வட மாகாண உள்ளூராட்சி ஆணையாளரினால் வெளியிடப்பட்டுள்ள அதிவிஷேட வர்த்தமானி அறிவித்தல் மூலம் ஆனோல்ட் யாழ் மாநரக மேயராக நியமிக்கப்பட்டுள்ளார்.

இலங்கையில் உள்ளூராட்சி தேர்தல்கள் விரைவில் இடம்பெறவுள்ளதாக தெரிவிக்கப்பட்டுள்ள போதிலும், பொருளாதார நெருக்கடி நிலையைக் காரணம் காட்டி, ஜனாதிபதியின் விஷேட அதிகாரத்தின் மூலம் தேர்தல்கள் இடம்பெறாமல் செய்யப்படலாம் எனும் ஐயமும் அரசியல் கட்சிகளிடையே காணப்படுகின்றமையும் குறிப்பிடத்தக்கதாகும்.

The post யாழ் மாநகர மேயராக ஆனோல்ட், வர்தமானி மூலம் அறிவிப்பு appeared first on Puthinam NEWS புதினம் - Sri Lanka Tamil NEWS.

நேற்று(21/12) மேயர் மணிவண்ணனால் சமர்ப்பிக்கப்பட்ட 2023ம் ஆண்டிற்கான வரவு செலவுத் திட்டம், ஏழு வாக்குகளால் தோல்வியடைந்துள்ளது.

45 உறுப்பினர்கள் அங்கம் வகிக்கும் யாழ் மாநகர சபையில், வரவு செலவுத் திட்டத்திற்கு ஆதரவாக 11 வாக்குகளும், எதிராக 18 வாக்குகளும் பதிவாகின. 13 உறுப்பினர்களைக் தன்வசம் வைத்துள்ள ஈழ மக்கள் ஜனநாயகக் கட்சி (EPDP) வாக்கெடுப்பின்போது வெளிநடப்பு செய்திருந்தது.

2020ம் ஆண்டு, யாழ் மாநகர சபையில் வரவு செலவுத் திட்டம் தோற்கடிக்கப்பட்டமையால், முன்னாள் மாநகர முதல்வர் எம்மானுவல் ஆனொல்ட் பதவி விலகியிருந்தமையும் இங்கே குறிப்பிடத்தக்கது.

The post யாழ் மாநகர சபை வரவு செலவுத் திட்டம் தோற்கடிக்கப்பட்டுள்ளது appeared first on Puthinam NEWS புதினம் - Sri Lanka Tamil NEWS.

பிரான்ஸ் நாட்டிலுள்ள டெரென்ஸி மாநரக சபையின் முதல்வர் Aude Largade அவர்களை மணிவண்ணன் சந்தித்து கலந்துரையாடியுள்ளார். இந்த சந்திப்புத் தொடர்பாக டெரென்ஸி மாநரக சபை முதல்வர் தெரிவிக்கையில், டெரென்ஸி நகருக்கு யாழ் முதல்வர் மணிவண்ணனை வரவேற்பதில் தான் பெருமையடைவதாகவும், போரினால் கடுமையாகப் பாதிக்கப்பட்ட மக்கள் பிரான்சின் IDF பிராந்தியத்தில் குடியேறி 30 வருடங்களுக்கு மேலாகின்றது எனவும் தெரிவித்துள்ளார்.

மேற்படி சந்திப்புத் தொடர்பாக முதல்வர் மணிவண்ணன் அவர்கள் தெரிவிக்கையில், தான் பிரான்ஸ் அதிகாரிகளுடன் இலங்கையில் இடம்பெற்ற இனப்படுகொலை மற்றும் தமிழர்களின் பொருளாதார வாழ்வாதாரம் போன்ற விடயங்கள் தொடர்பாக கலந்துரையாடியதாக தனது முகநூலில் பதிவிட்டுள்ளார்.

The post யாழ் மாநகர முதல்வர் மணிவண்ணன் பிரான்ஸ் நாட்டிற்கு விஜயம் appeared first on Puthinam NEWS புதினம் - Sri Lanka Tamil NEWS.

தமிழரசுக் கட்சியின் சார்பில் போட்டியிட்ட ஆனோல்ட் இருபது வாக்குகளைப் பெற்று ஒரு வாக்கு வித்தியாசத்தில் தோல்வியடைந்தார். ஆனோல்ட்டிற்க்கு ஆதரவாக தமிழ்த் தேசியக் கூட்டமைப்பு, ஐக்கிய தேசியக் கட்சி மற்றும் தமிழர் விடுதலைக் கூட்டணி ஆதரவாக வாக்களித்திருந்தனர்.

வாக்கெடுப்பில் தமிழர்சுக்கட்சி உறுப்பினர் ஒருவரும், மற்றும் மூன்று தமிழ் தேசியக் கூட்டணி உறுப்பினர்களும் பங்குபற்றியிருக்கவில்லை என்பதும் குறிப்பிடத்தக்கது.

The post EPDP ஆதரவுடன் மணிவண்ணன் யாழ் மேயராக தெரிவு appeared first on Puthinam NEWS புதினம் - Sri Lanka Tamil NEWS.

இது தொடர்பாக சுமந்திரன் காவல்துறை மா அதிபருக்கு எழுதியுள்ள கடிதத்தில், என்னைக் கொள்வதற்கு சதித்திட்டம் தீட்டப்பட்டமை தொடர்பாக காவல்துறையினருக்கு தெரியவந்துள்ளதாக பத்திரிகைகள் மூலமாக அறிந்துள்ளேன்.

மேலும் கடந்தவாரம் யாழ் மேயர் இ.ஆர்னோல்ட்க்கும் கொலை அச்சுறுத்தல் விடுக்கும் எச்சரிக்கை கடிதம் அனுப்பப்பட்டிருந்தது. அக்கடிதத்தில் நானும், முன்னாள் வடமாகாண சபை உறுப்பினரான சயந்தனும் சாவகச்சேரி இந்துக்கல்லூரியில் இலக்கு வைக்கப்பட்டதாக குறிப்பிடப்பட்டிருந்தது.

எனவே எம் மூவருக்கும் உரிய பாதுகாப்பை வழங்குமாறு சுமந்திரன் அவர்கள் காவல்துறை மா அதிபரிடம் கோரிக்கை வைத்துள்ளார்.

The post யாழ் மேயர் உட்பட தமிழரசுக் கட்சியின் மூவருக்கு உயிராபத்து !!! appeared first on Puthinam NEWS புதினம் - Sri Lanka Tamil NEWS.

மேயரைத் தெரிவு செய்வதற்கு நடத்தப்பட்ட வாக்கெடுப்பில் ஆர்னோல்ட் 18 வாக்குகளைப் பெற்றுக் கொண்டார்.

ஈ.பி.டி.பி சார்பாக போட்டியிட்ட ரெமிடியஸ் 13 வாக்குகளையும், தமிழ் தேசிய மக்கள் முன்னனி சார்பாக போட்டியிட்ட வி.மணிவண்ணன் 13 வாக்குகளையும் பெற்றனர்.

The post யாழ்.மாநகர சபை மேயராக ஆர்னோல்ட் appeared first on Puthinam NEWS புதினம் - Sri Lanka Tamil NEWS.

இன்று (14/02) காலை தமிழ் தேசியக் கூட்டமைப்பின் அங்கத்துவக் கட்சிகளுக்கிடையிலான கலந்துரையாடலின் பின்னர், யாழ் மாநகர சபை மேயராக ஆர்னோல்ட் தெரிவு செய்யப்பட்டார்.

ஆரம்பத்திலிருந்தே ஆர்னோல்ட்தான் யாழ் மாநகர சபை முதன்மை வேட்பாளர் என்று இருந்தபோதிலும், இடையில் ஏற்பட்ட சில வேண்டாத சலசலப்புக்களின் பின்னர் வேறு சிலரின் பெயர்களும் பரிந்துரைக்கப்பட்டதாக தகவல்கள் வெளியாகியிருந்தன.

இருப்பினும், ஆர்னோல்ட் யாழ் மாநகர சபை மேயராக பதவியேற்பார் என தமிழ் தேசியக் கூட்டமைப்பு இன்று உத்தியோகரீதியாக அறிவித்துள்ளது.

வரும் மார்ச் மாதம் 2ம் திகதி பதவியேற்பு வைபவம் இடம்பெறலாம் என எதிர்பார்க்கப்படுகிறது.

The post யாழ் மாநகர சபை மேயராக ஆர்னோல்ட் appeared first on Puthinam NEWS புதினம் - Sri Lanka Tamil NEWS.

கட்சியில் இணைந்து குறுகிய காலத்தினுள், தமிழரசுக் கட்சியினுள் செல்வாக்கு மிக்கவராகவும் , சம்பந்தனின் செல்லப் பிள்ளையாகவும் விளங்கும் சுமந்திரனின் முதன்மை வேட்பாளர் தெரிவு இ.ஆனோல்ட். இந்த தெரிவு கிட்டத்தட்ட இரண்டரை வருடங்களுக்கு முன்னமே முடிவான ஒரு விடயமாகும். இருப்பினும் நேற்று (18/12) சுமந்திரன் இதனை வெளிப்படையாக ஊடகவியலாளர்களிடம் தெரிவித்தார்.

வடமாகாணசபை உறுப்பினராக இருந்த இ.ஆனோல்ட், சுமந்திரனின் அறிவுரைக்கமைய, சட்டரீதியாக தனது பதவி விலகலுக்கான கடிதத்தை அவைத் தலைவரிடம் கடந்த 14ம் திகதியே கையளித்துவிட்டார். பதவி விலகலை அவைத் தலைவர் சிவஞானமும் உறுதிப்படுத்தியுள்ளார்.

இந்த அறிவித்தல்களால் உசாரடைந்த மாவை சேனாதிராஜா “யாழ் மாநகர சபையின் முதன்மை வேட்பாளராக யாரை நிறுத்துவது என்பது தொடர்பாக எந்த முடிவும் எடுக்கவில்லை” என தெரிவித்தார். ஏனெனில் மாவை சேனாதிராஜாவின் தெரிவாகிய ஜெயசேகரத்தை கட்சி பெரிதாக கணக்கில் எடுக்கவில்லை.

சாவகச்சேரி நகரசபை வேட்பாளர்கள் தெரிவிலும் சுமந்திரனின் கையே ஓங்கி இருந்தது. அதாவது சுமந்திரனின் ஆதரவு பெற்ற வடமாகாணசபை உறுப்பினர் சயந்தன் தயாரித்த வேட்பாளர் பட்டியலே இறுதி செய்யப்பட்டது. இவ்விடத்தில் தமிழரசுக் கட்சியின் அருந்தவபாலனின் நிலையோ பெரும் பரிதாபம்.

இதிலிருந்து தெளிவாக புலப்படும் விடயம் யாதெனில், மாவை சேனாதிராஜா, சுமந்திரன் இவர்களுக்கிடையிலான அதிகார போட்டியும், ஒற்றுமையின்மையுமே. அதுமட்டுமின்றி “தமிழ் தேசிய கூட்டமைப்பு” என்று கூறிக்கொண்டு, தமிழரசுக் கட்சி தன்னை மட்டும் பலப்படுத்திக்கொள்கின்றது. இந்த நிலமையினால் டெலோ, புளொட் போன்ற கூட்டணிக் கட்சிகள் கடும் அதிருப்தியடைந்துள்ளன. அத்துடன், டெலோ, புளொட் கட்சிகள் வரும்உ ள்ளூராட்சி தேர்தலில் முழு அளவிலான ஈடுபாட்டைக் காட்ட முடியாத நிலைக்குத் தள்ளப்பட்டுள்ளனர். இப்படி நடக்குமென்று தெரிந்துதான் ஈ.பி.ஆர்.எல்.(f)எப் – சுரேஷ் அணி முதலே பிரிந்து சென்றார்களோ தெரியவில்லை !

தமிழரசுக் கட்சி, பங்காளிக் கட்சிகளை ஓரம் கட்ட இன்னொரு முக்கிய காரணமும் உள்ளது. வடமாகாண முதலமைச்சர் விக்னேஸ்வரன் மீது கொண்டுவரப்பட்ட நம்பிக்கையில்லா தீர்மானத்தை டெலோ, புளொட் கட்சிகள் விரும்பவில்லை. ஈ.பி.ஆர்.எல்.(f)எப் – சுரேஷ் அணி அதை முற்றாக எதிர்த்திருந்தது.

எனவே, நடக்கும் நிகழ்வுகள் யாவும் சுமந்திரனின் நெறியாள்கையில் நடக்கின்றது என்பது தெளிவாகப் புரிகின்றது. அதாவது சம்பந்தன் ஐயா, சுமந்திரனின் தெரிவான ஆனோல்ட்டை யாழ் மாநகர சபையின் முதன்மை வேட்பாளராக நியமிக்கக்கூடிய சாத்தியக்கூறுகள் அதிகமுள்ளது.

The post யாழ் மாநகரசபை முதன்மை வேட்பாளர் தெரிவில் தொடர்ந்தும் இழுபறி appeared first on Puthinam NEWS புதினம் - Sri Lanka Tamil NEWS.