General Election 2020 – Puthinam NEWS புதினம் – Sri Lanka Tamil NEWS

தமிழரசுக் கட்சியின் செயலாளர் பதவி விலகினார்

புதினம் — Fri, 11 Sep 2020 09:31:05 +0000

இலங்கை தமிழரசுக் கட்சியின் செயலாளர் கிருஷ்ணபிள்ளை துரைராசசிங்கம் தனது பதவியிலிருந்து விலகியுள்ளார். இவர் தனது தனிப்பட்ட காரணங்களுக்காக பதவி விலகுவதாக தனது பதவி விலகல் கடிதத்தில் தெரிவித்துள்ளார்.

தமிழ் தேசியக் கூட்டமைப்பிற்கு கிடைக்கப்பெற்ற தேசிய பட்டியல் ஆசனத்தை வழங்குவதில் இவர் தன்னிச்சையாக செயற்பட்டார் என அண்மையில் இவருக்கெதிராக கண்டனத் தீர்மானம் நிறைவேற்றப்பட்டிருந்தமையும் இங்கு குறிப்பிடத்தக்கது.

The post தமிழரசுக் கட்சியின் செயலாளர் பதவி விலகினார் appeared first on Puthinam NEWS புதினம் - Sri Lanka Tamil NEWS.

யாழ் தேர்தல் மாவட்ட முடிவுகளின் ஒப்பீடு

புதினம் — Mon, 10 Aug 2020 12:59:02 +0000

யாழ் தேர்தல் மாவட்டத்தில் 2015 நாடாளுமன்ற தேர்தலுடன் ஒப்பிடுகையில், 2020 இற்கான நாடாளுமன்ற தேர்தலில் கஜேந்திரகுமார் பொன்னம்பலம் தலைமையிலான தமிழ் தேசியத்திற்கான மக்கள் முன்னணி, டக்ளஸ் தேவாந்தா தலைமையிலான ஈழ மக்கள் ஜனநாயகக் கட்சி மற்றும் அங்கஜன் தலைமையிலான இலங்கை சுதந்திரக் கட்சி ஆகியன மக்கள் மத்தியில் பெரும் ஆதரவைப் பெற்றுள்ளன.

இதேவேளை வடமாகாண சபை முன்னாள் முதல்வரான சி.வி.விக்னேஸ்வரன் தலைமையில் போட்டியிட்ட தமிழ் மக்கள் தேசியக் கூட்டணி (சின்னம் ) 35,927 வாக்குகளைப் பெற்று ஒரு ஆசனத்தையும் கைப்பற்றியது. குறுகிய காலத்தில் உருவாக்கப்பட்ட தமிழ் மக்கள் தேசியக் கூட்டணியையும் யாழ் மக்கள் அங்கீகரித்து ஒரு ஆசனத்தைப் பெறச் செய்துள்ளனர் என்பதும் இங்கே குறிப்பிடத்தக்கது.

2015 நாடாளுமன்ற தேரத்லுடன் ஒப்பிடும்போது, யாழ் தேர்தல் மாவட்டத்தில் மட்டும் இலங்கை தமிழரசுக் கட்சி 94,590 வாக்குகளை இழந்துள்ளது. இது ஒரு மாபெரும் இழப்பாகும்.

நல்லாட்சி அரசின் முழு ஆசீர்வாதம் இருந்திருந்தும் எதையுமே மக்களுக்குப் பெரிதாகச் செய்திராமை, பழைய வேட்பாளர்களே தேர்தலில் மீண்டும் போட்டியிட்டமை, இளைஞர்களுக்கு வாய்ப்பளிக்காமை போன்ற காரணங்களால் இம்முறை மக்களின் மனங்களை அவர்களால் வெல்ல முடியாமல் போயுள்ளது.

தமிழ் தேசியத்திற்கான மக்கள் முன்னணி

தமிழ் தேசியத்திற்கான மக்கள் முன்னணி (சின்னம் ) பல சவால்களின் மத்தியில் போட்டியிட்டு, யாழ் தேர்தல் மாவட்டத்தில் 55,303 வாக்குகளப் பெற்று ஒரு ஆசனத்தையும் வென்றது. 2015 தேர்தலுடன் ஒப்பிடும்போது, இது ஏறக்குறைய 268% அதிகரிப்பாகும். அவர்களைப் பொறுத்தமட்டில் இது ஒது இமாலய சாதனையாகும். மேலும் தேசிய பட்டியலிலும் ஒரு ஆசனத்தை வென்று, மொத்தமாக இரு ஆசனக்களைக் கைப்பற்றி தம்மை மிகவும் வலுப்படுத்தியுள்ளனர்.

கிளிநொச்சி மாவட்டம் மற்றும் ஊர்காவற் தொகுதி (தீவகப் பகுதிகளில்) தமிழ் தேசியத்திற்கான மக்கள் முன்னணி பெரிதாக வாக்குகளைப் பெறவில்லை. அவர்கள் பிரச்சார நடவடிக்கைகளை ஒழுங்காக முன்னெடுக்கவில்லையோ எனத் தோன்றுகிறது. கிளிநொச்சி மாவட்டத்தில் வெறும் 2,528 வாக்குகளையே பெற்றுள்ளார்கள். இதேவேளை ஊர்காவற்துறை தொகுதியில் 1,376 வாக்குகளையே பெற்றுள்ளார்கள்.

கிளிநொச்சி மாவட்டத்தில் தமிழரசுக் கட்சி 31,156 வாக்குகளைப் பெற்றிருந்தார்கள் என்பது குறிப்பிடத்தக்கது.

ஈழ மக்கள் ஜனநாயகக் கட்சி

ஈழ மக்கள் ஜனநாயகக் கட்சியைப் பொறுத்த மட்டில் யாழ் தேர்தல் மாவட்டத்தில் ஒரு நிலையான வாக்கு வங்கி உள்ளது. இருப்பினும் அக்கட்சியின் முன்னாள் நாடாளமன்ற உறுப்பினரான முருகேசு சந்திரகுமார் இம்முறை தனித்து சுயாதீனமாகப் போட்டியிட்டதால், வாக்கு வங்கியில் சரிவு வருமென எதிர்பார்க்கப்பட்டது. இருப்பினும் ஈழ மக்கள் ஜனநாயகக் கட்சி இம்முறை 45,797 வாக்குகளைப் பெற்றுள்ளனர. இது 2015 பெற்ற வாக்குகளை விட 51.4% அதிகமாகும்.

சந்திரிக்கா மற்றும் மகிந்த அரசில் அங்கம் வகித்த டக்ளஸ் தேவானந்தாவினால் அபிவிருத்தி என பெரிதாக எதையும் செய்ய முடியாது போயிருந்தாலும், பல இளைஞர் யுவதிகளுக்கு வேலைவாய்ப்பினைப் பெற்றுக் கொடுத்திருப்பதனால், அவரது வாக்கு வங்கியில் எப்போதும் வீழ்ச்சி வரப்போவதில்லை.

அங்கஜன் இராமநாதன்

இலங்கை சுதந்திரக் கட்சி உறுப்பினரான அங்கஜன் இராமநாதன் கை சின்னத்தில் () நின்று யாழ் மாவட்டத்தின் அதிகூடிய விருப்பு வாக்குகளைப் (36,356) பெற்று சாதனை படைத்துள்ளார். இவர் சுதந்திரக் கட்சி உறுப்பினராக இருப்பினும், இவரை இப்போது வழி நடத்துவது மகிந்த அணியா (பொதுஜன பெரமுன) அல்லது சுதந்திரக் கட்சியா என தெரியவில்லை.உயர் அரச செல்வாக்கு மற்றும் பணபலம் இருப்பதனால் அங்கஜனால் பிரச்சாரங்கள் மிகத் திறமையாக முன்னெடுக்கப்பட்டிருந்ததுடன் தனித்து நின்று சிறப்பாக செயற்பட்டுக்கொண்டிருக்கிறார்.

இம்முறை யாழ் தேர்தல் மாவட்டத்தில் சுதந்திரக் கட்சி 49,373 வாக்குகளைப் பெற்றிருந்தது. இது 2015 தேர்தலுடன் ஒப்பிடும்போது, ஏறக்குறைய 185% அதிகரிப்பு. ஒரு பழம்பெரும் தேசியக் கட்சி தனித்துப் போட்டியிட்டு ஒரு ஆசனத்தை வென்றது யாழில் மட்டுமே!! அதுவும் முற்றுமுழுதாக தமிழ் வாக்குகள் மூலம் கிடைத்த வெற்றி. இதற்கு பிரதியுபகாரமாக அங்கஜன் நல்லது செய்வாரென்று நம்புவோமாக.

இனிவரும் காலங்கள் பல சவால்கள் நிறைந்தவையாக அமையப் பெறும். கொரோனா தாக்கத்தினால் உலகமே தலை கீழாகப் போயுள்ளது. அபிவிருத்தியடைந்த நாடுகள் பாரிய பொருளாதார பின்னடைவுகளை எதிர்கொண்டுள்ளன. இலங்கைக்கு கிடைக்கும் உதவிகளின் எண்ணிக்கையில் பல மடங்கு வீழ்ச்சி ஏற்படும். இதனால் அபிவிருத்தி மற்றும் வேலைவாய்ப்பில் தடங்கல்கள் ஏற்படும். ஆகவே தன்னிறைவான பொருளாதாரத்திற்கான வழிவகைகளைக் கண்டறிந்து யாழ் முதல் காலிவரை அதனை ஊக்குவித்து, மேம்படுத்தினால் மட்டுமே இலங்கை அபிவிருத்தியடையும். இதற்கு நாடாளுமன்ற உறுப்பினர்களின் பங்களிப்பும் மிக மிக அவசியம்.

The post யாழ் தேர்தல் மாவட்ட முடிவுகளின் ஒப்பீடு appeared first on Puthinam NEWS புதினம் - Sri Lanka Tamil NEWS.

தமிழ்க் கூட்டமைப்பின் தேசிய பட்டியல் விவகாரம் சர்ச்சையில் !!

புதினம் — Sun, 09 Aug 2020 23:58:38 +0000

நடந்து முடிந்த இலங்கை நாடாளுமன்ற தேர்தலில் பாரிய பின்னடைவைச் சந்தித்துள்ள தமிழ் தேசியக் கூட்டமைப்பினரின் தேசிய பட்டியல் ஆசனம் வழங்கலில் சர்ச்சை ஏற்பட்டுள்ளது.

கிடைத்த ஒரே ஒரு தேசிய பட்டியல் ஆசனத்திற்கு கூட்டமைப்பிற்குள்ளேயே சர்ச்சைகள் எழுந்துள்ளது.

பங்காளிக் கட்சிகளான டெலோ மற்றும் புளொட்டுடன் கலந்து ஆலோசிக்காமல் தேசிய பட்டியல் ஆசனம் அம்பாறை மாவட்டத்திற்கு வழங்கப்பட்டுள்ளது. இதை அக்கட்சியின் தலைவர்களான செல்வம் அடைக்கலநாதன் மற்றும் சித்தார்த்தன் ஆகியோர் ஊடக சந்த்திப்பில் சுட்டிக்காட்டியுள்ளனர்.

அம்பாறை மாவட்டத்தில் தமிழ் பிரதிநிதித்துவம் இல்லாமல் போயுள்ளது. எனவே அந்த மாவத்திற்கு தேசிய பட்டியல் வழங்கியதில் தமக்கு எவ்வித முரண்பாடும் இல்லை. இருப்பினும் பங்காளிக் கட்சிகளான எம்முடன் இது தொடர்பாக ஆலோசிக்காமல் தன்னிச்சையாக கூட்டமைப்பின் தலைவர் சம்பந்தன் முடிவெடுத்தமை ஆரோக்கியமானதல்ல என செல்வம் அடைக்கலநாதன் தெரிவித்துள்ளார்.

மேலும் தேசிய பட்டியல் ஆசனம் யாருக்கு வழங்குவதுதென்பது தமிழரசுக் கட்சியின் தலைவர் மாவை சேனாதிராஜாவிற்கே அறிவிக்கப்படவில்லை எனவும் தெரிய வருகிறது !! இருப்பினும் இது உறுதிப்படுத்தப்படவில்லை.

The post தமிழ்க் கூட்டமைப்பின் தேசிய பட்டியல் விவகாரம் சர்ச்சையில் !! appeared first on Puthinam NEWS புதினம் - Sri Lanka Tamil NEWS.

நான்காவது தடவையாக பிரதமரான மகிந்த ராஜபக்ச

புதினம் — Sun, 09 Aug 2020 05:58:50 +0000

மகிந்த ராஜபக்ச இலங்கையின் பிரதமராக மீண்டும் சத்தியப் பிரமாணம் செய்துகொண்டார்.

இலங்கையின் முன்னாள் ஜனாதிபதி மகிந்த ராஜபக்ச, தனது சகோதரரும் ஜனாதிபதியுமான கோத்தபாய ராஜபக்ச முன்னிலையில் களனி ரஜ மஹா விகாரையில் பதவியேற்றார்.

mahinda rajapaksa premier

மகிந்த ராஜபக்ச பிரதமராவது இது நான்காவது முறையாகும். பொதுஜன பெரமுனவில் போட்டியிட்டு 527,364 விருப்பு வாக்குகளைப் பெற்று வெற்றி பெற்றிருந்தார். இதுவே இலங்கையில் வேட்பாளர் ஒருவர் பெறும் அதிக விருப்பு வாக்குகளாகும். இதற்கு முன்னர் 2015ல் இடம்பெற்ற தேர்தலில், ரணில் விக்கிரமசிங்க 500,566 விருப்பு வாக்குகளைப் பெற்றிருந்தார் என்பது குறிப்பிடத்தக்கது.

The post நான்காவது தடவையாக பிரதமரான மகிந்த ராஜபக்ச appeared first on Puthinam NEWS புதினம் - Sri Lanka Tamil NEWS.

தமிழரசுக் கட்சியின் பாரிய வீழ்ச்சியும், குரூர முகமும் !

புதினம் — Sun, 09 Aug 2020 02:39:30 +0000

நடந்து முடிந்த நாடாளுமன்ற தேர்தலில் தமிழரின் ஏக பிரதிநிதிகள் என கருதப்பட்ட தமிழ்த் தேசியக் கூட்டமைப்பின் வாக்கு வங்கி பாரிய வீழ்ச்சியைச் சந்தித்துள்ளது.

2015 மற்றும் 2020 நாடாளுமன்ற தேர்தல் முடிவுகளின் ஒப்பீடு

தமிழரசுக் கட்சியை அடித்தளமாகக்கொண்ட தமிழ்த் தேசியக் கூட்டமைப்பின் வீழ்ச்சியானது, வடக்கு கிழக்கு தமிழ் மக்கள் மாற்று அணியை அல்லது தலமைத்துவத்தை எதிர்பார்க்கிறார்கள் என்பதற்குரிய ஒரு சமிக்ஞை ஆகும்.

இதேவேளை கூட்டமைப்பின் வீழ்ச்சியானது சிங்கள பேரினவாத அரசிற்கு பாரிய உற்சாகத்தைக் கொடுக்கக்கூடிய ஒரு விடயமாகும்.

2015 மற்றும் 2020 நாடாளுமன்ற தேர்தல் முடிவுகளின் ஒப்பீடு – யாழ்ப்பாண தேர்தல் மாவட்டம்

தமிழரசுக் கட்சியின் வேட்பாளர் தெரிவிலேயே வீழ்ச்சி தொடங்கிவிட்டது என்றே கருதவேண்டியுள்ளது. இலங்கையிலேயே விசேட அதிரடிப் படையுடன் வலம் வரும் ஒரே ஒரு நாடாளுமன்ற உறுப்பினரான சுமந்திரனின் தீர்க்கதரிசனமற்ற சில செயற்பாடுகள், தமிழ் தேசியக் கூட்டமைப்பை அதல பாதாளத்தில் வீழ்த்தியுள்ளது என்பதை எவரும் மறுத்துவிட முடியாது.

தமிழ் மக்களுக்கு அறிமுகமில்லாத அம்பிகா சற்குணநாதன் போன்றோரை வேட்பாளராக்க சுமந்திரன் முயன்றதும், பின்னர் கட்சியின் மற்றைய உறுப்பினர்களின் பெரும் அழுத்தத்தினால் அது கைவிடப்பட்டது என்பதும் இங்கே குறிப்பிடத்தக்கது.

இறுதி நேரத்தில் வாக்குகள் அதிகம் பெறுவதற்காக, யாழ் மாநகர சபை முதல்வரான ஆர்னோல்ட்டை தேர்தலில் இறக்கி, அவரின் மக்கள் செல்வாக்கையும் வீணடித்துள்ளார் சுமந்திரன்.

மேலும் கட்சி வேட்பாளர்களே ஒற்றுமையின்றி செயற்பட்டுள்ளார்கள். தமது சக வேட்பாளர்களையே பிரச்சார மேடைகளில் தாழ்த்திப் பேசி கட்சியின் வீழ்ச்சியை மேலும் இலகுவாக்கி உள்ளார்கள். முன்னாள் நாடாளுமன்ற உறுப்பினரான சரவணபவன் தனது தினசரிப் பத்திரிகையில், சுமந்திரனுக்கு எதிராக பல அவதூறுகளைப் பரப்பியுள்ளார் என சுமந்திரனே வெளிப்படையாக குற்றம் சுமத்தியுள்ளார்.

விருப்பு வாக்கு மோசடி

தேர்தலின் முன்பே சிறிதரன், மற்றும் சுமந்திரன் போன்றோருக்கெதிராக பல எதிர்மறையான கருத்துக்கள் சமூக வலைத்தளங்கள் மற்றும் இணைய ஊடகங்களில் வலம் வந்துகொண்டிருந்தன. இருப்பினும் சிறிதரன் 35,884 விருப்பு வாக்குகள் பெற்று தமிழ் தேசியக் கூட்டமைப்பிலேயே முதலாவதாக வந்துள்ளார்.

இவரின் உதவியுடனேயே, ஐந்தாம் இடத்திலிருந்த சுமந்திரன் கிளிநொச்சி மாவட்ட வாக்குகளைப் பாவித்து இரண்டாம் இடத்திற்கு வந்துள்ளதாக ஊர்ஜிதமற்ற செய்திகள் தெரிவிக்கின்றன.

ஏற்கனவே எண்ணி முடிக்கப்பட்ட கிளிநொச்சி வாக்குகளின் விபரங்கள், யாழ் தேர்தல் மத்திய நிலையத்திற்கு இறுதி நேரத்திலேயே அனுப்பி வைக்கப்படதாக தகவல்கள் தெரிவிக்கின்றன. இதனாலேயே பல சந்தேகமானதும் மற்றும் நம்பகத்தன்மையற்ற சூழ்நிலை உருவாகியிருக்கின்றது.

நாடாளுமன்ற உறுப்பினராக தெரிவு செய்யப்பட்ட சித்தார்த்தன் வாக்கு எண்ணும் நிலையத்திலிருந்து தெரிவித்த கருத்து

உள்ளூர் அரச மட்டத்தில் விருப்பு வாக்குகளில் மாற்றம் செய்வதென்பது சற்று கடினமானதொன்றாகும். இருப்பினும் மிக உயர் மட்டத்தில் இருந்து அழுத்தங்கள் வரும்போது செய்ய முடியாததென்று எதுவுமில்லை.

சுமந்திரனின் எதிர்கால திட்டங்கள்

தமிழரசுக் கட்சியைப் பொறுத்தமட்டில் சுமந்திரன் சட்ட அறிவு மற்றும் மொழி அறிவு அதிமமுள்ளவர் என்பதில் எந்த மாற்றுக் கருத்துமில்லை. இருப்பினும் அது மக்களிற்கும், கட்சிக்கும் நன்மை தரக்கூடியதாக இருக்க வேண்டும்.

தேர்தல் முடிந்த பின்னர் சுமந்திரனால் மட்டும் நடத்தப்பட்ட பத்திரிகையாளர் சந்திப்பில், தமிழரசுக் கட்சியின் தலவைர் மற்றும் செயலாளர் தோல்வி அடைந்த விதத்தை அவர் சுட்டிக்காட்டிய விதம் சற்று முகம் சுழிக்க வைத்தது.

“தமிழரசுக் கட்சியின் தலைவர் மற்றும் பொதுச் செயலாளர் ஆகியோர் தோல்வியைத் தழுவியுள்ளனர். அதுவும் ஒரு சில வாக்குகளால் அல்ல, தீர்மானமாக தோல்வியடைந்துள்ளனர். அது தொடர்பாகவும் கட்சி நடவடிக்கை எடுக்க வேண்டும்” என சுமந்திரன் குறிப்பிட்டிருந்த விதம் அவரின் பார்வை தமிழரசுக் கட்சியின் தலைமைப் பதவியைக் குறி வைப்பதைப் போல இருந்தது.

ஆர்னோல்ட்டைப் போலவே இறுதி நேரத்தில் வேட்பாளராக்கப்பட்ட திருமதி ரவிராஜ் அவர்கள், தேர்தலின் பின் கழட்டிவிடப்பட்டுள்ளார். திருமதி ரவிராஜ் அதிகளவில் வாக்குகளைப் பெறுவார் என எவரும் எதிர் பார்த்திருக்க மாட்டார்கள். மேலும் அவரின் வெற்றியை அயல் நாடும், சிங்கள பேரினவாத அரசும் ஒருபோதும் விரும்பாது.

ஏனெனில் நாடாளுமன்ற உறுப்பினரான ரவிராஜை சுட்டுக் கொன்றது யார் என்பதை உலகறியும். இருப்பினும் அது தொடர்பாக கண்துடைப்பு நடவடிக்கையே எடுக்கப்பட்டுள்ளது. மூல காரணமானவர்களைக் கைது செய்யாமல், கைக்கூலிகளை கைது செய்து, ரணில் அரசாங்கம் எதிர்க்கட்சியான தமிழ் தேசியக் கூட்டமைப்புடன் சேந்து அரசியல் பயணம் மேற்கொண்டது.

இப்படியான நிகழ்வுகள் மற்றம் குரூர எண்ணங்கள் ஒருபோதும் உண்மையான அரசியல் செய்ய இடமளிக்கப்போவதில்லை.

இப்படியான சந்தர்ப்பத்தை கஜேந்திரகுமார் பொன்னம்பலத்தின் தலைமையிலான தமிழ் தேசிய மக்கள் முன்னணி மற்றும் விக்னேஸ்வரன் தலைமையிலான தமிழ் மக்கள் தேசியக் கூட்டணி சரியான முறையில் பயன்படுத்த வேண்டும். தமிழர்களுக்கான ஒரு சிறப்பான, உண்மையான அரசியல் பாதையை அவ்விரு கட்சிகளும் இட்டுச் செல்லவேண்டும்.

The post தமிழரசுக் கட்சியின் பாரிய வீழ்ச்சியும், குரூர முகமும் ! appeared first on Puthinam NEWS புதினம் - Sri Lanka Tamil NEWS.

வடக்கு கிழக்கு மாகாணத்தில் கட்சிகள் பெற்ற வாக்குகள்

புதினம் — Sat, 08 Aug 2020 05:44:06 +0000

தமிழரசுக் கட்சி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	112,967	3
வன்னி	69,916	3
மட்டக்களப்பு	79,460	2
திருகோணமலை	39,570	1
அம்பாறை	25,220	–

அகில இலங்கை தமிழ்க் காங்கிரஸ்

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	55,303	1
வன்னி	8,232	–
மட்டக்களப்பு	1,203	–
திருகோணமலை	2,745	–
அம்பாறை	–	–

ஈழ மக்கள் ஜனநாயகக் கட்சி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	45,797	1
வன்னி	11,310	1
மட்டக்களப்பு	–	–
திருகோணமலை	3,775	–
அம்பாறை	–	–

தமிழ் மக்கள் தேசியக் கூட்டணி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	35,927	1
வன்னி	8,789	–
மட்டக்களப்பு	4,960	–
திருகோணமலை	1,625	–
அம்பாறை	–	–

The post வடக்கு கிழக்கு மாகாணத்தில் கட்சிகள் பெற்ற வாக்குகள் appeared first on Puthinam NEWS புதினம் - Sri Lanka Tamil NEWS.

நாடாளுமன்ற தேர்தல் முடிவுகள் 2020 – திருகோணமலை மாவட்டம்

புதினம் — Sat, 08 Aug 2020 01:46:49 +0000

நாடாளுமன்ற தேர்தல் 2020 – திருகோணமலை மாவட்டம்

கட்சிகள் பெற்ற மொத்த வாக்குகள்

ஐக்கிய மக்கள் சக்தி – 86,394 40.56% பொதுஜன பெரமுன – 68,681 32.25% இலங்கை தமிழரசுக் கட்சி – 39,570 18.58% ஈழ மக்கள் ஜனநாயகக் கட்சி – 3,775 1.77% அகில இலங்கை தமிழ் காங்கிரஸ் – 2,745 1.29% தேசிய மக்கள் சக்தி – 2,226 1.05% ஐக்கிய தேசியக் கட்சி – 1,765 0.83%

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
ஐக்கிய மக்கள் சக்தி	2
பொதுஜன பெரமுன	1
இலங்கை தழிழரசுக் கட்சி	1
ஈழ மக்கள் ஜனநாயக் கட்சி	–
அகில இலங்கை தமிழ் காங்கிரஸ்	–
தேசிய மக்கள் சக்தி	–
ஐக்கிய தேசியக் கட்சி	–

நாடாளுமன்ற தேர்தல் முடிவுகள் 2020 – மட்டக்களப்பு மாவட்டம்

நாடாளுமன்ற தேர்தல் முடிவுகள் 2020 – வன்னி மாவட்டம்

நாடாளுமன்ற தேர்தல் முடிவுகள் 2020 – யாழ் மாவட்டம்

நாடாளுமன்ற தேர்தல் முடிவுகள் 2020

The post நாடாளுமன்ற தேர்தல் முடிவுகள் 2020 – திருகோணமலை மாவட்டம் appeared first on Puthinam NEWS புதினம் - Sri Lanka Tamil NEWS.

நாடாளுமன்ற தேர்தல் முடிவுகள் 2020 – மட்டக்களப்பு, அம்பாறை மாவட்டங்கள்

புதினம் — Fri, 07 Aug 2020 13:03:30 +0000

நாடாளுமன்ற தேர்தல் 2020 – மட்டகளப்பு மாவட்டம்

கட்சிகள் பெற்ற மொத்த வாக்குகள்

இலங்கை தமிழரசுக் கட்சி – 79,460
26.6%
தமிழ் மக்கள் விடுதலைப் புலிகள் – 67,692
22.71%
இலங்கை முஸ்லிம் காங்கிரஸ் – 34,428
11.55%
பொதுஜன பெரமுன – 33,424
11.22%
ஐக்கிய அமைதிக் கூட்டணி – 31,054
10.42%
ஐக்கிய மக்கள் சக்தி – 28,362
9.52%
தமிழர் ஐக்கிய விடுதலை முன்னணி – 8,133
2.7%

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
இலங்கை தழிழரசுக் கட்சி	2
தமிழ் மக்கள் விடுதலைப் புலிகள்	1
இலங்கை முஸ்லிம் காங்கிரஸ்	1
பொதுஜன பெரமுன	1
தமிழ் மக்கள் தேசியக் கட்சி	–
ஐக்கிய மக்கள் சக்தி	–
ஐக்கிய தேசியக் கட்சி	–

நாடாளுமன்ற தேர்தல் 2020 – அம்பாறை மாவட்டம்

கட்சிகள் பெற்ற மொத்த வாக்குகள்

பொதுஜன பெரமுன – 126,012
32.65%
ஐக்கிய மக்கள் சக்தி – 102,274
26.5%
அகில இலங்கை மக்கள் காங்கிரஸ் – 43,319
11.22%
தேசிய காங்கிரஸ் – 38,911
10.8%
அகில இலங்கை தமிழ் மகா சபை – 29,379
7.61%
இலங்கை தமிழ் அரசுக் கட்சி – 25,220

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
பொதுஜன பெரமுன	3
ஐக்கிய மக்கள் சக்தி	2
அகில இலங்கை மக்கள் காங்கிரஸ்	1
தேசிய காங்கிரஸ்	1
அகில இலங்கை தமிழ் சபை	–
இலங்கை தமிழ் அரசுக் கட்சி	–

நாடாளுமன்ற தேர்தல் முடிவுகள் 2020 – வன்னி மாவட்டம்

நாடாளுமன்ற தேர்தல் முடிவுகள் 2020 – யாழ் மாவட்டம்

நாடாளுமன்ற தேர்தல் முடிவுகள் 2020

The post நாடாளுமன்ற தேர்தல் முடிவுகள் 2020 – மட்டக்களப்பு, அம்பாறை மாவட்டங்கள் appeared first on Puthinam NEWS புதினம் - Sri Lanka Tamil NEWS.

யாழ் செயலகத்தில் குழப்பம், விசேட அதிரடிப்படையுடன் வந்த சுமந்திரன்

புதினம் — Fri, 07 Aug 2020 02:37:57 +0000

யாழில் நாடாளுமன்ற தேர்தல் சுமூகமாக முடிவடைந்து, வாக்குகளும் எண்ணப்பட்டு, விருப்பு வாக்கு எண்ணும்போது பெரும் குழறுபடிகள் நிகழ்ந்துள்ளது.

இம்முறை தேர்தலில் பாரிய சரிவைச் சந்தித்துள்ள தமிழ் தேசியக் கூட்டமைப்பின் வேட்பாளரான சுமந்திரன், விருப்பு வாக்கில் மிகவும் பின்தங்கியிருந்தபோதும், இறுதி நேரத்தில் முன்னுக்கு கொண்டுவரப்பட்டமையால் பெரும் குழப்ப நிலை ஏற்பட்டது.

பெற்ற வாக்குகளின்படி திருமதி ரவிராஜ் இரண்டாம் நிலையில் இருந்துள்ளார். மூன்றாம் இடத்தில் சித்தார்த்தன் இருந்துள்ளார். இவர்கள் இருவருக்கும் கட்சி உறுப்பினர்கள் உட்பட பலர் ஏற்கனவே வாழ்த்தும் தெரிவித்துள்ளனர்.https://www.facebook.com/praviinaa.raviraj/posts/4303772706331440

https://www.facebook.com/praviinaa.raviraj/posts/4303772706331440

இருப்பினும் இறுதி நேரத்தில் திருமதி ரவிராஜ் தோல்வி என சொல்லி வெளியேற்றப்பட்டுள்ளார்.

யாழ் அரச அதிபரினால், அறிவிக்கப்பட்டுள்ள விருப்பு வாக்குளின் விபரம்,

1- அங்கஜன் இராமநாதன் – 36,356
2- சிறிதரன் – 35,884
3- டக்ளஸ் தேவானந்தா – 32,146
4- கஜேந்திரகுமார் பொன்னம்பலம் – 31,658
5- சுமந்திரன் – 27,834
6- செ.கஜேந்திரன் – 24,794
7- சித்தார்த்தன் – 23,840
8- திருமதி ச.ரவிராஜ் – 23,098
9- வி.மணிவண்ணன் – 22,741
10- சி.வி.விக்னேஸ்வரன் – 21,554
11- க.சுகாஷ் – 21,463
12- ஈ.சரவணபவன் – 20,358
13- மாவை சேனாதிராஜா – 20,292
14- கஜதீபன் – 19,058
15- ஆனோல்ட் – 15,386

The post யாழ் செயலகத்தில் குழப்பம், விசேட அதிரடிப்படையுடன் வந்த சுமந்திரன் appeared first on Puthinam NEWS புதினம் - Sri Lanka Tamil NEWS.

நாடாளுமன்ற தேர்தல் முடிவுகள் 2020 – வன்னி மாவட்டம்

புதினம் — Thu, 06 Aug 2020 12:02:18 +0000

நாடாளுமன்ற தேர்தல் 2020 – வன்னி மாவட்டம்

கட்சிகள் பெற்ற மொத்த வாக்குகள்

இலங்கை தமிழரசுக் கட்சி – 69,916 33.6% பொதுஜன பெரமுன – 45,524 20.46% ஐக்கிய மக்கள் சக்தி – 37,883 18.23% ஈழ மக்கள் ஜனநாயக் கட்சி – 11,310 5.54% இலங்கை சமூக ஜனநாயகக் கட்சி – 10,064 4.8% தமிழ் மக்கள் தேசியக் கூட்டணி – 8,789 4.2% இலங்கை தமிழ்க் காங்கிரஸ் – 8,232 3.9%

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
இலங்கை தழிழரசுக் கட்சி	3
பொதுஜன பெரமுன	1
ஐக்கிய மக்கள் சக்தி	1
ஈழ மக்கள் ஜனநாயகக் கட்சி	1
தமிழ் மக்கள் தேசியக் கூட்டணி	–
இலங்கை தமிழ் காங்கிரஸ்	–
ஐக்கிய தேசியக் கட்சி	–

வவுனியா

கட்சி	வாக்குகள்	ஆசனங்கள்
தமிழரசுக் கட்சி	22,849
பொதுஜன பெரமுன	18,696
ஐக்கிய மக்கள் சக்தி	11,170
இலங்கை சமூக ஜனநாயகக் கட்சி	6,758
ஈழ மக்கள் ஜனநாயகக் கட்சி	4,926
தமிழ் மக்கள் தேசியக் கூட்டணி	4,610
இலங்கை தமிழ் காங்கிரஸ்	3,993
சுயாதீன குழு (03)	1,696
சுயாதீன குழு (05)	858

மன்னார்

கட்சி	வாக்குகள்	ஆசனங்கள்
தமிழரசுக் கட்சி	20,266
ஐக்கிய மக்கள் சக்தி	14,632
பொதுஜன பெரமுன	12,050
சுயாதீன குழு (01)	2,565
ஈழ மக்கள் ஜனநாயகக் கட்சி	2,086
இலங்கை சமூக ஜனநாயகக் கட்சி	1,304
தமிழ் மக்கள் தேசியக் கூட்டணி	1.288
இலங்கை தமிழ் காங்கிரஸ்	1,198
ஐக்கிய தேசியக் கட்சி	495

முல்லைதீவு

கட்சி	வாக்குகள்	ஆசனங்கள்
தமிழரசுக் கட்சி	22,492
பொதுஜன பெரமுன	8,307
ஐக்கிய மக்கள் சக்தி	6,087
ஈழ மக்கள் ஜனநாயகக்	3,694
இலங்கை தமிழ் காங்கிரஸ்	2,472
தமிழ் மக்கள் தேசியக் கூட்டணி	2,155
இலங்கை சமூக ஜனநாயகக் கட்சி	1,690
சுயாதீன குழு (09)	601
சுயாதீன குழு (03)	439

வன்னி – தபால் மூல வாக்குகள்

கட்சி	வாக்குகள்	ஆசனங்கள்
தமிழரசுக் கட்சி	4,308
பொதுஜன பெரமுன	2,771
ஐக்கிய மக்கள் சக்தி	1,811
தமிழ் மக்கள் தேசியக் கூட்டணி	736
ஈழ மக்கள் ஜனநாயகக் கட்சி	602