இந்தோனேசியாவின் பாலியில் இடம்பெற்றுவரும் G20 மாநாட்டில் பங்குபெற வந்திருக்கும் சீன ஜனாதிபதி மற்றும் ஆஸ்திரேலிய பிரதமர் ஆகியோர் நேருக்கு நேர் சந்த்தித்துப் பேச்சுவார்த்தை நடத்தினர்.

இந்த சந்திப்பு இரு நாடுகளுக்கிடையே நிலவி வந்த பெரும் இராஜதந்திர விரிசலிற்கு முடிவு கட்டுமென எதிர்பார்க்கப்படுகிறது.

இரு நாடுகளுக்கிடையேயான இராஜதந்திர விரிசலால், ஆஸ்திரேலியாவின் சீனாவிற்கான இரண்டு பில்லியன் டாலர்கள் பெறுமதியான வருடாந்த ஏற்றுமதியை சீன நிறுத்தியிருந்தது. இது ஆஸ்திரேலியாவிற்கு பாரிய பொருளாதார பின்னடைவாக இருந்து வருவதுடன், ஆஸ்திரேலியாவின் டொலரின் மதிப்பையும் குறைத்துள்ளது என்பது குறிப்பிடத்தக்கது.

The post ஆறு வருடங்களின் பின்னர் சந்திக்கும் சீன ஆஸி தலைவர்கள் appeared first on Puthinam NEWS புதினம் - Sri Lanka Tamil NEWS.

இலங்கை துடுப்பாட்ட நிறுவனம் ஏற்கனவே தனிப்பட்ட பலரிடம் நன்கொடை வழங்குமாறு வேண்டுகோள் விடுத்திருப்பதாகவும், இலங்கை துடுப்பாட்ட அணியின் மற்றுமொரு வீரரான வணிந்து ஹஸரங்க ஏற்கனவே பெருந்தொகை பணத்தினை வழங்கியுள்ளதாகவும் தென்னிலங்கை ஊடகங்கள் தெரிவிக்கின்றன.

ஆஸ்திரேலிய நீதிமன்றால் ஏற்கனவே பிணை மறுக்கப்பட்டிருந்த நிலையில் தனுஷ்க குணத்திலக சிறையில் உள்ளார். இவரின் வழக்கு அடுத்த வருடம் ஜனவரி 12இல் இடம்பெறவுள்ளது. இந்நிலையிலேயே தனுஷ்க குணத்திலகவினை பிணையில் எடுக்கும் பணிகள் மும்மரமாக இடம்பெறுவதாக தகவல்கள் தெரிவிக்கின்றன.

The post பிணையில் எடுக்க இரண்டு இலட்சம் டொலர்கள் appeared first on Puthinam NEWS புதினம் - Sri Lanka Tamil NEWS.

31 வயதான தனுஷ்க குணதிலக சிட்னி நகரில் 29வயதான பெண்ணை பாலியல் வன்கொடுமை செய்தமை உட்பட நான்கு குற்றச்சாட்டுக்களின் அடிப்படையிலேயே கைது செய்யப்பட்டு நீதிமன்றில் முன்னிலைப்படுத்தப்பட்டார்.

முறைப்பாடுகளை பரிசீலித்த நீதிபதி தனுஷ்க குணதிலகவிற்கு பிணை வழங்குவதற்கான கோரிக்கையை நிராகரித்தார். இதனால் நாளை திங்கட்கிழமை மீண்டும் நீதிமன்றில் முன்னிலைப்படுத்தப்படும்வரை தடுப்புக் காவலில் வைக்கப்படுவார்.

The post ஆஸ்திரேலியாவில் இலங்கை துடுப்பாட்ட வீரர் கைது appeared first on Puthinam NEWS புதினம் - Sri Lanka Tamil NEWS.

கடந்த ஜூன் மாதத்தில் மட்டும், ஆஸ்திரேலியாவினுள் நுழைய முற்பட்ட நான்கு படகுகளை ஆஸ்திரேலிய எல்லைப் பாதுகாப்புப்படையினர் வழிமறித்துள்ளனர். படகில் வந்த அனைவரையும் (மொத்தமாக 125பேர்) பாதுகாப்பாக விமானம் மூலம் இலங்கைக்கு நாடு கடத்தியுள்ளனர்.

இலங்கையில் ஏற்பட்டுள்ள பாரிய பொருளாதார நெருக்கடியால் மக்கள் நாட்டை விட்டுச் செல்ல பல்வேறு வழிகளிலும் முயன்று வருகின்றனர்.

ஆஸ்திரேலியாவில் தொழிற்கட்சி அரசாங்கம் புகலிடக் கோரிக்கையாளர்களுக்கு தஞ்சம் வழங்குவார்கள் என்னும் பொய்யான வாக்குறுதிகளை ஆட்கடத்தல்காரர்கள் மக்கள் மத்தியில் பரப்பி வருகின்றமையும், மக்கள் ஆஸ்திரேலியா நோக்கி ஆபத்தான படகுப் பயணத்தை மேற்கொள்ள மிக முக்கிய காரணமாக அமைகின்றது.

The post ஜீன் மாதத்தில் மட்டும் 125 இலங்கையர்களை நாடு கடத்திய ஆஸ்திரேலியா appeared first on Puthinam NEWS புதினம் - Sri Lanka Tamil NEWS.

சட்டவிரோதமாக மீன்பிடி படகில் ஆஸ்திரேலியா சென்றுகொண்டிருந்தபோது புயலில் சிக்கி தத்தளித்துக்கொண்டிருந்த 55பேரை இலங்கை கடற்படையினர் மீட்டுள்ளனர்.

ஹம்பாந்தோட்டையிலிருந்து 390 கடல்மைல் தொலைவில் கடந்த 10ம் திகதி மேற்படி சம்பவம் இடம்பெற்றுள்ளது. மீட்கப்பட்டவர்களில் 46 ஆண்கள், 03 பெண்கள் மற்றும் 06 சிறுவர்கள் உள்ளடங்குவர்.

மீட்கப்பட்டவர்கள் யாழ்ப்பாணம், கிளிநொச்சி, முல்லைத்தீவு, மன்னார், வவுனியா, திருகோணமலை மற்றும் கற்பிட்டி பிரதேசங்களைச் சேர்ந்தவர்களாவர்.

படகு மூலம் சட்டவிரோதமாக ஆஸ்திரேலியா வருபவர்களுக்கு புகலிடம் வழங்கப்படாது என ஆஸ்திரேலியா அரசாங்கம் மிகத் தெளிவாக தெரிவித்துள்ளமை இங்கே குறிப்பிடத்தக்கது.

The post ஆழ்கடலில் தத்தளித்த 55பேரை மீட்ட கடற்படை 📷 appeared first on Puthinam NEWS புதினம் - Sri Lanka Tamil NEWS.

விசாரணைகளின்போது, ஆட்கடத்தல்காரர்கள் படகு மூலம் ஆஸ்திரேலியா செல்ல இரண்டு இலட்சம் ரூபாய் முதல் பத்து இலட்சம் ரூபாய்வரை கட்டணங்கள் அறவிட்டுள்ளதாகவும், ஆபத்து நிறைந்த கடற்பயணத்திற்கு பழைய மற்றும் உடைந்த படகுகளைப் பயன்படுத்தியமையும் தெரியவந்துள்ளதாக காவல்துறையினர் தெரிவித்துள்ளனர்

படகு மூலம் வருபவர்களுக்கு ஆஸ்திரேலியாவில் குடியுரிமை வழங்கப்பட மாட்டாது என ஆஸ்திரேலியப் பிரதமர் அன்ரனி அல்பனீசி உறுதியாக தெரிவித்திருந்தமையும் இங்கே குறிப்பிடத்தக்கது.

The post இதுவரையில் சட்டவிரோதமாக நாட்டைவிட்டு செல்ல முயன்ற 399பேர் கைது appeared first on Puthinam NEWS புதினம் - Sri Lanka Tamil NEWS.

புகலிடக் கோரிக்கையாளர்கள் தொடர்பான ஆஸ்திரேலிய அரசாங்கத்தின் கொள்கை மிகத் தெளிவானது என குறிப்பிட்ட ஆஸ்திரேலியா பிரதமர், எந்தவொரு சந்தர்ப்பத்திலும் சட்டவிரோதமாக படகு மூலம் வருபவர்கள் ஆஸ்திரேலிய நாட்டில் குடியேற்றப்பட மாட்டார்கள் எனவும் தெரிவித்துள்ளார்.

அண்மையில் தேர்தலில் வெற்றி பெற்று ஆட்சியமைத்த ஆஸ்திரேலிய தொழிலாளர் கட்சி, படகு மூலம் வருபவர்களுக்கு புகலிடம் அளிப்பதாக ஆட்கடத்தல்காரர்களினால் பொய்யான தகவல்கள் மக்கள் மத்தியில் பரப்பப்பட்டு வருகின்றது.

கடத்தல்காரர்களின் பொய்யான தகவல்களை நம்பி, பலர் சட்டவிரோதமாக இலங்கையில் இருந்து படகு மூலம் ஆஸ்திரேலியா செல்ல முயற்சிக்கிறார்கள். ஏற்கனவே பல படகுகளை இலங்கை கடற்படையினர் வழி மறித்துள்ளதுடன், பலரைக் கைது செய்தும் உள்ளனர்.

மேலும் சில படகுகள் ஆஸ்திரேலிய கடற்பரப்பினை அண்மித்தபோது, எல்லைப் பாதுகாப்பு படையினரால் வழிமறிக்கப்பட்டு, படகில் வந்த அனைவரும் விமானம் மூலம் இலங்கைக்கு மீண்டும் அனுப்பி வைக்கப்பட்டுள்ளனர்.

இருப்பினும் ஆட்கடத்தல்காரர்கள் அல்லது மக்களை இந்த ஆபத்தான பொறிக்குள் சிக்கவைக்கும் தரகர்கள் போன்றோரை இலங்கை காவல்துறை இதுவரை கைது செய்யவில்லை என்பதும் இங்கே குறிப்பிடத்தக்கது.

மிகவும் ஆபத்து நிறைந்த கடற்பயணத்தை மேற்கொள்ள, பல இலட்சம் ரூபா பணத்தை கொள்ளையரின் கையில் கொடுத்து அப்பாவி மக்கள் ஏமாறாமல் இருக்க வேண்டும்.

The post படகு மூலம் வருபவர்கள் ஆஸ்திரேலியாவில் குடியேற்றப்பட மாட்டார்கள் appeared first on Puthinam NEWS புதினம் - Sri Lanka Tamil NEWS.

அவசர உணவு மற்றும் மருத்துவ தேவைகளுக்காக ஆஸ்திரேலிய அரசாங்கம் 50 மில்லியன் டொலர்கள் பெறுமதியான உதவிகளை இலங்கைக்கு வழங்குகின்றது.

முதற்கட்டமாக 22 மில்லியன் டொலர்களை ஐக்கிய நாடுகள் உலக உணவுத் திட்டத்திற்கு (WFP) ஆஸ்திரேலியா வழங்குகின்றது. இதன் மூலம் WFP அமைப்பு இலங்கையில் மிகவும் மோசமாக பாதிக்கப்பட்டுள்ள 3 மில்லியன் மக்களுக்கான அவசர உணவு வழங்கலை மேற்கொள்ளும்.

இதேவேளை, நடப்பாண்ட்டில் (2022-2030) இலங்கையின் அபிவிருத்திக்காக மேலும் 23 மில்லியன் டொலர்களை ஆஸ்திரேலிய அரசாங்கம் வழங்குகின்றது.

ஏற்கனவே ஐக்கிய நாடுகள் அமைப்பிற்கு வழங்கியிருந்த 5 மில்லியன் டொலர்கள் உதவியுடன் சேர்த்து, மொத்தமாக 50 மில்லியன் டொலர்களை ஆஸ்திரேலியா இலங்கைக்கு வழங்குகின்றமை இங்கே குறிப்பிடத்தக்கது.

The post 50 மில்லியன் டொலர்கள் பெறுமதியான உதவிகளை வழங்கும் ஆஸ்திரேலியா appeared first on Puthinam NEWS புதினம் - Sri Lanka Tamil NEWS.

பெனால்டி முறையில் 5 : 4 என்ற கோல் என்ற விகிதத்தில் ஆஸ்திரேலிய அணி பலம்வாய்ந்த பெரு அணியை வென்றுள்ளது. இறுதிவரை சிறப்பாக விளையாடிய இரு அணிகளும் 90 நிமிட முடிவில் எவ்வித கோல்களையும் பெற்றிருக்கவில்லை.

இதனால் மேலதிகமாக வழங்கப்பட்ட 30 நிமிட நேரத்திலும் இரு அணிகளும் எவ்வித கோல்களையும் பெற்றிருக்கவில்லை. இறுதியில் பெனால்டி முறையில் ஆஸ்திரேலியா அணி 5 : 4 என்ற கோல் என்ற விகிதத்தில் வெற்றிபெற்றது.

இவ்வருடம் நவம்பர் மாதம் கட்டார் நாட்டில் நடைபெறவுள்ள FIFA உலககிண்ண கால்பந்து போட்டிகளில், ஆஸ்திரேலிய அணி மிகவும் பலம் வாய்ந்த (f)பிரான்ஸ், டென்மார்க் மற்றும் துனிஸியா போன்ற அணிகள் உள்ள குழுவில் இடம்பெற்றுள்ளது.

The post FIFA உலககிண்ண கால்பந்து போட்டிகளில் விளையாட ஆஸ்திரேலிய அணி தகுதி appeared first on Puthinam NEWS புதினம் - Sri Lanka Tamil NEWS.

இடைக்கால வெளியுறவுத்துறை அமைச்சர் ஜிம் ஷாமல்ர்ஸ் தனக்குரிய அதிகாரத்தைப் பயன்படுத்தி மேற்படி குடும்பத்திற்கு இணைப்பு விசாவை வழங்கியுள்ளார். இதனடிப்படையில், பிரியா-நடேஷ் குடும்பத்தின் நிரந்தர குடியுரிமை சம்பந்தமாக இறுதி முடிவு வரும்வரை, அவர்கள் ஆஸ்திரேலியாவில் தங்க முடியும்.

ஆஸ்திரேலியா தொழிலாளர் கட்சி தாம் ஆட்சிக்கு வந்தால், பிரியா-நடேஸ் குடும்பம் மீள ஆஸ்திரேலியாவில் வசிக்க, சட்டத்திற்குட்பட்டு அனைத்தையும் செய்வோம் என வாக்குறுதி வழங்கியிருந்தது. அதனை நிறைவேற்றும் வகையில், ஆட்சிப்பீடம் ஏறி ஐந்து நாட்களுக்குள் தமது வாக்குறுதியைக் காப்பாற்றியுள்ளது ஆஸ்திரேலியா தொழிலாளர் கட்சி

The post பிரியா-நடேஸ் குடும்பம் ஆஸ்திரேலியாவில் தங்க அனுமதி appeared first on Puthinam NEWS புதினம் - Sri Lanka Tamil NEWS.