Chavakachcheri – Puthinam NEWS புதினம் – Sri Lanka Tamil NEWS

அதிரடி காட்டும் அர்ச்சுனா

புதினம் — Mon, 14 Oct 2024 23:12:09 +0000

வரும் பாராளுமன்றத் தேர்தலில் யாழ் மாவட்டத்தில் வைத்தியர் அர்ச்சுனாவின் தலைமையில் படித்த இளம் புதிய வேட்பாளர்கள் களம் இறங்குகின்றனர்.

சுயேட்சைக் குழு 17ம் இலக்கத்தில் “ஊசி“(syringe) சின்னத்தில் அர்ச்சுனா அணியினர் யாழ் தேர்தல் மாவட்டத்தில் போட்டியிடுகின்றனர்.

வேட்பாளர்கள் விபரம்,
Dr.R.அருச்சுனா
பவித்திரா.K (ஆசிரியர்)
கௌசல்யா.N (சட்டத்தரணி)
பத்மலோஜினி.N (மொழிவளவாளர்)
S.மயூரன் (பொறியியலாளர்)
S.யோகபாலன் (மென் பொறியியலாளர்)
S.சிறிபிரகாஷ் (வியாபாரம்)
R.அறிவன்பன் (ஆசிரியர்)
T.கிருஷ்ணானந் (நிர்வாக இயக்குனர்)

The post அதிரடி காட்டும் அர்ச்சுனா appeared first on Puthinam NEWS புதினம் - Sri Lanka Tamil NEWS.

22 வாள்வெட்டுக்குழு சந்தேக நபர்கள் கைது, காவல்துறையினருக்கும் தொடர்பாம் !!

புதினம் — Mon, 06 Aug 2018 09:39:05 +0000

யாழ் குடாநாட்டில் அண்மைக்காலமாக இடம்பெற்றுவரும் வாள்வெட்டு அசம்பாவிதங்கள் தொடர்பாக இதுவரை 22 பேரை கைது செய்துள்ளதாக யாழ்ப்பாணம் காவல்துறையினர் தெரிவித்துள்ளனர்.

இதேவேளை மானிப்பாய் பிரதேச காவல்துறையினர், தென்மராட்சிப்பகுதியில் நடத்திய இரகசிய நடவடிக்கையில் எட்டுப்பேர் கைது செய்யப்பட்டிருந்தனர்.

இவர்களுக்கும், தென்மராட்சி காவல் நிலையத்தில் பணிபுரியும் மற்றும் பணிபுரிந்த சில காவல்துறை உறுப்பினர்களுக்கும் தொடர்பு இருப்பதாக மானிப்பாய் பிரதேச காவல்துறையினர் சந்தேகம் வெளியிட்டுள்ளனர்.

The post 22 வாள்வெட்டுக்குழு சந்தேக நபர்கள் கைது, காவல்துறையினருக்கும் தொடர்பாம் !! appeared first on Puthinam NEWS புதினம் - Sri Lanka Tamil NEWS.

மீண்டும் வாள்வெட்டு, எண்மர் கைது, காவல்துறையினரின் விடுமுறைகள் ரத்து

புதினம் — Sat, 28 Apr 2018 08:37:57 +0000

கொக்குவில் பகுதியில் நேற்று முன்தினம் (26/04) இடம்பெற்ற வாள்வெட்டுச் சம்பவத்துடன் தொடர்புடையவர்கள் என்ற சந்தேகத்தின் அடிப்படையில் இருவர் கைது செய்யப்பட்டுள்ளனர்.

இதேவேளை ஆவா குழுவின் ஒளிப்படத்தில் இருந்தவர்கள் என்ற குற்றச்சாட்டில் மானிப்பாய் காவல்துறையினரால் ஆறுபேர் கைது செய்யப்பட்டுள்ளனர்.

மேற்படி இளைஞர்கள் சந்தேகத்தின் அடிப்படையில் கைது செய்யப்பட்டிருப்பதால், இவர்கள்தான் உண்மையில் வாள்வெட்டில் ஈடுபட்டார்களா என்பது குறித்து எவ்வித தகவல்களும் தெரியவில்லை.

கடந்த ஞாயிற்றுகிழமை (22/04) சாவகச்சேரிப் பகுதியில் மூன்று வீடுகளில் இடம்பெற்ற தாக்குதல் சம்பவம் தொடர்பாக எவரும் இதுவரை கைது செய்யப்படவில்லை என்பது குறிப்பிடத்தக்கது.

மேலும் வாள்வெட்டு சம்பவங்களையடுத்து, யாழ் பிராந்திய காவல்நிலையங்களில் கடமையாற்றும் காவல்துறையினரின் விடுமுறைகள் யாவும் மறுஅறிவித்தல்வரை இடைநிறுத்திவைக்கப்பட்டுள்ளது.

The post மீண்டும் வாள்வெட்டு, எண்மர் கைது, காவல்துறையினரின் விடுமுறைகள் ரத்து appeared first on Puthinam NEWS புதினம் - Sri Lanka Tamil NEWS.