Smuggling – Puthinam NEWS புதினம் – Sri Lanka Tamil NEWS

ஹம்பாந்தோட்டை கடலில் 300kg ஹெரோயின் மீட்பு

புதினம் — Mon, 07 Nov 2022 05:37:18 +0000

ஹம்பாந்தோட்டைக்கு அப்பாற்பட்ட கடலில் இலங்கை கடற்படையினர், போதைப் பொருள் தடுப்புப் பிரிவினர் மற்றும் விசேட அதிரடிப்படையினர் மேற்கொண்ட கூட்டு நடவடிக்கையில் 300kg ஹெரோயின் போதைப் பொருள் கைப்பற்றப்பட்டுள்ளது.

மீன்பிடிப் படகுகள் மற்றும் டிங்கி வகைப் படகுகள் என்பவற்றிலிருந்தே இருந்தே மேற்படி போதைப் பொருட்கள் மீட்கப்பட்டுள்ளது.

சர்வதேச போதைப்பொருள் வியாபரிகளினால் ஆழ்கடலில் வைத்து கைமாறப்பட்டதாக சந்தேகிக்கப்படும் 300kg போதைப் பொருட்களை கடத்தல்காரர்கள் நாட்டிற்குள் கொண்டுவருவதற்கு முன்னரே இலங்கை அதிகாரிகள் தடுத்துள்ளனர்.

Update : மேற்படி ஹெரோயின் போதைப்பொருள் கடத்தல் தொடர்பாக இதுவரை 10 பேர் கைது செய்யப்பட்டுள்ளனர். மேலும் இந்த போதைப் பொருளின் பெறுமதி 600 கோடிக்கும் ரூபாய்க்கும் அதிகம் எனவும் தெரிவிக்கப்பட்டுள்ளது.

The post ஹம்பாந்தோட்டை கடலில் 300kg ஹெரோயின் மீட்பு appeared first on Puthinam NEWS புதினம் - Sri Lanka Tamil NEWS.

வெளிநாட்டுப் பணத்துடன் இந்திய வியாபாரி கைது

புதினம் — Mon, 06 Jun 2022 10:49:21 +0000

கட்டுநாயக்கா விமான நிலையத்தில் இருந்து சென்னை செல்ல முற்பட்ட இந்திய வியாபாரியிடம் இருந்து சுமார் 40 மில்லியன் ரூபாய் பெறுமதியான வெளிநாட்டுப் பணம் கைப்பற்றப்பட்டுள்ளது.

கடந்த சில நாட்களுக்கு முன்னர் இலங்கைக்கு வியாபார நோக்கில் வந்திருந்த 45 வயதுடைய இந்திய பிரஜை, மீண்டும் இந்தியா செல்லும் முகமாக கட்டுநாயக்கா விமான நிலையத்திற்கு வந்திருந்தார்.

அவரிடம் மேற்கொள்ளப்பட்ட சோதனை நடவடிக்கையின்போது, சட்டவிரோதமாக வைத்திருந்த 117,000 கனேடிய டொலர்கள் மற்றும் 19,000 யூரோக்கள் அடங்கிய வெளிநாட்டுப் பணம் கண்டுபிடிக்கப்பட்டு பறிமுதல் செய்யப்பட்டுள்ளது.

பறிமுதல் செய்யப்ப பணம் இலங்கை சுங்கத் திணைக்கள அதிகாரிகளிடம் கையளிக்கப்பட்டுள்ளதுடன், மேற்படி நபரிற்கு 10,000 ரூபாய் அபராதமும் விதிக்கப்பட்டது.

The post வெளிநாட்டுப் பணத்துடன் இந்திய வியாபாரி கைது appeared first on Puthinam NEWS புதினம் - Sri Lanka Tamil NEWS.

தென்பகுதி கடலில் பெருமளவு போதைப் பொருட்கள் மீட்பு

புதினம் — Thu, 14 Apr 2022 00:45:03 +0000

தேசியப் புலனாய்வுப் பிரிவினரால் வழங்கப்பட்ட தகவலையடுத்து, இரு வாரங்களாக இலங்கை மற்றும் சர்வதேச கடற்பரப்பில் கடற்படையினர் நடத்திய தேடுதலில், பெருமளவு போதைப் பொருட்களுடன் படகு ஒன்று காலி கடற்பரப்பில் வைத்து கைப்பற்றப்பட்டுள்ளது.

இந்த கடத்தல் முறியடிப்பு நடவடிக்கையில், சுமார் 6,200 மில்லியன் ரூபாய் பெறுமதியான 300kg ஹெரோயின் மற்றும் 25kg ஐஸ் வகைப் போதை பொருட்கள் கைப்பற்றப்பட்டதுடன், 11 பேரை கடற்படையினர் கைது செய்துள்ளனர்.

The post தென்பகுதி கடலில் பெருமளவு போதைப் பொருட்கள் மீட்பு appeared first on Puthinam NEWS புதினம் - Sri Lanka Tamil NEWS.

இந்தியாவிற்கு கடத்தப்படவிருந்த 24kg தங்கம் மீட்பு, மூவர் கைது

புதினம் — Thu, 12 Apr 2018 07:52:25 +0000

இலங்கையிலிருந்து இந்தியாவிற்கு 24.2kg நிறையுடைய 242 தங்க கட்டிகளை கடத்த முற்பட்ட மூவரை இலங்கை கடற்படையினர் தலைமன்னார் கடற்பரப்பில் வைத்து கைது செய்துள்ளனர்.

கைது செய்யப்பட்ட மூவரும், கைப்பற்றப்பட்ட தங்கமும் மேலதிக விசாரணைக்காக யாழ்ப்பாண சுங்க பிரிவினரிடம் கடற்படையினரால் ஒப்படைக்கப்பட்டுள்ளது.

கைப்பற்றப்பட்ட தங்கத்தின் பெறுமதி 170 மில்லியன் ரூபாய் என மதிப்பிடப்பட்டுள்ளது.

The post இந்தியாவிற்கு கடத்தப்படவிருந்த 24kg தங்கம் மீட்பு, மூவர் கைது appeared first on Puthinam NEWS புதினம் - Sri Lanka Tamil NEWS.