20th Amendment – Puthinam NEWS புதினம் – Sri Lanka Tamil NEWS

ஜனாதிபதி பதவி விலகுவதே ஒரே ஒரு தீர்வு – சுமந்திரன்

புதினம் — Wed, 20 Apr 2022 22:04:36 +0000

நாட்டில் ஏற்பட்டுள்ள தற்போதைய நிலைமையைக் கட்டுப்படுத்த, ஜனாதிபதி கோத்தபாய ராஜபக்ச தனது பதவியை இராஜினாமா செய்வதே ஒரே ஒரு சிறந்த தீர்வு என தமிழ்த் தேசியக் கூட்டமைப்பின் பாராளுமன்ற உறுப்பினர் சுமந்திரன் பிரதமர் மகிந்த ராஜபக்சவிடம் நேரடியாகவே தெரிவித்துள்ளார்.

நேற்று(20/04/22) இரவு பிரதமரின் அழைப்பின் பெயரில் அலரிமாளிகை சென்ற சுமந்திரன் அவர்களுக்கும், பிரதமருக்கும் இடையே முக்கிய கலந்துரையாடல் ஒன்று இடம்பெற்றுள்ளது. இதன்போது நிறைவேற்று ஜனாதிபதி முறையை அகற்றுதல், அரசியலமைப்பின் 21வது திருத்தம் மற்றும் நடப்பு நிகழ்வுகள் சம்பந்தமாக இருவரும் கலந்துரையாடியுள்ளனர்.

பிரதமருடனான சந்திப்புத் தொடர்பாக பாராளுமன்ற உறுப்பினர் சுமந்திரன், இலங்கையின் பிரபல பத்திரிகை வீரகேசரிக்கு வழங்கிய முழுமையான தகவல்களை பார்வையிட இங்கே அழுத்தவும்.

The post ஜனாதிபதி பதவி விலகுவதே ஒரே ஒரு தீர்வு – சுமந்திரன் appeared first on Puthinam NEWS புதினம் - Sri Lanka Tamil NEWS.

20வது அரசியலமைப்பு திருத்தம் நிறைவேற்றம்

புதினம் — Thu, 22 Oct 2020 22:58:58 +0000

இலங்கை ஜனாதிபதியின் நிறைவேற்று அதிகாரத்தினைப் பலப்படுத்தும் வகையில் உருவாக்கப்பட்ட 20வது அரசியலமைப்பு திருத்தம் எதிர்பார்த்தைப்போலவே பெரும்பான்மை பலத்துடன் நிறைவேற்றப்பட்டுள்ளது.
திருத்தத்திற்கு ஆதரவாக 156 வாக்குகளும், எதிராக 65 வாக்குகளும் அளிகப்பட்டிருந்தன.

வரும் காலங்களில் இலங்கையின் அரசியல் களத்தில் பல கடும்போக்கான நிகழ்வுகளை எதிர்பார்க்க முடியும். இதேவேளை அராசாங்கத்திற்குள்ளேயும் சில முரண்பாடுகளை எதிர்பார்க்கலாம் என அரசியல் ஆய்வாளர்கள் எதிர்வுகூறியுள்ளனர்.

The post 20வது அரசியலமைப்பு திருத்தம் நிறைவேற்றம் appeared first on Puthinam NEWS புதினம் - Sri Lanka Tamil NEWS.

ஜனாதிபதியின் அதிகாரங்களை வலுவூட்டும் 20வது திருத்தம்

புதினம் — Fri, 04 Sep 2020 06:40:38 +0000

இலங்கையில் ஜனாதிபதியின் அதிகாரங்களை பலப்படுத்தும் வகையில் 20வது திருத்தச் சட்டம் உருவாக்கப்பட்டுள்ளது. அதாவது, ஜனநாயக நாட்டில் தேர்தல் மூலம் மக்களினால் தெரிவு செய்யப்படும் ஜனாதிபதி, சர்வாதிகாரமிக்க ஜனாதிபதியாக மாறுவதற்க்கு 20வது திருத்தச் சட்டம் இடமளிக்கப்போகின்றது.

குறிப்பாக பின்வரும் திருத்தங்கள் இலங்கையின் ஜனநாயகத்தைக் கேள்விக்குறியாக்குவதாக அமையப்பெற்றுள்ளன,
– நாடாளுமன்றத்தை ஒரு வருட காலத்தில் கலைக்க முடியும்
– ஜனாதிபதிக்கெதிராக எவரும் வழக்குத் தாக்கல் செய்ய முடியாது.
– பிரதமரை நியமிக்கும் அதிகாரம்
– பிரதம நீதியரசர், உயர் நீதிமன்ற நீதியரசர்கள் மற்றும் சட்டமா அதிபரை நியமிக்கும் அதிகாரம்
– இரட்டைக் குடியுரிமையுள்ளோர் தேர்தலில் போட்டியிடலாம்

மக்கள் மூலம் தெரிவு செய்யப்பட்ட நாடாளுமன்றத்தை, ஒரு வருடத்தில் ஜனாதிபதியினால் கலைக்கமுடியுமாயின், அந்த நாடு ஜனநாயக நாடாக இருக்க வாய்ப்பில்லை. நீதித் துறையிலும் ஜனாதிபதியின் அதிகாரங்கள் பிரயோகிக்கப்படுமாயின், ஒருபோதும் நீதியினை எதிர்பார்க்க முடியாது.

20வது திருத்தச் சட்டம் ஜனாதிபதியின் அதிகாரங்களை மிகவும் பலப்படுத்துவது மட்டுமன்றி, ராஜபக்ச குடும்பத்தினை முழுமையாகப் பாதுகாக்கும் வகையில் தயாரிக்கப்பட்டுள்ளது என்பது வெளிப்படையாகவே தெரிகிறது.

The post ஜனாதிபதியின் அதிகாரங்களை வலுவூட்டும் 20வது திருத்தம் appeared first on Puthinam NEWS புதினம் - Sri Lanka Tamil NEWS.