இடைக்கால வெளியுறவுத்துறை அமைச்சர் ஜிம் ஷாமல்ர்ஸ் தனக்குரிய அதிகாரத்தைப் பயன்படுத்தி மேற்படி குடும்பத்திற்கு இணைப்பு விசாவை வழங்கியுள்ளார். இதனடிப்படையில், பிரியா-நடேஷ் குடும்பத்தின் நிரந்தர குடியுரிமை சம்பந்தமாக இறுதி முடிவு வரும்வரை, அவர்கள் ஆஸ்திரேலியாவில் தங்க முடியும்.

ஆஸ்திரேலியா தொழிலாளர் கட்சி தாம் ஆட்சிக்கு வந்தால், பிரியா-நடேஸ் குடும்பம் மீள ஆஸ்திரேலியாவில் வசிக்க, சட்டத்திற்குட்பட்டு அனைத்தையும் செய்வோம் என வாக்குறுதி வழங்கியிருந்தது. அதனை நிறைவேற்றும் வகையில், ஆட்சிப்பீடம் ஏறி ஐந்து நாட்களுக்குள் தமது வாக்குறுதியைக் காப்பாற்றியுள்ளது ஆஸ்திரேலியா தொழிலாளர் கட்சி

The post பிரியா-நடேஸ் குடும்பம் ஆஸ்திரேலியாவில் தங்க அனுமதி appeared first on Puthinam NEWS புதினம் - Sri Lanka Tamil NEWS.

இலங்கைக்கு நாடு கடத்தப்படவிருந்த தமிழ் குடும்பம் இறுதி நிமிடத்தில் விமானத்திலிருந்து  குடிவரவு அதிகாரிகளால் இறக்கப்பட்டுள்ளனர்.

நடேசலிங்கம், பிரியா மற்றும் அவர்களது இரு குழந்தைகளே இவ்வாறு இறுதி நிமிடத்தில் நாடு கடத்தப்படும் அபாய கட்டத்தை தற்காலிகமாக கடந்துள்ளனர்.

குயின்ஸ்லாந்து மாநிலத்தில் ஒரு சிறிய ஊரான பிலேவிலாவில் (Biloela) வசித்துவந்த நடேசலிங்கம் குடும்பத்தை நாடு கடத்தப்படுவதற்கு எதிர்ப்பு தெரிவித்து ஒன்று திரண்ட அந்த ஊர் மக்கள், உள்விவகார அமைச்சருக்கு நாடு கடத்தலை தடுக்கக்கோரி 76,000 கையெழுத்துக்களை திரட்டியிருந்தனர்.

அத்துடன் சட்டவாளர்களின் துரித நடவடிக்கையால், இறுதி நிமிடத்தில் இந்த நாடுகடத்தல் நடவடிக்கை தடுக்கப்பட்டது.

இந்த நிகழ்வு ஆஸ்திரேலியா மட்டுமின்றி, உலகலாவியரீதியில் ஊடகங்களில் முக்கியத்துவம் பெற்றுள்ளது.

முன்னைய செய்தி

அவுஸ்திரேலியாவில் இருந்து நாடுகடத்தப்படும் தமிழ் குடும்பம்

அவுஸ்திரேலியாவில் புகலிடம்கோரி தஞ்சமடைந்திருந்த இரண்டு குழந்தைகள் உட்பட நான்கு பேர் கொண்ட தமிழ் குடும்பம், ஐந்து வருட தற்காலிக விசா முடிவடைந்த நிலையில் இலங்கைக்கு மீண்டும் திருப்பி அனுப்பப்படும் அபாய கட்டத்தில் உள்ளனர்.

இது தொடர்பாக அவுஸ்திரேலிய தமிழ் ஏதிலிகள் கழகத்தின் ஊடக அறிக்கை,

The post நாடு கடத்தப்படவிருந்தவர்கள் இறுதி நிமிடத்தில் விமானத்திலிருந்து இறக்கப்பட்டனர் appeared first on Puthinam NEWS புதினம் - Sri Lanka Tamil NEWS.