Ruble – Puthinam NEWS புதினம் – Sri Lanka Tamil NEWS

ரஷ்யாவில் மாஸ்டர்காட் பரிவர்த்தனைகள் இடைநிறுத்தம்

புதினம் — Tue, 01 Mar 2022 06:14:46 +0000

உக்ரைன் மீதான ரஷ்யாவின் ஆக்கிரமிப்பினால் ஐரோப்பிய ஒன்றியம் மற்றும் அமெரிக்கா உட்பட பல நாடுகள் ரஷ்யா மீது பொருளாதாரத் தடைகளை ஏற்படுத்தியுள்ளன. இதனையடுத்து ரஷ்யாவின் பல வங்கிகள் சுவிவ்ட் (SWIFT) சர்வதேச பணப் பரிவர்த்தனைகளை மேற்கொள்ளவும் தடை விதிக்கப்பட்டது.

தற்போது, உலகம் முழுவதும் வங்கி அட்டைகளை (Debit and Credit cards) சேவையினை வழங்கிவரும் நிறுவனங்களின் ஒன்றான மாஸ்டர்காட் (Mastercard) நிறுவனமும் தனது பண பரிவர்த்தனைகளை ரஷ்யாவில் இடைநிறுத்தியுள்ளது.

ஏற்கனவே ரஷ்ய ரூபிளின் பெறுமதி வீழ்ச்சியடைந்துள்ள நிலையில்,மாஸ்டர்காட் (Mastercard) நிறுவனத்தின் பரிவர்த்தனை இடைநிறுத்தமும் சாதாரண ரஷ்ய மக்களை மேலும் கஷ்டத்தினுள் தள்ளும் என்பதில் ஐயமில்லை.

The post ரஷ்யாவில் மாஸ்டர்காட் பரிவர்த்தனைகள் இடைநிறுத்தம் appeared first on Puthinam NEWS புதினம் - Sri Lanka Tamil NEWS.

ரஷ்ய ரூபிளின் பெறுமதி 30 வீதத்தினால் வீழ்ச்சி

புதினம் — Mon, 28 Feb 2022 05:19:50 +0000

அமெரிக்க டொலருக்கு எதிராக ரஷ்ய ரூபிளின் பெறுமதி 30% இனால் வீழ்ச்சியடைந்துள்ளது.

உக்ரைனின் மீதான படையெடுப்பின் பின்னர், மேற்குலக நாடுகள் பல ரஷ்யாவிற்கெதிராக பல பொருளாதாரத் தடைகளை ஏற்படுத்தியிருந்தன. மேலும் ரஷ்யாவின் பல வங்கிகள் சுவிவ்ட் (Swift) சர்வதேச பரிவர்த்தனைகளை மேற்கொள்ளவும் தடை விதிக்கப்பட்டிருந்தன. இதன் காரணமாக ரஷ்ய பணத்தின் பெறுமதி வரலாறு காணாத அளவிற்கு வீழ்ச்சியடைந்துள்ளது.

ரஷ்யாவின் பல வங்கிகள் மீது ஐரோப்பிய ஒன்றியம், அமெரிக்கா மற்றும் நேச நாடுகள் மேற்கொண்ட சுவிவ்ட் (Swift) சர்வதேச பரிவர்த்தனை தடையானது, இதுநாள் வரையில் ரஷ்யாவிற்கெதிராக மேற்கொள்ளப்பட்ட தடைகளில் கடினமானதும் மிகப்பெரிய தடையுமாகும்.

The post ரஷ்ய ரூபிளின் பெறுமதி 30 வீதத்தினால் வீழ்ச்சி appeared first on Puthinam NEWS புதினம் - Sri Lanka Tamil NEWS.