UEFA Champions League – Puthinam NEWS புதினம் – Sri Lanka Tamil NEWS

சகல கால்பந்து போட்டிகளிலிருந்தும் ரஷ்யா இடைநிறுத்தம்

புதினம் — Mon, 28 Feb 2022 23:08:23 +0000

சகல கால்பந்து போட்டிகளிலிருந்தும் ரஷ்ய நாட்டு தேசிய கால்பந்து அணிகள் மற்றும் அந்நாட்டின் கால்பந்து விளையாட்டுக் கழகங்கள் தற்காலிகமாக இடைநிறுத்தப்படுவதாக FIFA மற்றும் UEFA கூட்டாக அறிவித்துள்ளன.

உக்ரைன் நாட்டின் மீதான ஆக்கிரமிப்பையடுத்து இந்த தடையை FIFA மற்றும் UEFA விதித்துள்ளன. இதன் காரணமாக அடுத்த மாதம் நடைபெறவுள்ள உலகக் கிண்ண தெரிவுப் போட்டிகள் மற்றும் மகளிருக்கான EURO 2022 போட்டிகளில் ரஷ்யா நாட்டு அணிகள் பங்குபெற்ற முடியாத நிலை ஏற்படும்.

The post சகல கால்பந்து போட்டிகளிலிருந்தும் ரஷ்யா இடைநிறுத்தம் appeared first on Puthinam NEWS புதினம் - Sri Lanka Tamil NEWS.

செல்சி (Chelsea) vs பார்சிலோனா (Barcelona)

புதினம் — Wed, 21 Feb 2018 22:45:48 +0000

20.02.2018 நடைபெற்று முடிந்த ஐரோப்பிய சாம்பியன்ஸ் கிண்ணத்திற்க்கான கடைசி பதினாறு அணிகளுக்கிடையேயான நொக் அவுட் கால்பந்தாட்ட மற்றுமொரு முதற் சுற்று போட்டி முடிவுகள்:

செல்சி (Chelsea) vs பார்சிலோனா (Barcelona)

லண்டன் ஸ்டாம்போர்ட மைதானத்தில் நடைபெற்ற மிக விறுவிறுப்பான போட்டி சமநிலையில் முடிவுற்றது.

செல்சி அணி சார்பாக வில்லியான் ஒரு கோலையும், பார்சிலோனா சார்பாக லயனல் மெஸ்ஸி ஒரு கோலையும் போட்டனர். லயனல் மெஸ்ஸி, செல்சி அணிக்கெதிராக அடித்த முதலாவது கோல் இது என்பது குறிப்பிடத்தக்கது.

Embed from Getty Images

இந்த அணிகளுக்கிடையேயான இரண்டாம் சுற்று போட்டி மார்ச் பதினான்காம் திகதி பார்சிலோனா மைதானத்தில் நடைபெறும்.

பேயர்ன் மியூனிக் (Bayern Munich) vs பேசிடாஸ் ( Besiktas)

ஜெர்மனி அலியான்ஸ் மைதானத்தில் நடைபெற்ற மற்றைய ஒரு போட்டியில், ஜெர்மனியின் பேயர்ன் மியூனிக் அணி துருக்கியின் பேசிடாஸ் அணியை மிக இலகுவாக 5 – 0 என்ற கோல் கணக்கில் வென்று மிகவும் வலுவான நிலையில் உள்ளது.

மியூனிக் அணி அணி சார்பாக தோமஸ் முல்லர் மற்றும் லெவண்டோவ்ஸ்கி தலா இரு கோல்களையும், கோமன் ஒரு கோலையும் போட்டனர்.

இந்த அணிகளுக்கிடையேயான இரண்டாம் சுற்று போட்டிகள் துருக்கியில் மார்ச் பதினான்காம் திகதி நடைபெறும்.

The post செல்சி (Chelsea) vs பார்சிலோனா (Barcelona) appeared first on Puthinam NEWS புதினம் - Sri Lanka Tamil NEWS.

ரியால் மாட்ரிட், லிவர்பூல் அணிகள் வெற்றி

புதினம் — Fri, 16 Feb 2018 11:21:00 +0000

14.02.2018 நடைபெற்று முடிந்த ஐரோப்பிய சாம்பியன்ஸ் கிண்ணத்திற்க்கான கடைசி பதினாறு அணிகளுக்கிடையேயான நொக் அவுட் கால்பந்தாட்ட மற்றுமொரு முதற் சுற்று போட்டி முடிவுகள்:

பாரிஸ் (Paris) vs ரியல் மாட்ரிட் (Real Madrid)

ஸ்பெயின் மாட்ரிட் நகரில் நடைபெற்ற போட்டியில் பிரான்ஸின் பாரிஸ் செயின்ட் ஜெர்மைன் அணியை ஸ்பெயினின் ரியால் மாட்ரிட் அணி 3 – 1 என்ற கோல் கணக்கில் தோற்கடித்தது.

Embed from Getty Images

பாரிஸ் செயின்ட் ஜெர்மைன் அணி சார்பாக ஏட்ரியன் ராபியட் ஒரு கோலையும், ரியால் மாட்ரிட் சார்பாக ரொனால்டோ இரு கோல்களையும் மற்றும் மார்சேல்லோ ஒரு கோலையும் போட்டனர்.

இந்த அணிகளுக்கிடையேயான இரண்டாம் சுற்று போட்டி மார்ச் ஆறாம் திகதி பாரிசில் நடைபெறும்.

போர்ட்டோ (Porto) vs லிவர்பூல் (Liverpool)

போர்த்துக்கலில் நடைபெற்ற மற்றைய ஒரு போட்டியில், போர்த்துக்கல்லின் போர்ட்டோ அணியை இலகுவாக இங்கிலாந்தின் லிவர்பூல் அணி 5 – 0 என்ற கோல் கணக்கில் வென்று மிகவும் வலுவான நிலையில் உள்ளது.

லிவர்பூல் அணி சார்பாக சாடியோ மானே மூன்று கோல்களையும், ரொபேர்ட்டோ பேர்மினோ மற்றும் மொஹமட் சாலா ஆகியோர் தலா ஒரு கோலையும் போட்டனர்.

இந்த அணிகளுக்கிடையேயான இரண்டாம் சுற்று போட்டிகள் இங்கிலாந்தின் அன்பீல்டு மைதானத்தில் மார்ச் ஆறாம் திகதி நடைபெறும்.

The post ரியால் மாட்ரிட், லிவர்பூல் அணிகள் வெற்றி appeared first on Puthinam NEWS புதினம் - Sri Lanka Tamil NEWS.

ஐரோப்பிய சாம்பியன்ஸ் கிண்ணம், முதல் சுற்று போட்டி முடிவுகள்

புதினம் — Wed, 14 Feb 2018 06:22:46 +0000

இன்று நடை பெற்று முடிந்த ஐரோப்பிய சாம்பியன்ஸ் கிண்ணத்துக்கான கடைசி பதினாறு அணிகளுக்கிடையேயான நொக் அவுட் கால்பந்தாட்ட முதற் சுற்று போட்டி முடிவுகள்

ஜுவென்டஸ் vs டோட்டன்ஹாம் ஹோட்ஸ்பர்

இன்று இத்தாலி டுரின் நகரில் நடைபெற்ற போட்டியில் இத்தாலி ஜுவென்டஸ் அணியும் இங்கிலாந்தின் டோட்டன்ஹாம் ஹோட்ஸ்பர் அணியும் தலா இரு கோல்கள் அடித்ததன் மூலம் போட்டி சமநிலையில் முடிந்தது.

ஜுவென்டஸ் அணி சார்பாக ஹிகுவேன் இரண்டு கோல்களையும், டோட்டன்ஹாம் சார்பாக ஹார்ரி கேன் மற்றும் கிறிஸ்டியன் எரிக்சன் தலா ஒரு கோல் போட்டனர்.

இந்த அணிகளுக்கிடையேயான இரண்டாம் சுற்று போட்டி மார்ச் ஏழாம் திகதி லண்டன் வெம்பிளி மைதானத்தில் நடைபெறும்.

மான்செஸ்டர் சிற்றி vs பாசில்

ஸ்விட்சர்லாந்து சென்ட் ஜேக்கப் மைதானத்தில் நடைபெற்ற மற்றைய போட்டியில், ஸ்விட்சர்லாந்து எப் சீ பாசில் அணிக்கெதிராக இங்கிலாந்து மான்செஸ்டர் சிற்றி அணி நான்கு கோல்களை போட்டு மிகவும் சிறப்பான வெற்றி பெற்றது.

மான்செஸ்டர் சிற்றி அணி சார்பாக இல்கே குண்டொகன் இரு கோல்களையும், பெர்னாடோ சில்வா மற்றும் செர்ஜியோ ஆகுவேரோ தலா ஒரு கோலையும் போட்டனர்.

இந்த அணிகளுக்கிடையேயான இரண்டாம் சுற்று போட்டிகள் இங்கிலாந்தில் மார்ச் ஏழாம் திகதி நடைபெறும்.

The post ஐரோப்பிய சாம்பியன்ஸ் கிண்ணம், முதல் சுற்று போட்டி முடிவுகள் appeared first on Puthinam NEWS புதினம் - Sri Lanka Tamil NEWS.