ட்டி அதிபர் மீட்புப் பணிகளை விரைவுபடுத்த நடவடிக்கைகளை மேற்கொண்டுள்ளார். இடிந்த கட்டிடங்களுக்குள் சிக்கியுள்ள மக்களை மீட்கும் பணிகள் கடும் சிரமங்களுக்கு மத்தியில் இடம்பெற்றுவருகிறது.

2010இல் ஹெய்ட்டியில் இடம்பெற்ற பூகம்பத்தில் 200,000 இற்கும் அதிகமான மக்கள் உயிரிழந்தமை குறிப்பிடத்தக்கது.

The post ஹெய்ட்டியில் பாரிய பூகம்பம், 304பேர் உயிரிழப்பு appeared first on Puthinam NEWS புதினம் - Sri Lanka Tamil NEWS.

இந்தோனேசியாவில் காணாமல் போயுள்ள 5000 பேர்

புதினம் — Tue, 09 Oct 2018 01:06:59 +0000

கடந்த மாதம் 29ம் திகதி (29/09) இந்தோனிசியாவில் ஏற்பட்ட பூகம்பம் மற்றும் சுனாமியால் இதுவரை

1900ற்கும் மேற்பட்டோர் உயிரிழந்துள்ளனர்.

5000 பேர் வரையில் காணாமல் போயுள்ளதாக தெரிவித்துள்ள இந்தோனேசிய அதிகாரிகள், உயிரிழப்புகளின் எண்ணிக்கை மேலும் அதிகரிக்க வாய்ப்புள்ளதாக தெரிவித்த்துள்ளனர்.

The post இந்தோனேசியாவில் காணாமல் போயுள்ள 5000 பேர் appeared first on Puthinam NEWS புதினம் - Sri Lanka Tamil NEWS.

இந்தோனேசியாவில் உயிரிழந்தோரின் எண்னிக்கை 832 ஆக உயர்வு

புதினம் — Sun, 30 Sep 2018 20:47:44 +0000

கடந்த வெள்ளியன்று (28/09) இந்தோனிசியாவில் இடம்பெற்ற பூகம்பம் மற்றும் சுனாமி அனர்த்தம் காரணமாக உயிரிழந்தோரின் எண்னிக்கை 832 ஆக உயர்ந்துள்ளது.

தேசிய அனர்த்த நிலைய அதிகாரி கருத்து தெரிவிக்கையில், 832 பேர் உயிரிழந்ததை உறுதி செய்துள்ளார். மேலும் பூகம்பத்தால் 6m (20 அடி) உயரம்வரை சுனாமி அலைகள் எழுந்ததாக குறிப்பிட்டார்.

இடர்களுக்கு மத்தியில் மீட்புப் பணிகள் இடம்பெற்று வரும் நிலையில், பல உடல்கள் இன்னும் வீதிகளில் சிதறிக்கிடப்பதுடன், காயப்பட்டவர்களுக்கு கூடாரங்களில் வைத்து சிகிச்சை அளிக்கப்பட்டு வருவதாக உள்ளூர் செய்திகள் தெரிவிக்கின்றன.

The post இந்தோனேசியாவில் உயிரிழந்தோரின் எண்னிக்கை 832 ஆக உயர்வு appeared first on Puthinam NEWS புதினம் - Sri Lanka Tamil NEWS.

இந்தோனேசிய நிலநடுக்கம், சுனாமி அனர்த்தத்தால் 384 பேர் உயிரிழப்பு

புதினம் — Sat, 29 Sep 2018 13:14:38 +0000

இந்தோனேசியாவில் நேற்று (28/09) ஏற்பட்ட நிலநடுக்கம் மற்றும் சுனாமி அனர்த்தத்தால் இதுவரையில் 384 பேர் உயிரிழந்துள்ளனர்.

உயிரிழந்தவர்களின் எண்ணிக்கை இன்னும் அதிகரிக்கலாம் என அஞ்சப்படுகிறது.

தகவல் தொடர்புகள் துண்டிக்கப்பட்டுள்ளதால் முழுமையான இழப்புகள் இன்னும் வெளிவரவில்லை.

The post இந்தோனேசிய நிலநடுக்கம், சுனாமி அனர்த்தத்தால் 384 பேர் உயிரிழப்பு appeared first on Puthinam NEWS புதினம் - Sri Lanka Tamil NEWS.

இந்தோனேசிய தீவில் நிலநடுக்கம், சுனாமி

புதினம் — Sat, 29 Sep 2018 00:52:11 +0000

இந்தோனேசியாவின் சுலாவெசி தீவில் ஏற்பட்ட பாரிய நிலநடுக்கத்தால் சுனாமி ஏற்பட்டது.

7.5 ரிக்டர் அளவில் பதிவான நிலநடுக்கத்தால் பல கட்டடங்கள் இடிந்து விழுந்துள்ளன. ஒருவர் உயிரிழந்துள்ளார்.

சுனாமி எச்சரிக்கை விடுக்கப்பட்டு, மீளப்பெறப்பட்ட பின்னர் 3m உயர்த்திலான அலைகளுடன் சுனாமி தாக்கியுள்ளது. இருப்பினும் பாரிய உயிர்ச் சேதங்கள் எதுவும் ஏற்படவில்லை என ஆரம்ப கட்ட அறிக்கைகள் தெரிவிக்கின்றன.

Breaking: Tsunami hits Palu, Indonesia after massive 7.7 earthquake. Major damage is being reported. pic.twitter.com/nRvge2mKy2

— PM Breaking News (@PMBreakingNews) September 28, 2018

The post இந்தோனேசிய தீவில் நிலநடுக்கம், சுனாமி appeared first on Puthinam NEWS புதினம் - Sri Lanka Tamil NEWS.

இந்தோனேசிய நிலநடுக்கத்தில் 82 பேர் உயிரிழப்பு

புதினம் — Mon, 06 Aug 2018 00:17:59 +0000

இந்தோனேசியாவின் பாலி மற்றும் லொம்பொக் ஆகிய தீவுகளில் இடம்பெற்ற நிலநடுக்கத்தில் இதுவரையில் 82 பேர் உயிரிழந்துள்ளனர். பலர் காயமடைந்துள்ளனர்.

6.9-magnitude அளவில் இடம்பெற்ற இந்த பூகம்பத்தால், ஆரம்பத்தில் சுனாமி எச்சரிக்கை விடுக்கப்பட்டிருந்தபோதும், பின்னர் அது நீக்கப்பட்டது.

2004ம் ஆண்டு இந்தோனேசியாவின் சுமாத்திரா தீவில் 9.1-magnitude அளவில் இடம்பெற்ற பாரிய பூகம்பத்தால் உருவான சுனாமியால், இலங்கை உட்பட பல்வேறு நாடுகளில் 230,000 இற்கும் மேற்றப்பட்ட மக்கள் உயிரிழந்தார்கள் என்பது குறிப்பிடத்தக்கது.

The post இந்தோனேசிய நிலநடுக்கத்தில் 82 பேர் உயிரிழப்பு appeared first on Puthinam NEWS புதினம் - Sri Lanka Tamil NEWS.

தைவானில் நிலநடுக்கம் இருவர் பலி 100 பேர் காயம்

புதினம் — Tue, 06 Feb 2018 20:01:04 +0000

தைவானில் 6.4 மக்னிடியூட் அளவிலான நிலநடுக்கத்தால், ஆரம்ப அறிக்கையின்படி இருவர் உயிரிழந்துள்ளதுடன் 100ற்கும் அதிகமானோர் காயப்பட்டுள்ளனர்.

The post தைவானில் நிலநடுக்கம் இருவர் பலி 100 பேர் காயம் appeared first on Puthinam NEWS புதினம் - Sri Lanka Tamil NEWS.