Volodymyr Zelenskyy – Puthinam NEWS புதினம் – Sri Lanka Tamil NEWS

இங்கிலாந்து பிரதமர் உக்ரேனுக்கு விஜயம் 🎥

புதினம் — Sun, 10 Apr 2022 00:09:46 +0000

இங்கிலாந்து பிரதமர் பொரிஸ் ஜோன்ஸன் போர் இடம்பெறும் உக்ரேனுக்கு அதிரடி விஜயம் மேற்கொண்டார்.

உக்ரேன் தலைநகர் கிய்வில் பிரதமர் ஸெலென்ஸ்கியுடன் சந்திப்பையும் மேற்கொண்டு, பாதிக்கப்பட்ட சில இடங்களையும் பார்வையிட்டார்.

தனது விஜயம் தொடர்பாக கருத்துத் தெரிவித்த பொரிஸ் ஜோன்ஸன், இந்த விஜயம் உக்ரேனிய மக்களுக்கான எமது ஆதரவைக் காட்டுவதாக அமைகின்றது. மேலும் உக்ரேனிய பிரதமர் ஸெலென்ஸ்கி ஒரு சிங்கத்தைப் போல துணிவு உடையவர் எனவும் பாராட்டியுள்ளார்.

The post இங்கிலாந்து பிரதமர் உக்ரேனுக்கு விஜயம் 🎥 appeared first on Puthinam NEWS புதினம் - Sri Lanka Tamil NEWS.

1,300 உக்ரேனியப் படையினர் உயிரிழப்பு – உக்ரைன் ஜனாதிபதி

புதினம் — Sat, 12 Mar 2022 23:38:52 +0000

ரஷ்ய ஆக்கிரமிப்பு தொடங்கிய நாளிலிருந்து இதுவரை 1,300 உக்ரேனியப் படையினர் உயிரிழந்துள்ளதாக உக்ரைன் ஜனாதிபதி தெரிவித்துள்ளார். இதேவேளை இதுவரையில் 500 – 600 ரஷ்யப் படைகள் சரணடைந்துள்ளதாகவும் அவர் மேலும் தெரிவித்துள்ளார்.

தலைநகர் கிய்விலிருந்து 25km தூரத்தில் நிலைகொண்டுள்ள ரஷ்யப் படையினர், தமது பாரிய இராணுவ வாகன தொடரணியில் சில மாற்றங்களைச் செய்து, தலைநகரைக் கைப்பற்றும் போருக்கான ஆயத்தங்களை மேற்கொண்டு வருவதாகவும், அதனை எதிர்கொள்ள உக்ரேனியப் படையினரும் தலைநகரைச் சுற்றி புதிய வியூகங்களை அமைத்துள்ளதாகவும் மேற்குலக ஊடகங்கள் தெரிவிக்கின்றன.

எவ்வேளையிலும் உக்ரேனின் தலைநகரைக் கைப்பற்றுவதற்கான கடும் சண்டை இடம்பெறலாம் என எதிர்பார்க்கப்படுகிறது. இதுவரை இடம்பெற்ற மோதல்களை விட, இனிமேல் இடம்பெறவுள்ள மோதல்கள் மிக மிகக் கடுமையாக இருக்குமெனவும் எதிர்பார்க்கப்படுகிறது.

The post 1,300 உக்ரேனியப் படையினர் உயிரிழப்பு – உக்ரைன் ஜனாதிபதி appeared first on Puthinam NEWS புதினம் - Sri Lanka Tamil NEWS.

உக்ரேனிய ஜனாதிபதியுடன் அமெரிக்கா தொடர்ந்தும் தொடர்பில்

புதினம் — Tue, 01 Mar 2022 22:33:43 +0000

உக்ரேனிய ஜனாதிபதி வொலொடிமெர் ஸெலென்ஸ்கியுடன் அமெரிக்கா தொடர்ந்தும் தொடர்பில் உள்ளதக CNN தகவல் வெளியிட்டுள்ளது.

ரஷ்ய ஆக்கிரமிப்பிற்கு முன்னரே உக்ரேனிய ஜனாதிபதிக்கு அமெரிக்கா விசேட செய்மதித் தொலைபேசி ஒன்றை வழங்கியுள்ளது. மிகவும் பாதுகாப்பானதும், நவீனமயமானதுமான இந்த செய்மதி தொலைபேசி மூலம் உக்ரேனிய ஜனாதிபதி, அமெரிக்க ஜனாதிபதியுடன் கடந்த செவ்வாய்க்கிழமை தொடர்புகொண்டு பேசியுள்ளார்.

உக்ரேனிய வெளிவிவகார அமைச்சருக்கும் அதே போன்ற செய்மதி தொலைபேசி ஒன்று வழங்கப்பட்டுள்ளது. அமெரிக்கா உக்ரேனிய தலைநகர் கிவ்விலிருந்து வெளியேற முன்னர் மேற்படி செய்மதி தொலைபேசிகளை உக்ரேனுக்கு வழங்கியுள்ளது.

இதேவேளை நாட்டைவிட்டு வெளியேற மாட்டேன் என உறுதியெடுத்துள்ள உக்ரேனிய ஜனாதிபதி, தலைநகர் கிவ்வில் கடும் பாதுகாப்புடன் தனது இருப்பிடங்களை மாற்றி மாற்றி நகர்வுகளை மேற்கொண்டுவருகிறார்.

The post உக்ரேனிய ஜனாதிபதியுடன் அமெரிக்கா தொடர்ந்தும் தொடர்பில் appeared first on Puthinam NEWS புதினம் - Sri Lanka Tamil NEWS.