Batticaloa – Puthinam NEWS புதினம் – Sri Lanka Tamil NEWS

தமிழரசுக் கட்சிக்கு 8 ஆசனங்கள்

புதினம் — Sat, 16 Nov 2024 09:52:55 +0000

வடக்கு கிழக்கின் பாரம்பரிய தமிழ் கட்சியான தமிழரசுக் கட்சிக்கு இம்முறை எட்டு ஆசனங்கள் கிடைக்கப் பெற்றுள்ளன. தனித்துப் போட்டியிட்ட தமிழரசுக் கட்சி எட்டு ஆசனங்களைப் பெற்றமை, அக்கட்சிக்கு ஒரு வகையில் வெற்றியே.

கட்சியின் முன்னாள் தலைவர் இரா.சம்பந்தனின் மறைவிற்குப் பின்னர் சந்திக்கும் முதலாவது பொதுத் தேர்தல் இதுவாகும்.

கடந்த காலங்களில் டெலோ, புளொட் மற்றும் சிறிய கட்சிகளுடன் கூட்டு சேர்ந்து தேர்தலில் போட்டியிட்ட தமிழரசுக் கட்சி, இம்முறை சுமந்திரனின் தலையீட்டினால் தனித்து களம் இறங்கியது. சுமந்திரன் மீதான உட்கட்சி மற்றும் இதர கூட்டணிக் கட்சிகளின் அதிருப்தி, தேசிய மக்கள் சக்தியின் பாரிய எழுச்சி மற்றும் வைத்தியர் அர்ச்சுனாவின் சுயேட்சைக் குழுவின் அதிரடியான பிரச்சாரங்கள் என பல பக்கத்தாலும் பல சவால்களை யாழ் தேர்தல் களத்தில் எதிர்கொண்டது தமிழரசுக் கட்சி.

இம்முறை தேர்தலில், யாழ் தேர்தல் மாவட்டத்தில் தமிழரசுக் கட்சி முதன் முறையாக இரண்டாம் இடத்திற்கு தள்ளப்பட்டுள்ளதுடன், வன்னி தேர்தல் மாவட்டத்தில் மூன்றாம் நிலைக்கு தள்ளப்பட்டிருந்தமையும் குறிப்பிடத்தக்கது. யாழ் தேர்தல் மாவட்டத்தில் தேசியக் கட்சி ஒன்று மூன்று ஆசனங்களைப் பெற்றமையும் இதுவே முதல்முறையாகும்.

கடந்த ஜனாதிபதி தேர்தலில் தமிழரசுக் கட்சி ஆதரவளித்த சஜித் பிரேமதாசாவின் ஐக்கிய மக்கள் சக்தி யாழ்ப்பாணம் மற்றும் வன்னி மாவட்டங்களில் போட்டியிடாமல் விட்டிருந்தால் தமிழரசுக் கட்சிக்கு மேலும் ஒன்று அல்லது இரண்டு ஆசனங்கள் கிடைத்திருக்கலாம்!! ஐக்கிய மக்கள் சக்தி யாழ் மாவட்டத்தில் 15,276 வாக்குகளைப் பெற்றிருந்தமையும் இங்கே சுட்டிக்காட்டப்படவேண்டும்.

தேர்தல் மாவட்டம்	வாக்குகள்	ஆசனம்
யாழ்ப்பாணம்	63,327	1
வன்னி	29,711	1
திருகோணமலை	34,168	1
மட்டக்களப்பு	96,975	3
அம்பாறை	33,632	1
தேசிய பட்டியல்		1
	257,813	08

The post தமிழரசுக் கட்சிக்கு 8 ஆசனங்கள் appeared first on Puthinam NEWS புதினம் - Sri Lanka Tamil NEWS.

போதைப் பொருளின் ஆபத்து தொடர்பான மகஜர் பிரதமரிடம் கையளிப்பு

புதினம் — Tue, 15 Oct 2024 00:50:34 +0000

இலங்கை மட்டக்களப்பு மாவட்டம், காத்தான்குடி பிரதேசத்தைச் சேர்ந்த 14வயதுடைய பாத்திமா நதா என்ற பாடசாலை மாணவி இலங்கை பிரதமருக்கு மகஜர் ஒன்றைக் கையளித்துள்ளார்.

காத்தான்குடியிலிருந்து தலைநகர் கொழும்பிற்கு துவிச்சக்கர வண்டியில் பயணித்த இந்த மாணவி, பிரதமர் ஹரிணி அமரசூரியாவிடம் மகஜர் ஒன்றைக் கையளித்துள்ளார்.

இளம் தலைமுறையினரை அழிவுப் பாதைக்கு இட்டுச் செல்லும் போதைப் பொருள் பாவனைக்கு எதிராகவும், அதிகரித்து வரும் சிறுவர் துஷ்பிரயோகத்தை தடுப்பதற்குமான உடனடி நடவடிக்கையை எடுக்குமாறு வலியுறுத்திய மகஜரையே பிரதமரிடம் பாத்திமா நதா கையளித்தார்.

The post போதைப் பொருளின் ஆபத்து தொடர்பான மகஜர் பிரதமரிடம் கையளிப்பு appeared first on Puthinam NEWS புதினம் - Sri Lanka Tamil NEWS.

வடக்கு கிழக்கிலும் தீ வைப்பு சம்பவங்கள்

புதினம் — Tue, 10 May 2022 23:04:46 +0000

காலிமுகத்திடலில் அமைதியான முறையில் அரச எதிர்ப்பு போராட்டங்களை நடத்தி வந்த மக்களுக்கு எதிராக மகிந்த ராஜபக்சவின் பொதுஜன பெரமுன கட்சி பிரமுகர்களாலும் அவர்களின் ஏற்பாட்டில் வாகனங்களில் கொண்டு வந்து இறக்கப்பட்ட காடையர்களாளும் கட்டவிழ்த்து விடப்பட்ட வன்முறை சம்பவங்கள் இப்போது நாடுமுழுவதும் அரசிற்கெதிரான வன்முறைப் போராட்டமாக மாறியுள்ளது.

வட மாகாணத்தில் யாழ்ப்பாணம் சண்டிலிப்பாய் பிரதேசத்தில் அமைந்திருந்த அங்கஜன் ராமநாதனின் மக்கள் அலுவலகம் தீக்கிரையாக்கப்பட்டுள்ளது. இலங்கை சுதந்திரக் கட்சியின் யாழ் மாவட்ட பாராளுமன்ற உறுப்பினரான அங்கஜன், கடந்த பொதுத் தேர்தலில் யாழ் மாவட்டத்தில் அதிகளவான வாக்குகளைப் பெற்று வெற்றி பெற்றிருந்தார்.

இதேவேளை கிழக்கு மாகாணத்தில் மட்டக்களப்பு ஏறாவூர்ப் பிரதேசத்தில் அமைந்திருந்த நஸீர் அஹமட்டின் கட்சி அலுவலகமும் தீக்கிரையாக்கப்பட்டுள்ளது.

இலங்கை முஸ்லிம் காங்கிரஸ் கட்சியின் பாராளுமன்ற உறுப்பினரான நஸீர் அஹமட், அரசாங்கத்துடன் இணைந்து அமைச்சுப் பதவிகளையும் பெற்றிருந்தார். பின்னர் இவரை முஸ்லிம் காங்கிரஸ் கட்சியிலிருந்து நீக்கியிருந்தமையும் இங்கே குறிப்பிடத்தக்கது.

The post வடக்கு கிழக்கிலும் தீ வைப்பு சம்பவங்கள் appeared first on Puthinam NEWS புதினம் - Sri Lanka Tamil NEWS.

தமிழ்த் தேசியக் கூட்டமைப்பின் மேதினக் கூட்டங்கள்

புதினம் — Sun, 01 May 2022 04:17:27 +0000

வடக்கு மாகாணம்

தமிழ்த் தேசியக் கூட்டமைப்பின் மேதினக் கூட்டங்கள் வடக்கு கிழக்கில் இன்று(01/05) இடம்பெறவுள்ளது.

கிளிநொச்சியில், பாராளுமன்ற உறுப்பினர் சிவஞானம் சிறீதரன் தலைமையில் “எமது உரிமையை வென்றெடுப்போம்” எனும் தொனிப்பொருளில், ஏழு அம்சக் கோரிக்கைகளை வலியுறுத்தி கிளிநொச்சி பசுமைப் பூங்காவில் பகல் 2 மணிக்கு இடம்பெறவுள்ளது.

ஏழு அம்சக் கோரிக்கைகளாவன,

1.தமிழர் தாயகத்தை அங்கீகரிக்க கோரி
2.வடக்கு கிழக்கு இணைப்பை வலியுறுத்தி
3.காணமல் ஆக்கப்பட்ட உறவுகளுக்கு நீதி கோரி
4.நில ஆக்கிரமிப்புகளுக்கு எதிராக
5.அரசியல் கைதிகளின் விடுதலைக்காக
6.தொழிலாளர்களின் உரிமைக்காக
7.அதிகரித்த விலைவாசிக்காக

கிழக்கு மாகாணம்

தமித்தேசிய கூட்டமைப்பின் பாராளுன்ற உறுப்பினர் சாணக்கியன் தலைமையில், மட்டக்களப்பு கல்லடிப் பாலத்திற்கு அருகாமையிலுள்ள மீனிசை சிறுவர் பூங்கா திடலில் பிற்பகல் 2 மணிக்கு மாபெரும் மேதினக் கூட்டம் இடம்பெறவுள்ளது.

The post தமிழ்த் தேசியக் கூட்டமைப்பின் மேதினக் கூட்டங்கள் appeared first on Puthinam NEWS புதினம் - Sri Lanka Tamil NEWS.

மட்டக்களப்பில் ஆர்ப்பாட்ட பேரணியை தடுக்க முயன்ற காவல்துறையினர்

புதினம் — Sun, 30 Aug 2020 10:37:17 +0000

சர்வதேச வலிந்து காணாமல் ஆக்கப்பட்டோர் தினமான இன்று (30/08) இலங்கையின் வடக்கு, கிழக்கில் அமைதியான முறையில் கவனயீர்ப்பு ஆர்ப்பாட்டங்கள் முன்னெடுக்கப்பட்டிருந்தன. இதில் மட்டக்களப்பில் ஆரம்பமபான பேரணியை தடுக்க இலங்கை காவல்துறையினர் கடும் முயற்சி செய்தனர்.

நீதிமன்ற தடை உத்தரவினைப் பெற்று, கலகமடக்கும் காவல்துறையினரின் உதவியுடன் பேரணியைத் தடுக்க கடும் முயற்சி மேற்கொள்ளப்பட்டது. இருப்பினும் மக்களின் கடும் எதிர்ப்பினால் காவல்துறையினரின் தடையை மீறி பேரணி இடம்பெற்றது.

விடுதலைப் புலிகள் மீள் எழுச்சி பெறுவார்கள் மற்றும் கொரோனா நோய்த் தொற்றினை காரணம் காட்டியும் பேரணிக்கு தடை உத்தரவு பெறப்பட்டிருந்தமை குறிப்பிடத்தக்கது.

தமிழ் தேசிய கூட்டமைப்பு நாடாளுமன்ற உறுப்பினர்களான கோவிந்தன் கருணாகரம் மற்றும் சாணக்கியன் ஆகியோருடன், கூட்டமைப்பின் முன்னாள் நாடாளுமன்ற உறுப்பினர்களும் பேரணியில் பங்குபற்றியிருந்தனர்.

The post மட்டக்களப்பில் ஆர்ப்பாட்ட பேரணியை தடுக்க முயன்ற காவல்துறையினர் appeared first on Puthinam NEWS புதினம் - Sri Lanka Tamil NEWS.

வடக்கு, கிழக்கில் கவனயீர்ப்பு ஆர்ப்பாட்டம்

புதினம் — Sun, 30 Aug 2020 01:55:49 +0000

சர்வதேச வலிந்து காணாமல் ஆக்கப்பட்டோர் தினமான இன்று (30/08) இலங்கையின் வடக்கு, கிழக்கிலும் அமைதியான முறையில் கவனயீர்ப்பு ஆர்ப்பாட்டங்கள் முன்னெடுக்கப்படுகின்றன.

கடந்த மூன்று ஆண்டுகளாக சுழற்சி முறையில், கவனயீர்ப்பு மற்றும் உண்ணாவிரத போரட்டங்களை மேற்கொண்டுவரும் காணாமல் ஆக்கப்பட்டோரின் உறவினர்களால் இந்த கவனயீர்ப்பு ஆர்ப்பாட்டம் யாழ்ப்பாணம் மற்றும் மட்டக்களப்பில் ஒழுங்கு செய்யப்பட்டுள்ளது.

இன்று காலை 10 மணிக்கு யாழ்ப்பாணத்தில் பேருந்து நிலையத்திலிருந்து ஆரம்பித்து மாவட்ட செயலகம் (கச்சேரி) வரைக்கும் அமைதியான முறையில் கவனயீர்ப்பு ஆர்ப்பாட்ட பேரணி இடம்பெறும். இதேவேளை மட்டக்களப்பில், காலை 10 மணிக்கு கல்லடிப் பாலத்தில் ஆரம்பித்து காந்தி பூங்கா வரையிலும் அமைதியான முறையில் கவனயீர்ப்பு ஆர்ப்பாட்ட பேரணி இடம்பெறும்.

The post வடக்கு, கிழக்கில் கவனயீர்ப்பு ஆர்ப்பாட்டம் appeared first on Puthinam NEWS புதினம் - Sri Lanka Tamil NEWS.

வடக்கு கிழக்கு மாகாணத்தில் கட்சிகள் பெற்ற வாக்குகள்

புதினம் — Sat, 08 Aug 2020 05:44:06 +0000

தமிழரசுக் கட்சி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	112,967	3
வன்னி	69,916	3
மட்டக்களப்பு	79,460	2
திருகோணமலை	39,570	1
அம்பாறை	25,220	–

அகில இலங்கை தமிழ்க் காங்கிரஸ்

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	55,303	1
வன்னி	8,232	–
மட்டக்களப்பு	1,203	–
திருகோணமலை	2,745	–
அம்பாறை	–	–

ஈழ மக்கள் ஜனநாயகக் கட்சி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	45,797	1
வன்னி	11,310	1
மட்டக்களப்பு	–	–
திருகோணமலை	3,775	–
அம்பாறை	–	–

தமிழ் மக்கள் தேசியக் கூட்டணி

தேர்தல் மாவட்டம்	வாக்குகள்	ஆசனங்கள்
யாழ்ப்பாணம்	35,927	1
வன்னி	8,789	–
மட்டக்களப்பு	4,960	–
திருகோணமலை	1,625	–
அம்பாறை	–	–

The post வடக்கு கிழக்கு மாகாணத்தில் கட்சிகள் பெற்ற வாக்குகள் appeared first on Puthinam NEWS புதினம் - Sri Lanka Tamil NEWS.

நாடாளுமன்ற தேர்தல் முடிவுகள் 2020 – மட்டக்களப்பு, அம்பாறை மாவட்டங்கள்

புதினம் — Fri, 07 Aug 2020 13:03:30 +0000

நாடாளுமன்ற தேர்தல் 2020 – மட்டகளப்பு மாவட்டம்

கட்சிகள் பெற்ற மொத்த வாக்குகள்

இலங்கை தமிழரசுக் கட்சி – 79,460
26.6%
தமிழ் மக்கள் விடுதலைப் புலிகள் – 67,692
22.71%
இலங்கை முஸ்லிம் காங்கிரஸ் – 34,428
11.55%
பொதுஜன பெரமுன – 33,424
11.22%
ஐக்கிய அமைதிக் கூட்டணி – 31,054
10.42%
ஐக்கிய மக்கள் சக்தி – 28,362
9.52%
தமிழர் ஐக்கிய விடுதலை முன்னணி – 8,133
2.7%

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
இலங்கை தழிழரசுக் கட்சி	2
தமிழ் மக்கள் விடுதலைப் புலிகள்	1
இலங்கை முஸ்லிம் காங்கிரஸ்	1
பொதுஜன பெரமுன	1
தமிழ் மக்கள் தேசியக் கட்சி	–
ஐக்கிய மக்கள் சக்தி	–
ஐக்கிய தேசியக் கட்சி	–

நாடாளுமன்ற தேர்தல் 2020 – அம்பாறை மாவட்டம்

கட்சிகள் பெற்ற மொத்த வாக்குகள்

பொதுஜன பெரமுன – 126,012
32.65%
ஐக்கிய மக்கள் சக்தி – 102,274
26.5%
அகில இலங்கை மக்கள் காங்கிரஸ் – 43,319
11.22%
தேசிய காங்கிரஸ் – 38,911
10.8%
அகில இலங்கை தமிழ் மகா சபை – 29,379
7.61%
இலங்கை தமிழ் அரசுக் கட்சி – 25,220

கட்சிகள் பெற்ற ஆசனங்களின் எண்ணிக்கை

கட்சி	ஆசனங்கள்
பொதுஜன பெரமுன	3
ஐக்கிய மக்கள் சக்தி	2
அகில இலங்கை மக்கள் காங்கிரஸ்	1
தேசிய காங்கிரஸ்	1
அகில இலங்கை தமிழ் சபை	–
இலங்கை தமிழ் அரசுக் கட்சி	–

நாடாளுமன்ற தேர்தல் முடிவுகள் 2020 – வன்னி மாவட்டம்

நாடாளுமன்ற தேர்தல் முடிவுகள் 2020 – யாழ் மாவட்டம்

நாடாளுமன்ற தேர்தல் முடிவுகள் 2020

The post நாடாளுமன்ற தேர்தல் முடிவுகள் 2020 – மட்டக்களப்பு, அம்பாறை மாவட்டங்கள் appeared first on Puthinam NEWS புதினம் - Sri Lanka Tamil NEWS.

சிட்னியில் தொடரூந்து முன் பாய்ந்து தமிழ் இளைஞன் தற்கொலை

புதினம் — Fri, 24 Jul 2020 00:13:35 +0000

ஆஸ்திரேலியாவின் சிட்னியில் அகதி அந்தஸ்து கோரி விண்ணப்பித்திருந்த தமிழ் இளைஞன் ஒருவர் தொடரூந்தின் முன் பாய்ந்து தன் உயிரை மாய்த்துள்ளார்.

மட்டக்களப்பு களுவாஞ்சிக்குடியைப் சேரந்த 36 வயதான இளைஞரே இவ்வாறு தற்கொலை செய்துள்ளார்.

நான்கு வருடங்களாக அகதி அந்தஸ்து கிடைப்பதற்காக முயற்சி செய்தும், இவரது கோரிக்கையை ஆஸ்திரேலிய அரசு இரு தடவைகள் நிராகரித்துள்ளது. இதன்மூலம் ஏற்பட்ட மன உளைச்சலாலேயே இவர் இவ்வாறான துரதிஷ்டவசமான முடிவை எடுத்திருக்கலாம் என அஞ்சப்படுகிறது.

சட்டவிரோதமாக ஆஸ்திரேலியா வருபவர்களுக்கு குடியுரிமை வழங்கப்படமாட்டாது என ஆஸ்திரேலிய அரசு தொடர்ச்சியாக தெரிவித்து வருகின்றமை குறிப்பிடத்தக்கது.

The post சிட்னியில் தொடரூந்து முன் பாய்ந்து தமிழ் இளைஞன் தற்கொலை appeared first on Puthinam NEWS புதினம் - Sri Lanka Tamil NEWS.

இறந்தவர்களின் எண்ணிக்கை 253. காயமடைந்தவர்கள் 485

புதினம் — Fri, 26 Apr 2019 02:14:23 +0000

கடந்த ஞாயிறு (21/04) இலங்கையில் இஸ்லாமிய பயங்கரவாதிகளால் நடத்தப்பட்ட தொடர் மனித வெடிகுண்டுத் தாக்குதல்களில் இறந்தவர்களின் சரியான எண்ணிக்கை 253 என இலங்கை சுகாதார சேவைகள் அதிகாரி வைத்தியர் அணில் ஜெயசிங்க அறிக்கை வெளியிட்டுள்ளார்.

ஏற்கனவே அறிவிக்கப்பட்டதுபோல் 359 பேர் இறக்கவில்லை என்றதும் அவர் மேலும் குறிப்பிட்டுள்ளார். மேலும் காயமடைந்தவர்களின் எண்ணிக்கை 485 என்றும் அவர் தெரிவித்துள்ளார்.

The post இறந்தவர்களின் எண்ணிக்கை 253. காயமடைந்தவர்கள் 485 appeared first on Puthinam NEWS புதினம் - Sri Lanka Tamil NEWS.