suicide – Puthinam NEWS புதினம் – Sri Lanka Tamil NEWS

சிட்னியில் தொடரூந்து முன் பாய்ந்து தமிழ் இளைஞன் தற்கொலை

புதினம் — Fri, 24 Jul 2020 00:13:35 +0000

ஆஸ்திரேலியாவின் சிட்னியில் அகதி அந்தஸ்து கோரி விண்ணப்பித்திருந்த தமிழ் இளைஞன் ஒருவர் தொடரூந்தின் முன் பாய்ந்து தன் உயிரை மாய்த்துள்ளார்.

மட்டக்களப்பு களுவாஞ்சிக்குடியைப் சேரந்த 36 வயதான இளைஞரே இவ்வாறு தற்கொலை செய்துள்ளார்.

நான்கு வருடங்களாக அகதி அந்தஸ்து கிடைப்பதற்காக முயற்சி செய்தும், இவரது கோரிக்கையை ஆஸ்திரேலிய அரசு இரு தடவைகள் நிராகரித்துள்ளது. இதன்மூலம் ஏற்பட்ட மன உளைச்சலாலேயே இவர் இவ்வாறான துரதிஷ்டவசமான முடிவை எடுத்திருக்கலாம் என அஞ்சப்படுகிறது.

சட்டவிரோதமாக ஆஸ்திரேலியா வருபவர்களுக்கு குடியுரிமை வழங்கப்படமாட்டாது என ஆஸ்திரேலிய அரசு தொடர்ச்சியாக தெரிவித்து வருகின்றமை குறிப்பிடத்தக்கது.

The post சிட்னியில் தொடரூந்து முன் பாய்ந்து தமிழ் இளைஞன் தற்கொலை appeared first on Puthinam NEWS புதினம் - Sri Lanka Tamil NEWS.

ஆஸ்திரேலியாவில் புகலிடம் கோரி வந்த குடும்பஸ்தர் தற்கொலை

புதினம் — Tue, 28 Aug 2018 04:41:04 +0000

ஆஸ்திரேலியா நாட்டிற்கு புகலிடம் கோரி வந்த, வவுனியா கோவில்குளம் பகுதியைச் சேர்ந்த வசந்தகுமார் என்பவர் தற்கொலை செய்துகொண்டுள்ளார்.

அகதி அந்தஸ்து கிடைக்காமல் மன உளைச்சலில் பாதிக்கப்பட்டிருந்த வசந்தகுமார் வைத்தியசாலையில் அனுமதிக்கப்பட்டிருந்த நிலையில், தூக்கிட்டு தற்கொலை செய்ய முயற்சித்திருந்தார். இதனால் அவரது மூளைச் சாவு அடைந்த நிலையில், செயற்கை சுவாசம் வழங்கப்பட்டிருந்தது.

மருத்துவரீதியில் தொடர்ந்தும் செயற்கை சுவாசம் வழங்குவதில் பலனில்லை என்பதை உணர்ந்த வைத்தியர்கள், கடந்த ஞாயிற்றுக்கிழமை (26/08) செயற்கை சுவாசம் வழங்குவதை நிறுத்தினர்.

மரணமடைந்த வசந்தகுமார் நான்கு பெண் பிள்ளைகளின் தந்தையாவார்.

The post ஆஸ்திரேலியாவில் புகலிடம் கோரி வந்த குடும்பஸ்தர் தற்கொலை appeared first on Puthinam NEWS புதினம் - Sri Lanka Tamil NEWS.

நான்கு மாணவிகள் தற்கொலை, தலைமை ஆசிரியை உட்பட இருவர் தற்காலிக பணி நீக்கம்

புதினம் — Sat, 25 Nov 2017 23:52:04 +0000

வேலூர் மாவட்டம் அரக்கோணம் அருகே, பனப்பாக்கம் அரசு பள்ளியைச் சேர்ந்த 11ம் வகுப்பு மாணவிகளான தீபா, மனிஷா, சங்கரி மற்றும் ரேவதி ஆகியோர் கடந்த வெள்ளியன்று (24-11) பள்ளிக்கு அருகில் இருந்த 83 அடி ஆழக்கிணற்றில் விழுந்து தற்கொலை செய்துகொண்டனர்.

மாணவிகளின் மரணத்தில் சந்தேகம் உள்ளதாக பெற்றோர்கள் கூறியதையடுத்து, சந்தேக மரணம் என்ற அடிப்படையில் வழக்கு பதிவு செய்யப்பட்டுள்ளது. இதனிடையே, அவர்கள் பயின்று வந்த பள்ளியின் தலைமை ஆசிரியை, மற்றும் ஆசிரியை ஒருவரும் பணியிடை நீக்கம் செய்யப்பட்டுள்ளதாக வேலூர் மாவட்ட முதன்மைக் கல்வி அதிகாரி மார்ஸ் தெரிவித்துள்ளார்.

The post நான்கு மாணவிகள் தற்கொலை, தலைமை ஆசிரியை உட்பட இருவர் தற்காலிக பணி நீக்கம் appeared first on Puthinam NEWS புதினம் - Sri Lanka Tamil NEWS.