United States – Puthinam NEWS புதினம் – Sri Lanka Tamil NEWS

அமெரிக்க இராஜாங்கச் செயலாளர் இலங்கை வந்தடைந்தார்

புதினம் — Wed, 28 Oct 2020 00:39:43 +0000

அமெரிக்காவின் இராஜாங்கச் செயலாளர் மைக் பொம்பியோ இலங்கை வந்தடைந்தார். இரண்டு நாள் உத்தியோகபூர்வ விஜயமொன்றை மேற்கொண்டுள்ள பொம்பியோ, இன்று (28/10) இலங்கை ஜனாதிபதி மற்றும் பிரதமர் ஆகியோரைச் சந்திக்கவுள்ளார்.

சீனாவின் முழு ஆசீர்வாதம் பெற்ற மகிந்த குடும்பம் இலங்கையை ஆண்டு வரும் தற்போதைய நிலையில், அமெரிக்க இராஜாங்கச் செயலாளரின் வியஜம் மிக மிக முக்கியத்துவம் வாய்ந்ததாகக் கருதப்படுகிறது.

மேலும் பொம்பியோவின் இந்திய, இலங்கை விஜயம் சீனா மற்றும் தென்னிலங்கை சிங்கள கடும்போக்காளர்களை கடும் சீற்றத்திற்கு உள்ளாக்கியுள்ளது. இலங்கைக்கான சீன தூதரகம் வெளிப்படையாகவே தனது ஆதங்கத்தை சமூக வலைத்தளங்களில் வெளிப்படுத்தியுள்ளது.

மேலும் சீன உயர் மட்டத்தினரின் இலங்கை விஜயத்தின்போது அமைதியாக இருந்த ஜே.வி.பி, பொம்பியோவின் விஜயத்தை எதிர்த்து ஆர்ப்பாட்டம் மேற்கொள்ளவுள்ளதாகத் தெரிவித்துள்ளது. தென்னிலங்கை சிங்கள மற்றும் ஆங்கில ஊடகங்கள் ஏற்கனவே பொம்பியோவின் விஜயம் தொடர்பான எதிர் மாறான செய்திகளையே மக்களிடம் பரப்பிவருகின்றன.

மெது மெதுவாக சீனாவின் காலணித்துவ நாடாக மாறி வருகின்ற இலங்கையில், ஏறக்குறைய 200,000 இற்கும் அதிகமான சீனப் பிரஜைகள் இருப்பதாக உத்தியோகபூர்வமற்ற செய்திகள் தெரிவிக்கின்றன.

The post அமெரிக்க இராஜாங்கச் செயலாளர் இலங்கை வந்தடைந்தார் appeared first on Puthinam NEWS புதினம் - Sri Lanka Tamil NEWS.

அமெரிக்காவில் துப்பாக்கி சூடு, 11 பேர் உயிரிழப்பு

புதினம் — Sat, 27 Oct 2018 22:34:36 +0000

அமெரிக்க பென்சில்வேனிய மாநிலத்தின் பிட்ஸ்பே நகரில் யூதர்களின் வழிபாட்டு ஸ்தலத்தில் இடம்பெற்ற துப்பாக்கி சூட்டில் 11 பேர் உயிரிழந்ததுடன், ஆறு பேர் காயமடைந்துள்ளனர்.

யூதர்களுக்கு எதிரான மனப்பாங்குடைய 46 வயதான ரொபேர்ட் பௌவேர்ஸ் என்பவரே துப்பாக்கிச் சூடு நடத்தியுள்ளார் என அதிகாரிகள் தெரிவித்துள்ளார்.

The post அமெரிக்காவில் துப்பாக்கி சூடு, 11 பேர் உயிரிழப்பு appeared first on Puthinam NEWS புதினம் - Sri Lanka Tamil NEWS.

இலங்கை அரசியல் யாப்பினை பின்பற்ற வேண்டும் – அமெரிக்கா

புதினம் — Fri, 26 Oct 2018 21:12:33 +0000

மஹிந்த ராஜபக்ச பிரதமராக பதவியேற்ற பின்னர் இலங்கையில் ஏற்பட்டுள்ள அசாதாரண நிலை தொடர்பாக அமெரிக்கா அறிக்கை வெளியிட்டுள்ளது.

இலங்கையில் ஏற்பட்டுள்ள அசாதாரண நிலையை தாம் உன்னிப்பாக அவதானிப்பதாக அமெரிக்கா தெரிவித்துள்ளது.

மேலும் இலங்கை, அரசியல் யாப்பினைப் பின்பற்றி வன்முறைகளைத் தவிர்தது , ஜெனிவாவிற்கு கொடுத்த வாக்குறுதிகளின்படி, மனித உரிமைகள், மறுசீரமைப்பு, பொறுப்புக்கூறல் என்பவற்றுடன் நீதியை நிலை நாட்ட வேண்டுமென குறிப்பிட்டுளள்து.

The US is following events in #SriLanka. We call on all parties to act in accordance with SL’s constitution, refrain from violence, and follow due process. We expect gov of SL to uphold its Geneva commitments to human rights, reform, accountability, justice, and reconciliation.

— State_SCA (@State_SCA) October 26, 2018

The post இலங்கை அரசியல் யாப்பினை பின்பற்ற வேண்டும் – அமெரிக்கா appeared first on Puthinam NEWS புதினம் - Sri Lanka Tamil NEWS.