TPA – Puthinam NEWS புதினம் – Sri Lanka Tamil NEWS

தமிழ் மக்கள் கூட்டணியின் தேர்தல் பிரச்சார அணி மீது தாக்குதல்

புதினம் — Sun, 27 Oct 2024 00:02:04 +0000

யாழ்ப்பாணம் கோப்பாய் காவல்துறையினரின் பிரிவிற்குட்பட கரந்தன் பகுதியில் தேர்தல் பிரச்சார பணியில் ஈடுபட்டிருந்த தமிழ் மக்கள் கூட்டணியின் ஆதரவாளர்கள் மீது தாக்குதல் சம்பவம் ஒன்று இடம்பெற்றுள்ளது. இதனால் பெண்ணொருவர் உட்பட மூவர் காயப்பட்ட நிலையில் யாழ் போதனா வைத்தியசாலையில் அனுமதிக்கப்பட்டுள்ளனர்.

முச்சக்கர வண்டியில் வந்த நால்வர் பிரச்சார பணியில் ஈடுபட்டிருந்தவர்களுகு இடையூறு விளைவித்து, பொல்லுகளால் தாக்குதல் நடந்தியிருந்தனர். இவர்களின் தாக்குதலை தடுத்து எதிர்த்ததினால், மேலதிகமாக வந்த 20இற்கும் மேற்பட்ட கும்பல் ஒன்று தமிழ் மக்கள் கூட்டணியின் ஆதரவாளர்கள் மீது கடுமையாக தாக்குதலை நடத்தி காயப்படுத்தியுள்ளனர்.

இது தொடர்பாக கோப்பாய் காவல்துறை நிலையத்தில் முறைப்பாடு செய்யப்பட்டிருப்பதுடன், தேர்தல் ஆணையகத்திற்கும் முறைப்பாடு செய்யப்படவுள்ளதாக தமிழ் மக்கள் கூட்டணியின் முதன்மை வேட்பாளர் மணிவண்ணன் தெரிவித்துள்ளார்.

The post தமிழ் மக்கள் கூட்டணியின் தேர்தல் பிரச்சார அணி மீது தாக்குதல் appeared first on Puthinam NEWS புதினம் - Sri Lanka Tamil NEWS.

தமிழ் முற்போக்கு கூட்டணி – ஐ.நா அரசியல் குழு சந்திப்பு

புதினம் — Sat, 19 Nov 2022 02:26:32 +0000

பாராளுமன்ற உறுப்பினர் மனோ கணேசன் தலைமையிலான தமிழ் முற்போக்கு கூட்டணி, ஐக்கிய நாடுகள் சபையின் அரசியல் விவகார குழுவினருடன் சந்தித்து பேச்சுவார்த்தை நடத்தியுள்ளது.

இந்த சந்திப்பிபோது, அண்மையில் உலக வங்கி மற்றும் ஐக்கிய நாடுகள் சபையின் உலக உணவு திட்டம் போன்ற அமைப்புக்களால் வறுமை மற்றும் உணவின்மை பிரச்சனைகள் காரணமாக நலிவுற்ற மற்றும் பிந்தங்கிய மக்களாக அடையாளப்படுத்தப்பட்ட மலையக பெருந்தோட்ட மக்கள் மற்றும் நகர பாமர மக்கள் தொடர்பாக கலந்துரையாடப்பட்டுள்ளது.

இந்த சந்திப்பில், ஐக்கிய நாடுகள் சபை அரசியல் விவகார (UN-DPPA) உயரதிகாரி பீட்டர் டியூ, மற்றும் இலங்கைக்கான ஐ.நா வதிவிடப் பிரதிநிதி ஹனா சிங்கர் ஆகியோருடன் பாராளுமன்ற உறுப்பினர்களான மனோ கணேசன், இராதாகிருஷ்ணன் மற்றும் உதயகுமார் ஆகியோர் பங்கெடுத்திருந்தனர்.

The post தமிழ் முற்போக்கு கூட்டணி – ஐ.நா அரசியல் குழு சந்திப்பு appeared first on Puthinam NEWS புதினம் - Sri Lanka Tamil NEWS.

விக்னேஸ்வரன் தலைமையில் புதிய கூட்டணி TMTK

புதினம் — Sun, 09 Feb 2020 22:59:57 +0000

வட மாகாண முன்னாள் முதலமைச்சர் விக்னேஸ்வரன் தலைமையில் “தமிழ் மக்கள் தேசிய கூட்டணி” (TMTK) உருவாகியுள்ளது.

C.V.விக்னேஸ்வரன் (TPA), சுரேஷ் பிரேமச்சந்திரன் (EPRLF), ஸ்ரீகாந்தா (TNP), அனந்தி சசிதரன் (ஈழத் தமிழர் சுயாட்சிக் கழகம்) ஆகியோர் புரிந்துணர்வு ஒப்பந்தத்தில் கைச்சாத்திட்டனர்.

விக்னேஸ்வரனின் நெருங்கிய அரசியல் சகாவான ஐங்கரநேசன் இந்த கூட்டணியில் இல்லையென்பது குறிப்பிடத்தக்கது.

வட மாகாணசபை கலைக்கப்பட்டபின்னர் பல சிறிய தமிழ் காட்சிகள் ஆரம்பிக்கப்பட்டுள்ளன. இலங்கையியிலேயே அதிக கட்சிகளைக் கொண்ட ஒரே ஒரு இனம் தமிழ் இனம்தான்.

உருவாக்கப்பட்ட சிறிய கட்சிகளின் பெயர்களை சாதாரண மக்களால் நினைவில் வைத்திருக்க முடியாதென்பது உறுதி. ஆகவே அக்கட்சிகளின் பெயர்களின் முதல் ஆங்கில எழுத்துக்களை நாம் இச் செய்தியில் பாவித்துள்ளோம்

TMTK – Tamil Tesiya Kootani
TPA – Tamil People’s Alliance
TNP – Tamil National Party

The post விக்னேஸ்வரன் தலைமையில் புதிய கூட்டணி TMTK appeared first on Puthinam NEWS புதினம் - Sri Lanka Tamil NEWS.

அரசியல் கட்சியை ஆரம்பித்தார் முன்னாள் முதல்வர் விக்னேஸ்வரன்

புதினம் — Wed, 24 Oct 2018 11:10:37 +0000

‘தமிழ் மக்கள் முன்னணி’ என்ற அரசியல் கட்சியை வடமாகாணசபை முன்னாள் முதல்வர் விக்னேஸ்வரன் ஆரம்பித்துள்ளார்.

தனது பயணத்தை மக்களே தீர்மானிப்பர் என்று தெரிவித்துள்ள விக்னேஸ்வரன் , தமிழ் தேசிய சிந்தனை சார்ந்த அனைவரையும் இணைத்து பயணிப்பேன் என்றும் கூறியுள்ளார்.

மேலும், தமிழ் தேசிய கூட்டமைப்பை கடுமையாக சாடிய விக்னேஸ்வரன், மன்னார் புதைகுழி மற்றும் முல்லைதீவு நில ஆக்கிரமிப்பு பற்றி தமிழ் தேசிய கூட்டமைப்பு வாய் திறக்காமல் இருப்பது அரசின் சலுகைகளைப் பெறவே என்று குற்றம் சாட்டியுள்ளார்.

எனது பயணம் தொடரவேண்டும் என்பது அவன் சித்தமும் மக்கள் விருப்பமும் போலும்

The post அரசியல் கட்சியை ஆரம்பித்தார் முன்னாள் முதல்வர் விக்னேஸ்வரன் appeared first on Puthinam NEWS புதினம் - Sri Lanka Tamil NEWS.