இந்த பிள்ளையார் ஆலயத்தில் நடைபெறவிருந்த பொங்கல் விழாவை பிக்கு தடுத்தமை தொடர்பாக முல்லைத்தீவு நீதிமன்றில் வழக்கு இடம்பெற்று வரும் நிலையில், குறித்த பிக்கு இன்று (24/01) நீதிமாற்றில் ஆஜராகவேண்டியுள்ளநிலையில், அவசர அவசரமாக நேற்றே பிரம்மாண்ட புத்தர்சிலையை திறந்து வைத்துள்ளனர்.

ஒரு சமய வழிபாட்டுத்தலம் அமைப்பதற்குரிய  எந்த ஒரு விதிமுறைகளையும் கருத்தில்கொள்ளாது, பிள்ளையார் கோவில் இருந்த இடத்தில் சட்ட விரோதமாக இந்த புத்தர் சிலை வைக்கப்பட்டுள்ளது.

மேலும் புத்தர் சிலை திறப்புவிழா தொடர்பாக செய்தி சேகரிக்க சென்ற ஊடகவியலாளர்களுக்கு பிக்குமாரினால் இடையூறு விளைவிக்கப்பட்டிருந்தது. 

சிங்கள அரசினால் முன்னெடுக்கப்படும் பௌத்த மயமாக்கலின் ஒரு கட்டமாக, தொல்பொருள் திணைக்களம் ஊடாக இத்தகைய புத்தர் சிலை வைக்கும் செயற்பாடுகள் வடக்கு கிழக்கில் இடம்பெற்று வருகின்றமை குறிப்பிடத்தக்கது.

The post பிள்ளையார் கோவில் வளாகத்தில் புத்தர் சிலை திறப்பு appeared first on Puthinam NEWS புதினம் - Sri Lanka Tamil NEWS.

இலங்கையில் கடும் இனவாத கருத்துக்களை பாராளுமன்றத்திற்கு உள்ளேயும், வெளியேயும் தெரிவித்து வரும் விமல் வீரவன்சவின் கட்சியான தேசிய சுதந்திர முன்னணி, வட மாகாணத்தில் உள்ள குமுளமுனை குருந்தூர் மலை மற்றும் நெடுங்கேணி வெடுக்குநாறி மலைக்கு விஜயம் செய்துள்ளனர்.

இவர்களுடன் தொல்லியல் திணைக்கள அதிகாரிகளும் வந்துள்ளனர்.

மஹிந்த ஆட்சிக் காலத்தில், கோத்தபாயவின் ஏகோபித்த ஆதரவுடன் கடும் இனவாத கருத்துக்களைத் தெரிவித்து வந்த விமல் வீரவன்சவால் உருவாக்கப்பட்ட இந்த கட்சி ஏன்  குருந்தூர் மலைக்கும், வெடுக்குநாறி மலைக்கும் செல்ல வேண்டும்?

முதலில் சாதாரண ஒரு பிக்கு புத்தர் சிலையுடன் வந்தார். மக்களின் கடும் எதிர்ப்பால் திருப்பி அனுப்பப்பட்ட அவர்கள், அமைதியுடன் திரும்பிப் போனார்கள்.

(அந்த நேரமே புதினம் செய்தித் சேவை குறிப்பிட்டிருந்தது, இனவாதிகளின் இந்த முயற்சி தொடர் கதையாக இருக்குமென்றும்.)

பின்னர் முல்லைத்தீவு நீதிமன்றில் வழக்குத் தொடுத்து மீண்டும் சிலை வைக்கும் முயற்சியை சட்டரீதியாக செய்ய மிகவும் வினைத்திறனுடன் செயற்பட்டுக்கொண்டிருக்கின்றார்கள்.

நேர்மை, நீதி, சட்டம் பேசும் தமிழர் தரப்பு (பாராளுமன்ற உறுப்பினர்கள், எதிர்க்கட்சி தலைவர்) இந்த விடயத்தில் எவ்வித கரிசனையுமின்றி இருக்கின்றது.

இந்த நேரத்தில் கடும்போக்குடைய தேசிய சுதந்திர முன்னணி உறுப்பினர்களின் வருகை, அடுத்து நடக்க இருக்கும் இனவாத அரசியல் மற்றும்  பௌத்த மயமாக்கல் நடவடிக்கைகளின் முக்கியத்துவத்தை உணர்த்துவதாக அமைகின்றது.

இன்னும் சிறிது காலத்தில், விமல் வீரவன்சவுடன் கோத்தபாய ராஜபக்ச குருந்தூர் மலைக்கும், வெடுக்குநாறி மலைக்கும் விஜயம் செய்வார். கோத்தபாயவின் விஜயத்தின் பின்னர் இந்த விடயம் தேசிய அளவில் சூடுபிடிக்கும்.

2020 தேர்தல் பிரசாரத்தில் குருந்தூர் மலை, வெடுக்குநாறி மலை விடயம் ஒரு முக்கிய விடயமாக இருக்கும்.

The post இனவாத கட்சி உறுப்பினர்களின் வெடுக்குநாறி மலை விஜயம் appeared first on Puthinam NEWS புதினம் - Sri Lanka Tamil NEWS.

குமுழமுனை தண்ணிமுறிப்பு குருந்தூர் மலையில் புத்தர் சிலையை நிறுவும் நோக்கில் வந்த பௌத்த பிக்குகளே இவ்வாறு திருப்பி அனுப்பப்பட்டார்கள்.

நான்கு வாகனங்களில் வந்த இவர்களை முல்லை மைந்தர்கள் வழிமறித்து திருப்பி அனுப்ப முற்பட்டபோது பிக்குகள் எவரும் வாய்த்தர்க்கத்தில் ஈடுபடவில்லை என்பது பலத்த சந்தேகங்களை ஏற்படுத்தியுள்ளது.

இவர்கள் உண்மையாகவே நேற்றே புத்தர் சிலையை வைக்க வந்திருப்பார்களானால், வழிமறித்த இளைஞர்களுடன் கடும் வாக்கு வாதத்தில் ஈடுபட்டிருப்பார்கள். இவர்களை தமிழர் பிரதேசங்களுக்கு அனுப்பி நோட்டம் விட்டது யார் என்பதை ஆராய்ந்து பார்க்க வேண்டும்.

தமிழர் பிரதேசங்களில் அரசமரம் இருக்குமிடங்களில் சாதாரண புத்தர் சிலைகளை வைப்பது, பின்னர் இராணுவத்தினரின் உதவியுடன் சிறிய விகாரை அமைப்பது, இறுதியாக சூழ உள்ள இடங்களில் சிங்கள மக்களை குடியமர்த்துவது என்ற வழமையான பாணியில் சிங்கள அரச இயந்திரம் சிறப்பாக செயற்படுகின்றது என்பது மட்டுமே உண்மை.

தமிழ் பாராளுமன்ற உறுப்பினர்களே உங்கள் பதில் என்ன?

The post முல்லைத்தீவிற்கு புத்தர் சிலையுடன் வந்த பிக்குகள், பின்புலத்தில் யார்? appeared first on Puthinam NEWS புதினம் - Sri Lanka Tamil NEWS.

காடைத்தனத்தில் ஈடுபடுபவர்கள் ஓரிடத்திலிருந்து திட்டமிட்டபின்னர் குழுவாக அணிவகுத்து வருவது தெளிவாக காணொளியில் பார்க்க முடிகிறது.

மேலும் காவியுடுத்திய பௌத்த பிக்கு மிகவும் வெறித்தனத்துடன் தனது காடைத்தனத்தை வெளிப்படுத்தியமையும் காணொளியில் காணமுடிகிறது. பிக்குவின் வெறியாட்டத்தை பாடசாலை சிறுவர்கள் இருவர் பார்த்தபடி செல்கிறார்கள். நற்பண்புகளை போதிக்கவேண்டிய பிக்கு, சிறுவர்களின் முன்னால் காடைத்தனத்தில் ஈடுபடுவது அந்த சிறுவர்களின் மனதிலும் தீய எண்ணங்களையே ஏற்படுத்தும் என்பதைக்கூட யோசிக்காமல் மிருகத்தனமாக கலவரத்தில் ஈடுபடுகிறார்.

இவ்வாறு எத்தனை பிக்குகள் தமது காட்டுமிராண்டித்தனத்தைக் காட்டினார்களோ தெரியாது. எனினும் இவ்வாறான பிக்குமாரை காவல்துறையினர் கைது செய்திருப்பார்களா என்பது சந்தேகமே.!

​​முழுமையான காணொளி,

The post காடையர்களுடன் சேர்ந்து கலவரத்தில் ஈடுபட்ட பிக்கு appeared first on Puthinam NEWS புதினம் - Sri Lanka Tamil NEWS.

அப்பிரதேச விகாரையைச் சேர்ந்த 42 வயதுடைய பிக்கு ஒருவரே குளியலறைக்குள் புகுந்து பெண் ஒருவரை பலாத்தகாரம் செய்ய முயற்சித்ததுள்ளார். இருப்பினும் அந்த பெண் பிக்குவிடமிருந்து தப்பித்து அது தொடர்பாக வீட்டாரிடம் தெரிவித்துள்ளார்.

குறித்த சம்பவம் தொடர்பாக காவல்துறையினர் பிக்குவை கைது செய்துள்ளனர்.

12 சிறுமிகள் பாலியல் துஷ்பிரயோகம், இரு பிக்குகள் உட்பட 8 பேர் கைது !!

The post குளியல் அறைக்குள் புகுந்த பௌத்த பிக்கு appeared first on Puthinam NEWS புதினம் - Sri Lanka Tamil NEWS.

குருநாகல் – ரஸ்ணாயகபுர, உடஹேதகம பிரதேசத்தில் உள்ள சிறுவர் இல்லத்தில் இருக்கும் 12 சிறுமிகளை பாலியல் துஷ்பிரயோகத்துக்கு உட்படுத்தினர் என்றக் குற்றச்சாட்டில் பிக்குகள் இருவர் உட்பட 8 பேரை கைது செய்துள்ளதாக பொலிஸார் தெரிவித்தனர்.

8 வயதுக்கும் 12 வயதுக்கும் இடைப்பட்ட சிறுமிகளே இவ்வாறு துஷ்பிரயோகத்துக்கு உட்படுத்தப்பட்டுள்ளனர். அவர்கள் அனைவரும் 32 தடவைகள் துஷ்பிரயோகத்துக்கு உட்படுத்தப்பட்டுள்ளனரென விசாரணைகளிலிந்து தெரியவந்துள்ளது.

பாதிக்கப்பட்ட சிறுமிகள் வைத்திய பரிசோதனைக்காக குருநாகல் வைத்தியசாலையில் அனுமதிக்கப்பட்டுள்ளனர்.

முழுமையாகப் படிக்க (வீரகேசரி)

The post 12 சிறுமிகள் பாலியல் துஷ்பிரயோகம், இரு பிக்குகள் உட்பட 8 பேர் கைது !! appeared first on Puthinam NEWS புதினம் - Sri Lanka Tamil NEWS.