drug – Puthinam NEWS புதினம் – Sri Lanka Tamil NEWS

யாழில் 2,200 இற்கும் மேற்பட்ட போதை மாத்திரைகள் பறிமுதல்

புதினம் — Wed, 23 Oct 2024 23:49:56 +0000

யாழ் மாவட்டத்தில் போதை மாத்திரைகளின் பாவனை மிக வேகமான அதிகரித்துள்ளது. கடந்த இரண்டு நாட்களில் மானிப்பாய் மற்றும் ஏழாலை பகுதிகளில் 2,200 இற்கும் மேற்பட்ட போதை மாத்திரைகளை காவல்துறையினர் கைப்பற்றியுள்ளனர்.

மானிப்பாயில் 1,400 மாத்திரைகளுடன் ஒருவரும், ஏழாலையில் 840 மாத்திரைகளுடன் ஒருவரும் கைது செய்யப்பட்டுள்ளனர்.

பாடசாலை மாணவரிடையே போதை மாத்திரை பாவனை அதிகரித்துள்ளமையானது அவர்களது கல்வி நடவடிக்கைகளை பாரதூரமாக பாதித்துள்ளமையும் குறிப்பிடத்தக்கது.

குற்றச் செயல்களை தடுக்க மக்கள் 1917 மற்றும் 1997 போன்ற இலக்கங்களுடன் தொடர்பு கொள்ள முடியும்

The post யாழில் 2,200 இற்கும் மேற்பட்ட போதை மாத்திரைகள் பறிமுதல் appeared first on Puthinam NEWS புதினம் - Sri Lanka Tamil NEWS.

யாழில் ஹெரோயின் பாவனையால் ஒருவர் உயிரிழப்பு

புதினம் — Thu, 19 Jan 2023 23:58:27 +0000

தொடர்ச்சியான ஹெரோயின் போதைப்பொருள் பாவனையின் காரணமாக குடும்பஸ்தர் ஒருவர் உயிரிழந்துள்ளார்.

யாழ்ப்பாணம் கொடிகாமம் பிரதேசத்தைச் சேர்ந்த ஒருவர் இரண்டு பிள்ளைகளின் தந்தையான 37 வயதுடைய குடும்பஸ்தர் ஒருவரே போதைப்பொருள் பாவனைக்கு அடிமையாகி உயிரிழந்துள்ளார்.

தமிழர் தாயகப் பகுதிகளில் திட்டமிட்ட வகையில் போதைப்பொருள் விநியோகங்கள் இடம்பெற்று வருகின்றமை கண்கூடு.

தமிழர் தாயகப் பகுதியில் போதைப்பொருள் பாவனையால் ஏற்படும் ஆபத்தை பற்றிய விழிப்புணர்வு மிக மிகக் குறைவு. சில சமூக அமைப்புகள் விழிப்புணர்வு நடவடிக்கைகளை மேற்கொள்கின்றபோதிலும், பல சமூக அமைப்புகள் அச்சம் காரணமாக விழிப்புணர்வு நடவடிக்கைகளை மேற்கொள்ள தயங்குகின்றன.

திட்டமிட்ட போதைப்பொருள் விநியோகங்களுக்கு எதிராக, உரிய அரச அதிகாரிகளோ, மக்களால் தெரிவு செய்யப்பட்ட பாராளுமன்ற உறுப்பினர்களோ, வட மாகாண ஆளுநரோ எவருமே இதுவரை எவ்வித உருப்படியான நடவடிக்கைகளையும் மேற்கொள்ளவில்லை என்பதும் இங்கே குறிப்பிடத்தக்கது.

The post யாழில் ஹெரோயின் பாவனையால் ஒருவர் உயிரிழப்பு appeared first on Puthinam NEWS புதினம் - Sri Lanka Tamil NEWS.

யாழ் குப்பிளானில் ஹெரோயின் போதைப் பொருளுடன் பெண் கைது

புதினம் — Sat, 10 Dec 2022 00:56:35 +0000

யாழ்ப்பாணம் குப்பிளான் கிராமத்தில் பெண் ஒருவர் ஹெரோயின் போதைப்பொருளுடன் கைது செய்யப்பட்டுள்ளார்.

யாழ் மாவட்ட போதைப்பொருள் தடுப்புப் பிரிவினரால் கைது செய்யப்பட்ட 38 வயதான பெண்ணிடமிருந்து 130g ஹெரோயின் போதைப்பொருள் கைப்பற்றப்பட்டுள்ளது.

மேலதிக விசாரணைகளுக்காக கைது செய்யப்பட்ட பெண்ணையும், கைப்பற்றப்பட்ட போதைப்பொருளையும் சுன்னாகம் காவல்துறையினரிடம் யாழ் மாவட்ட போதைப்பொருள் தடுப்புப் பிரிவினர் ஒப்படைத்துள்ளனர்.

வடக்கு மாகாணத்தில் இளைஞர்கள் மத்தியில் திட்டமிட்ட வகையில் போதைப்பொருள் பாவனை பரப்பப்பட்டு வருவதாக மக்கள் ஆதங்கப்படுகின்றபோதிலும், எவ்வித நடவடிக்கைகளையும் மேற்கொள்ள முடியாத நிலையில் மக்கள் உள்ளனர்.

The post யாழ் குப்பிளானில் ஹெரோயின் போதைப் பொருளுடன் பெண் கைது appeared first on Puthinam NEWS புதினம் - Sri Lanka Tamil NEWS.

இந்த ஆண்டி ல் இதுவரை 2 மெற்றிக் தொன் போதைப்பொருள் மீட்பு

புதினம் — Sun, 13 Nov 2022 09:21:12 +0000

இலங்கையில் இந்த ஆண்டில் இதுவரை சுமார் இரண்டு மெற்றிக் தொன் போதைப்பொருட்கள் மீட்கப்பட்டுள்ளதாக இலங்கை போதைப்பொருள் ஒழிப்பு அதிகாரிகள் தெரிவித்துள்ளனர்.

39,671 சுற்றிவளைப்புகள் மற்றும் தேடுதல்களில் சுமார் 39,428 பேர் கைது செய்யப்பட்டுள்ளனர். இதில் 1,290 பாடசாலை மாணவர்கள் மற்றும் 6,345 பெண்களும் உள்ளடங்குவர்.

இலங்கையில் பல அரசியல்வாதிகள் போதைப் பொருள் வர்த்தகத்தில் மறைமுகமாக ஈடுபட்டுள்ளனர். இலங்கையின் பல பகுதிகளில் போதைப்பொருள் வர்த்தக முரண்பாடுகள் காரணமாக, கடந்த சில மாதங்களில் பல தொடர் துப்பாக்கிச் சூட்டு சம்பவங்கள் பட்டப்பகலிலேயே இடம்பெற்றிருந்தமையும் இங்கே குறிப்பிடத்தக்கது.

The post இந்த ஆண்டி ல் இதுவரை 2 மெற்றிக் தொன் போதைப்பொருள் மீட்பு appeared first on Puthinam NEWS புதினம் - Sri Lanka Tamil NEWS.

ஹம்பாந்தோட்டை கடலில் 300kg ஹெரோயின் மீட்பு

புதினம் — Mon, 07 Nov 2022 05:37:18 +0000

ஹம்பாந்தோட்டைக்கு அப்பாற்பட்ட கடலில் இலங்கை கடற்படையினர், போதைப் பொருள் தடுப்புப் பிரிவினர் மற்றும் விசேட அதிரடிப்படையினர் மேற்கொண்ட கூட்டு நடவடிக்கையில் 300kg ஹெரோயின் போதைப் பொருள் கைப்பற்றப்பட்டுள்ளது.

மீன்பிடிப் படகுகள் மற்றும் டிங்கி வகைப் படகுகள் என்பவற்றிலிருந்தே இருந்தே மேற்படி போதைப் பொருட்கள் மீட்கப்பட்டுள்ளது.

சர்வதேச போதைப்பொருள் வியாபரிகளினால் ஆழ்கடலில் வைத்து கைமாறப்பட்டதாக சந்தேகிக்கப்படும் 300kg போதைப் பொருட்களை கடத்தல்காரர்கள் நாட்டிற்குள் கொண்டுவருவதற்கு முன்னரே இலங்கை அதிகாரிகள் தடுத்துள்ளனர்.

Update : மேற்படி ஹெரோயின் போதைப்பொருள் கடத்தல் தொடர்பாக இதுவரை 10 பேர் கைது செய்யப்பட்டுள்ளனர். மேலும் இந்த போதைப் பொருளின் பெறுமதி 600 கோடிக்கும் ரூபாய்க்கும் அதிகம் எனவும் தெரிவிக்கப்பட்டுள்ளது.

The post ஹம்பாந்தோட்டை கடலில் 300kg ஹெரோயின் மீட்பு appeared first on Puthinam NEWS புதினம் - Sri Lanka Tamil NEWS.

ஹப்புத்தளையில் களியாட்டம், 58 பேர் கைது

புதினம் — Mon, 29 Oct 2018 00:27:51 +0000

ஹப்புத்தளை விகாரகல பகுதியில் களியாட்ட நிகழ்வொன்றில் போதைப் பொருள் பாவனை செய்த 58 பேர் கைது செய்யப்பட்டுள்ளனர்.

முகநூல் மூலம் ஒழுங்கு செய்யப்பட்ட களியாட்டத்திலேயே ஹெரோயின், போதை மாத்திரை மற்றும் கஞ்சா போன்ற போதைப் பொருள் பாவனை இடம்பெற்றுள்ளது.

கைது செய்யப்பட்ட 58 பேரில் ஒருவர் பெண் என்பது குறிப்பிடத்தக்கது.

The post ஹப்புத்தளையில் களியாட்டம், 58 பேர் கைது appeared first on Puthinam NEWS புதினம் - Sri Lanka Tamil NEWS.

மெக்சிகோவில் 12 வருடங்களில் 2 லட்சம் பேர் கொலை

புதினம் — Sat, 08 Sep 2018 00:44:26 +0000

போதைப் பொருள் வர்த்தகத்தின் போட்டி காரணமாக மெக்ஸிகோவில் மக்கள் கொத்துக் கொத்தாக கொல்லப்படுகின்றனர்.

நேற்று மெக்சிகோவின் வெராகர்ஸ் மாகாணத்தில் இருந்த புதைகுழியில் 168 மண்டை ஓடுகள் கண்டுபிடிக்கப்பட்டன. கடந்த வருடம் இன்னொரு புதைகுழியில் 250 மண்டை ஓடுகள் கண்டுபிடிக்கப்பட்டன.

இது தொடர்பாக கருத்து தெரிவித்த ஒரு அதிகாரி, “இவ்வாறு இடம்பெறும் பெரும் கொலைகளால் மெக்சிகோ நாடே சுடுகாடாக மாறி வருகிறது” என்றார்.

கடந்த வருடம் (2017) 40,000 பேர் வரையில் காணாமல் போயிருந்தனர். இதில் 30,000 பேர் கொல்லப்பட்டிருக்கலாம் எனக் கருதப்படுகிறது.

கடந்த 2006 முதல் இதுவரை 2 லட்சம் பேர் போதைப் பொருள் கடத்தல் மற்றும் வியாபாரப் போட்டி காரணமாக கொல்லப்பட்டுள்ளனர் என செய்திகள் தெரிவிக்கின்றன!

The post மெக்சிகோவில் 12 வருடங்களில் 2 லட்சம் பேர் கொலை appeared first on Puthinam NEWS புதினம் - Sri Lanka Tamil NEWS.

1200kg போதைவஸ்தைக் கைப்பற்றிய ஆஸ்திரேலியா காவல்துறை

புதினம் — Fri, 22 Dec 2017 07:57:47 +0000

மேற்கு ஆஸ்திரேலிய மாநிலத்தில் ஜெரால்டோன் நகருக்கு அண்மையில் படகு மூலம் கொண்டுவரப்பட்ட 1200kg நிறையுடைய மெத்தம்பெட்டமைன் (methamphetamine) வகை போதைவஸ்தை காவல்துறையினர் கைப்பற்றியுள்ளனர்.

கடத்தலுடன் தொடர்புடைய எட்டு பேர் கைது செய்யப்பட்டுள்ளனர். பறிமுதல் செய்யப்பட்ட போதைவஸ்த்தின் பெறுமதி ஆஸ்திரேலிய டொலர்களில் 1.04 பில்லியன் ஆகும்.

(படம் : AFP/twitter)

ஆஸ்திரேலியா நாட்டில் இதுவரை கைப்பற்றிய மெத்தம்பெட்டமைன் வகை போதைவஸ்தில், இதுவே நிறை கூடியதாகும். இந்த வருட முற்பகுதியில் மெல்பேர்ன் நகரில் 903kg மெத்தம்பெட்டமைன் போதைவஸ்தை காவல்துறையினர் கைப்பற்றிருந்தமை குறிப்பிடத்தக்கது.

The post 1200kg போதைவஸ்தைக் கைப்பற்றிய ஆஸ்திரேலியா காவல்துறை appeared first on Puthinam NEWS புதினம் - Sri Lanka Tamil NEWS.